ابن خالتي اتقلب بالهوندا ال 2012 علي الطريق الصحراوي و الحمد لله

**OmaR_FekrY** · 17-04-2012 05:31 PM

حمد الله على سلامتهم كلهم .... بس الحق استخبى انت بقى :)

ربنا معاكم ,, و اقرا المعوذتين و ان شاء الله الدنيا هتتحسن

**hossam_elwani** · 17-04-2012 05:41 PM

ده ايه كمية المصايب دى ربنا يعوض عليهم ده الواحد فى نعمه ملهاش حد لما يسمع حاجه زى كده اللهم لك الحمد وربنا يصبرهم ويعوض عليهم كل خير

عشان كده من فتره مبقاش حد بينزل تقرير مصور لعربيته الجديده او المستعمله زى زمان

**Ghosts** · 17-04-2012 05:42 PM

فى مجتمعنا دة محدش بيحب الخير لحد ....

**S O P H O S** · 17-04-2012 05:53 PM

ربنا يستر عليهم هما مش مهم العربيات بقي كده كده اتحسدوا
الحمد الله اولا واخيرا

**Screenplays** · 17-04-2012 06:01 PM

المشاركة الأصلية كتبت بواسطة alaasaid

لا حول ولا قوة الا بالله , ربنا يعافيهم جميعا من كل شر و سوء , عليهم انهم يكثروا من الاذكار و هى خير حصن ليهم .

الله يخليك يا فندم

المشاركة الأصلية كتبت بواسطة ghosts

أنيس منصور قالها حكمة ....
لا يوجد فى هذا الكون حقيقة واحدة مؤكدة سوى وجود الله و الموت و الحسد ....

مش عارف أقولك حمد الله على سلامة مين ولا مين ....
حمد الله على سلامتهم كلهم و ربنا يجعلها أخر الأحزان ....

قول لأبن خالتك دارى على شمعتك تنور ....
يعنى بلاش تلف بالعربية (اللى بعد الهوندا) ليل ونهار و تنزل صورها على الفيس زفت عشان العين فلقت الحجر ....

ههههه حبيبي و الله كنت ناقص ابوس رجله عشان يخف لف بيها و يخف تصوير فيها عيل محدث نعمه و الله و المشكله بعد ما خف برضه شغال لف و تصوير و يقولي ان الدنيا لسه بخير

المشكله كلها في بنت خالتي لانها عيله صغيره

المشاركة الأصلية كتبت بواسطة rompo10

ربنا يبعد عنهم العين وعن كل المؤمنين انا حصل معانا نفس الموقف غيرت عربيت ولدي وجبت 406 واحد قالي انتي بتغير كل يوم ولا ايه لبست وش لوش في عربيه نقل المهم ان الارواح سليمه الحمد الله علي كل شئ

لا حول و لا قوه الا بالله ... نفسي الناس تخليها في حالها ايه ده ؟

المشاركة الأصلية كتبت بواسطة ahmedeihab

يا باشا قل لن يصيبنا الا ما كتبه الله لنا
و قول لابن خالتك كويس انها جت على قد كده
و خليه يمشى بمثل دارى على شمعتك تقيد
و ان شاء الله دى تبقى اخر مشاكل يقابلوها قول امين
^_^

امين يا رب العالمين و قولتله المثل ده بس هو عيل محدث نعمه مع ان كان راكب مرسيدس بتاعت ابوه بس مكنتش متناسبه مع اهوائه الشبابيه ... عيال سيس ههههههههه

المشاركة الأصلية كتبت بواسطة amrgamal1

والله يا باشا فعلا الحسد موجود زي ماهو مذكور في القرآن

انا اول ما جيبت عربيتي الاوبل فيكترا .. عربيه شكلها تحفه مش زي اي اوبل بتشوفها
حصلي كميه مشاكل - عملت حادثه - وبعدها بشويه الفتيس باظ - وحصلي مشاكل في شغلي انا ووالدي
- ومشاكل مع العيله

بس الحمدلله

الحمد لله علي كل شئ

المشاركة الأصلية كتبت بواسطة hosamsief

اللهم اجرة فى مصيبته و اخلف له خير منها ...
العين حق ... بس ممكن حد يحسدك بدون ما يشعر ....

امين يا رب العالمين

المشاركة الأصلية كتبت بواسطة hondawy_2008

العين فلقت الحجر بس بجد يا سكرين أنا أول مرة أشوف حد جاب هوندا 2012 هي سيفيك؟

لو سيفيك يبقى حرام عليهم بجد سعرها مبالغ فيه جدا و نفس موتور القديمة و شكل القديمة كمان أحلى اللي فاجرة بجد سيفيك 2012 كوبيه رهيبة

بس مقولتش كان مأمن و لا لأ؟ يا رب يكون في تأمين

اه سيفيك 2012 و قولت لجوز خالتي ان الشكل الجديد غاليه بس تقول ايه علي الزنانين ؟ ابن خالتي نفسه يركبها و جابها و حصل اللي حصل

تأمين مين يا عم الحاج ؟ احنا في بورسعيد ماشيين بالبركه ههههههههههه ده احنا عايشين في هم يا راجل

**OMAR61995** · 17-04-2012 06:09 PM

حمد الله على السلامة
البلد دى لازم نمشى فيها بمبدأ دارى على شمعتك تقيد و دارى على فرختك تبيض

**mahmoud_afifi** · 17-04-2012 06:28 PM

قدر الله وما شاء فعل.

عشان كده والله انا مابحطش صور عربيتي على الفيس بوك ولا مخلي حد يعرف اني عندي عربية اصلا ومع ذلك العربيه بتتخبط وتتبهدل من الطريق.
الناس عنيها وحشه قوي

**Medicalist** · 17-04-2012 06:38 PM

امبارح كنت بحلق فلقيت الحلاق مدايق بقوله مالك
بيقولى واحد بن تيت حسدلى الخاتم ده
الخاتم ده جايله هديه من اخوه ومعدى ال500 جنيه المهم فيه فص بنى
بيقولى الزبون بيقوله ايه الخاتم الجامد ده بعد ما مشى لقى الفص مفلوق وورهولى و صابعه اتعور
هههه الحسد ده اكتر حاجه بترعبنى فى البلد دى انا مستخسر اصلح الخدوش الى فى العربيه والخبطات بسبب العين
انا ماعدتش بغسل العربيه لانى لما بغسلها بتتخبط
حاجات كتير
ربنا يعوضهم خير ويكفيهم العين