أما اعلي الصب بيطلع صوت هوا أو رفرفة أكتر مابيطلع بيز

**Omar_H** · 17-04-2012 10:13 PM

السلام عليكم يا رجالة

أنا الحمد لله بعد استشارة الرجالة هنا بخصوص الصب ولجي ام جبت الحمد لله صب بايونير 1400 309 s4 اللي هو الجديد و وصلته على جي ام سيمفوني 600 وات 2 شانل و عملتله بوكس عمولة بنفس مقاسات الكتالوج و عزلته من جوه باللباد العازل و كل حاجة زي الفل (هو المفروض كان يتعمل من خشب 19 ملي حسب الكتالوج ما بيقول بس النجار قال لي معندوش الا 18 فقلتله ماشي بس معرفش بعد أما عمله و بقيس تخانة الخشب بالمتر لقيتها 16 أو 15 ملي و حتى قلتله إيه ده قال لي لأ هو ده 18 ملي وانا شاريه من المغلق 18 ملي .. الله أعلم بقى هو نصاب ولا إيه بس كده كده الحمد لله خد فيه 45 جنيه فا مش كتير يعني ) و جبتله ماسورة 3 بوصة من عند السباك هي عاملة زي بلاستيك لونها أبيض كده

المهم نيجي بقى لشكوتي ... أنا الصب الحمد لله شغال كويس بس لما بعلي ببتدي أحس إنه بيعمل vibration وكل حاجة بس مبيطلعش صوت جامد و لو فتحت الشنطة و وقفت اسمعه بابقى سامع زي صوت رفرفة الصب أو صوت الهوا اللي طالع من الماسورة إنما ماهوش صوت بيز جامد !!

هو أنا عامل الجين بتاع الجي ام على النص تقريبا

معلش بقى سؤال تاني كمان

ts-w,pioneer,bass,309d4,309s4 - YouTube

أنا عندي الصب على نفس الأغنية اللي في الفيديو ده مابيعدش يتعوج كده مع إنه نفس الموديل بالضبط المفروض فا إيه اللي بيخليه يتعوج كده ؟

و كمان هي الماسورة اللي أنا مركبها من أطرافها مجرد مقطوعة بالمنشار عادي فهل الماسورة اللي بتبقى نهايتها زي في الفيديو كده بتخلي الصوت أحسن عشان بيفرش و هو طالع ؟

معلش طولت عليكم بس الناس هنا هي مصدر معلوماتي الوحيد

**m7mda7md** · 17-04-2012 10:22 PM

غريب موضوع السمك ده بس مش هقدر افيدك فيه
كان بيحصل معايا الموضوع ده ايام الجي ام السيمفوني
و لما رميته و جبت jvc عرفت الفرق
بالنسبه لموضوع العوج ده هبقي انزل ابص ع الصب بتاعي اشوفه بيعوم كده ولا مؤدب ههههههههههههههههههههههه

**eldell** · 18-04-2012 03:52 AM

المشاركة الأصلية كتبت بواسطة omar_h

السلام عليكم يا رجالة

أنا الحمد لله بعد استشارة الرجالة هنا بخصوص الصب ولجي ام جبت الحمد لله صب بايونير 1400 309 s4 اللي هو الجديد و وصلته على جي ام سيمفوني 600 وات 2 شانل و عملتله بوكس عمولة بنفس مقاسات الكتالوج و عزلته من جوه باللباد العازل و كل حاجة زي الفل (هو المفروض كان يتعمل من خشب 19 ملي حسب الكتالوج ما بيقول بس النجار قال لي معندوش الا 18 فقلتله ماشي بس معرفش بعد أما عمله و بقيس تخانة الخشب بالمتر لقيتها 16 أو 15 ملي و حتى قلتله إيه ده قال لي لأ هو ده 18 ملي وانا شاريه من المغلق 18 ملي .. الله أعلم بقى هو نصاب ولا إيه بس كده كده الحمد لله خد فيه 45 جنيه فا مش كتير يعني ) و جبتله ماسورة 3 بوصة من عند السباك هي عاملة زي بلاستيك لونها أبيض كده

المهم نيجي بقى لشكوتي ... أنا الصب الحمد لله شغال كويس بس لما بعلي ببتدي أحس إنه بيعمل vibration وكل حاجة بس مبيطلعش صوت جامد و لو فتحت الشنطة و وقفت اسمعه بابقى سامع زي صوت رفرفة الصب أو صوت الهوا اللي طالع من الماسورة إنما ماهوش صوت بيز جامد !!

هو أنا عامل الجين بتاع الجي ام على النص تقريبا

معلش بقى سؤال تاني كمان

ts-w,pioneer,bass,309d4,309s4 - youtube

أنا عندي الصب على نفس الأغنية اللي في الفيديو ده مابيعدش يتعوج كده مع إنه نفس الموديل بالضبط المفروض فا إيه اللي بيخليه يتعوج كده ؟

و كمان هي الماسورة اللي أنا مركبها من أطرافها مجرد مقطوعة بالمنشار عادي فهل الماسورة اللي بتبقى نهايتها زي في الفيديو كده بتخلي الصوت أحسن عشان بيفرش و هو طالع ؟

معلش طولت عليكم بس الناس هنا هي مصدر معلوماتي الوحيد :b4_611:

بالنسبه للماسوره انزل شارع الازهر هتجيب واحده زى الى راكبه فى الفيديو هتبقى استانلس وكان صديق لينا جايبها مش فاكر ب4 جنيه باين وركبها فى الماسوره البلاستيك بس ظبط طول الماسوره البلاستيك علشان ليها مقاس معين مش يزيد عنه ومش يقل وبصراحه لو اعرف احسبهالك كنت حسبتها
والجن بتاع الجى ام حلو كده بالنسبه بقى لرقصه الصب ههههههههههههه ديه بتبقى من الى بيصور بس مش للدرجه ديه يعنى لما كنا بنصور كان بيتهز لاكن مش بالطريقه ديه والى يرقص معاك الرقصه ديه هو السونى علشان سداسى وبيجيبها كمااااان اكتر من ديه ههههههههههههههههههه والف مبرووووووك على الصب ياكبييييير

**ahmed_mamdouh** · 18-04-2012 04:04 AM

انا بتفق مع الدكتور محمد في ان الجي ام عليه عامل كبير ....اصل الحكاية مش باور وخلاص ...البيز برضه لازم يكون صح ...يعني اكيد الجي ام السيمفوني ده مش هيبقى زي السوني او البايونير او الكينوود اللي عاملاهم شركات كبيرة وقديمة في المجال ده من حيث نقاء البيز وعمقه وبعدين في حاجه مهمة جدا ان الجي ام لما يسخن ادؤه هيبقى عامل ازاي ...يعني هيهرتل ولا هيأدي بنفس الكفاءة واكيد الشركات الكبيرة دي ظابطين كل حاجه صح ... مع احترامي لكل الناس بس الماركات بتفرق في كل حاجه

**Omar_H** · 19-04-2012 12:35 AM

المشاركة الأصلية كتبت بواسطة m7mda7md

غريب موضوع السمك ده بس مش هقدر افيدك فيه
كان بيحصل معايا الموضوع ده ايام الجي ام السيمفوني
و لما رميته و جبت jvc عرفت الفرق
بالنسبه لموضوع العوج ده هبقي انزل ابص ع الصب بتاعي اشوفه بيعوم كده ولا مؤدب ههههههههههههههههههههههه

ألف شكر يا باشا يعني أما غيرت الجي ام البيز بقى انضف و لما بتعلي بيعلى معاك و مابيقلبش صوت الرفرفة أو الهوا ده ؟
هو الصب عندك نوعه إيه ؟

المشاركة الأصلية كتبت بواسطة eldell

بالنسبه للماسوره انزل شارع الازهر هتجيب واحده زى الى راكبه فى الفيديو هتبقى استانلس وكان صديق لينا جايبها مش فاكر ب4 جنيه باين وركبها فى الماسوره البلاستيك بس ظبط طول الماسوره البلاستيك علشان ليها مقاس معين مش يزيد عنه ومش يقل وبصراحه لو اعرف احسبهالك كنت حسبتها
والجن بتاع الجى ام حلو كده بالنسبه بقى لرقصه الصب ههههههههههههه ديه بتبقى من الى بيصور بس مش للدرجه ديه يعنى لما كنا بنصور كان بيتهز لاكن مش بالطريقه ديه والى يرقص معاك الرقصه ديه هو السونى علشان سداسى وبيجيبها كمااااان اكتر من ديه ههههههههههههههههههه والف مبرووووووك على الصب ياكبييييير

الله يبارك فيك يا باشا

هو أنا عامل طول الماسورة بالضبط زي الكتالوج ... بس كنت عايز أعرف الفاتحة بتاعتها دي بتفرق في الصوت لما تبقى مجرد مقطوعة عادي كده من لما تبقى عاملة زي الفيديو ولا مش فارقة ؟
بنسبة بقى لرقصة الصب تقصد إنها ملي بيصور إزاي ؟ يعني في الحقيقة الصب مش بيتعوج كده ؟ (أنا بتكلم على إنه يتعوج كده لإنه طبيعي بيتهز جامد بس مابيتعوجش خالص كده بس موضوع إنه يتعوج كده ده شكله جامد قوي هاهاهاها... و كنت فاكره هيعمل كده عندي

)

المشاركة الأصلية كتبت بواسطة ahmed_mamdouh

انا بتفق مع الدكتور محمد في ان الجي ام عليه عامل كبير ....اصل الحكاية مش باور وخلاص ...البيز برضه لازم يكون صح ...يعني اكيد الجي ام السيمفوني ده مش هيبقى زي السوني او البايونير او الكينوود اللي عاملاهم شركات كبيرة وقديمة في المجال ده من حيث نقاء البيز وعمقه وبعدين في حاجه مهمة جدا ان الجي ام لما يسخن ادؤه هيبقى عامل ازاي ...يعني هيهرتل ولا هيأدي بنفس الكفاءة واكيد الشركات الكبيرة دي ظابطين كل حاجه صح ... مع احترامي لكل الناس بس الماركات بتفرق في كل حاجه

والله يا باشا أنا كنت مقتنع بده من الاول بس الناس هنا كلها اللي قالتلي اجيب سيمفوني للصب و فعلا حاسه آه بيرزع إنما البيز مش نقي و نضيف خصوصا أما تعلي الصوت و شكلي هشوف اجيب جي ام كينوود ولا حاجة

و يا ريت يا رجالة لو حد تاني عنده موضوع صوت الهوا أو الرفرفة ده و لقى ليه حل يقول إذا كان فعلا الجي ام هو السبب عشان بس مغيرش الجي ام عالفاضي و يكون الآخِر السبب حاجة تانية

**m7mda7md** · 19-04-2012 02:22 AM

ايوه يا باشا الدنيا اختلفت تماما لما بعدت عن السيمفوني...اعلي الصوت البيز يزيد اوطي الصوت البيز يقل لنمل السيمفوني تفتح الكاسيت و قبل الاغنيه ما تشتغل يفضل يخبط و يرزع مع نفسه و مفيش اي احترام للكاسيت ههههههههههههههههههههههههه هه
عندي بازوكا بايونيير 1400 وات دبل كويل

**darkangel007** · 24-04-2012 05:48 AM

ما شاء الله الصب تحفة
بس هوا المفروض يتعوج و يتشقلب عندك زى الى فى الفيديو لو على جى ام على اد الصب دة!
الى بيصور مش عامل حاجة فى التصوير الصب بيلعب فعلا ههههه d: