ماهو المعيار بلكيلو متر الى تقدر تقول عليه ان العربيه دى ماشيه كتير وصرفت نظر عنها

**lad** · 18-04-2012 02:05 AM

اهم حاجة الحالة العداد ملوش فايدة اوى لأن ناس كتير فى مصر ضميرهم تمام

**Egyzizo** · 18-04-2012 03:06 AM

لو الحالة كويسة :
باعتبرها جديدة لو تحت الـ 100 ألف
متوسطة بين الـ 100 والـ 250
قديمة بعد الـ 250

**ls1090** · 18-04-2012 03:31 AM

المشاركة الأصلية كتبت بواسطة hossam_elwani

يعنى افهم من حضارتكم ان لو عربيه ماشيه 100000 مثلا وحالتها العامه ممتازه وعمله الصيانه تمام لو انت مكانى تاخد قرار شراها؟؟

طبعا يفضل الميلاج القليل يعنى العربية الى ماشية عدد قليل علشان العمر الافتراضى
بس
مثلا حضرتك عايز تشترى عربية مستعملة لتكن النترا وشوفت عربية ماشية 50 الف بس الحالة العامة سيئة وعربية ماشية 100 الف يس صحبها محافظ عليها من صيانات وسواقة هادية
فى الحالة ديه يفضل الى ماشية 100 الف

**حماده المصري** · 18-04-2012 04:45 AM

مهو المقياس الطبيعي للكيلو متر بيبقى 20 ل 25 كل سنه وبعدها بتبقى حاله العربيه يعني انت بتبص على العداد تشوفه مثلا 50 الف تقول دي موديل سنتين فاتو يبقى عداد طبيعي تبص على الحاله تلاقيها كويسه تعرف ان الي بيستخدمها كويس في عربيات تانيه ممكن تلاقيها ماشيه نفس الرقم وسبحان الله كل حاجه فيها بايزه

انا مثلا اشتريت صني 2006 ماشيه 110 الف ده يعتبر الرنج الطبيعي بتاعها لو مثلا مكنتش اشتريتها ممكن اخد نفس الموديل او اقدم لحد 150 الف كيلو انما لو لقيت وحده ماشيه 200 الف نفس الموديل طبيعي ترخص عن سعر العادي منها ب 5 الف جنيه يعني بدل ما تبقى ب 65 تبقى 60 وكمان تبقى مش محتاجه جنيه

**tam77** · 18-04-2012 09:50 AM

صدقنى العربية حسب حالتها مش الكيلومترات أنا عربيتى اوبل كورسا سيدان 2004 عامله 195000 ألف فبريكة برا وجوة مفهاش الهوا لأنى بحافظ على صيانتها أول بأول

**mostafa53** · 18-04-2012 10:02 AM

السلام عليكم ورحمة الله وبركاته
طبعا الكلام اللى قالوه الأخوة كله صح. الموضوع مش بس عدد الكيلومترات لكن كمان طريقة استعمال العربية وسنة الصنع وكام يد استعملتها وعاملة حوادث والا لأ وصيانتها ازاى. أضيف كمان ماركة السيارة: يعنى لو سيارة كورى وعاملة 100 ألف تبقى عامة أقل كتير من أوروبى عاملة نفس المسافة, وكمان لو إنت بتفهم فى العربيات كويس وتعرف تتعامل مع الصنايعية يبقى مافيش مانع لو زادت الكيلومترات عن كده, ولو كمان التوكيل كويس وقطع الغيار متوفرة وسعرها معقول ده كمان يشجع أكتر

**SYD** · 18-04-2012 10:10 AM

انا بس هضيف حاجة كمان صغيرة اوي
انا لاحظت ان كل العربيات مش هقولك الماني او اياباني
كل العربيات بعد ال100,000 ادائها بيختلف عن قبل ال100,000
حتي غيار الزيت ونوعيته هتبقي ليها حسبة تانية بعد ال100,000

يعني لو عربية تقترب من ال100,000 اصبحت خلاص مستعملة وحرام تدفع فيها مبالغ طائلة بزعم انها كسر الزيرو لكونها مثلا موديل سنتين فاتوا

وبالنسبة للكيلو متر فدة مش مقياس تماما
انا شخصيا مغير موتوري وبالتالي الكيلومتر يظلمني لو اخذته في الأعتبار

وكمان انا من حوالي شهر سافرت بالعربية يوميا لمدة اسبوعين عملت كيلومتر قد الي بعمله طبيعي في سنة
وبالتالي الكيلومتر مش مقياس تماما

الحالة العامة للسيارة
كبس الموتور
حالة الصاج
حالة الصالون
اعتقد هما المقياس

والله اعلم
،
،

**ahmed_h_g** · 18-04-2012 02:04 PM

عداد الكيلو متر خاص بالموتور وليس له علاقه بحالة السيارة

**amigooo** · 18-04-2012 03:03 PM

المشاركة الأصلية كتبت بواسطة ahmed_h_g

عداد الكيلو متر خاص بالموتور وليس له علاقه بحالة السيارة

اؤيد رأيك .. البيجو (الاوروبى) العداد بيقلب على المليون كم. وبالتالى 200000 كم ليست عالية على الموتور .. غير الفيات مثلا العداد بيقلب عند 100000 .. لو السيارة قطعت نفس ال 200000 كم. يعنى العداد قالب مرتين !! يعنى الموتور اكيد محتاج شغل .. ( طبعا انا لااقصد الفيات بالذات .. لكن لان كانت عندى ) .وطبعا حالة العربية دواخل والخارج كما قال الزملاء سابقا ..

الموضوع: ماهو المعيار بلكيلو متر الى تقدر تقول عليه ان العربيه دى ماشيه كتير وصرفت نظر عنها

LinkBack

أدوات الموضوع

عرض

-

-

-

-

-

المواضيع المتشابهه

فرش بصراحة تقول عليه فابريكة وانت قلبك جامد

اممممممممممممممممممم .... تقدر تقول شقاوة عيال ..

مشكله مجنناني وصرفت عليها كتير جداً

غيرت شوية حاجات فى العربية وصرفت 1700 كده كويس ولا كتير

كتلوج الصيانه والاصلاح دايو لانوس 1.5 مش ها تقدر عليه !!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة