الموضوع: 210 بتيدا هاتشباك والف سلام لهذة السيارة العظيمة

السلام عليكم يا صقور النيسان
مررت بتجربة حبيت احكيلكم عليها كنت فى العين السخنة لتقضية اجازة شم النسيم وكل عام وانتم بخير

واثناء رجوعى يوم الاثنين مساء حوالى الساعة 11 مساء كنت اشاهد سيارات كثيرة تسابق بعضها فى رحلة العودة كلهم شباب طبعا وبصراحة كنت خايف اجرى معاهم وذلك لاعتقادى ان التيدا ضعيفة فى الجرى فقلت بلاش احرج نفسى

ولكن فى نصف الطريق تقريبا لاقيت 3 سيارات بتجرى مع بعض وغرز وسرعة كبيرة قلت اجرب
وكانوا انواعها فيكترا الجديدة والانترا الشكل الجديد ورينو فلوانس وقلت الناس دى هتاطعنى ،

المهم ابتديت اجرى معاهم سرعة وغرز فوجئت بقوة التيدا خاصة بعد 130 كم جينا فى حتة لاقيت الطريق فاضى لفترة طويلة قلت بس هتزهر هنا قوة كل عربية وفعلا كلة داس بنزين قمت دايس معاهم كان ترتيبى الثالث فى بداية الشد واحكيلكوا بقى اللى حصل .

لاقيت نفسى بعدى من الرينو والالنترا وهما وقفوا عند تقريبا 180كم ولاقيت نفسى لازق ورا الفيكترا وفضلت دايس على البنزين اصلى طمعت اعدى منة بس فضلنا ماشيين جنب بعض لغاية 210 كم لاقيت نفسى بدوس فرامل جامد لغاية ما نزلت 140 كم وانا بحضن الدركسيون من فخرى بهذة السيارة
علما باننى كنت حاطت بنزين 95 عشان مالاقتش 92 وكنت مشغل التكييف ومعايا حوالى 3 افراد فى السيارة.

وهذا رد على كل من يقول ان التيدا ما بتجريش وعلى فكرة العربية ثابتة جدا على السرعات دى

تحياتى لهذة السيارة واسف انى طولت عليكما

مصورتش ليييه ليييه لييه
انا اعلى سرعة جبتها كانت 200 :(
عموما حمد الله على سلامتك واديك اهو عرفت قدرات عربيتك فياريت متكررهاش تاني حتى لو الطريق كويس