مفتاح من مفاتيح عربيتى ضاع ما الحل الامثل

**M_Marwan** · 18-04-2012 11:04 AM

المشاركة الأصلية كتبت بواسطة Salamonti

السؤال المهم جدا جدا
المفتاح اللي ضاع ده بتاع الفيرنا ولا بتاع الاسبيرانزا ؟

لو بتاع الفيرنا يبقا الحل سهل وبسيط وتكلفته مش هاتزيد عن 200 جنيه
غير جهاز الإنذار بتاع العربية وركب واحد جديد خالص واعمل نسخة مفتاح عادية جدا بدل اللي ضاع لأنه مش مشفر
وكده حتى لو اتسرق يبقا مش هايعرف يفتح بيه

انا بقا لو بتاع الاسبيرانزا أنصحك بالتوجه للتوكيل وسيبك من أي حتة برة مهما كان فرق السعر
ليه ؟؟
الاسبيرانزا مفتاحها مشفر ودي ميزة أمان حلوة لكن مكلفة شوية
التوكيل هايديك مفتاح جديد بالإضافة لتغيير تشفير المفتاحين والريموتين عالكمبيوتر بتاع العربية
وبكده يبقا الريموت اللي ضاع مش هايشتغل عالعربية دي تاني + المفتاح اللي ضاع آخره يفتح الابواب والكونتاكت لكن مش هايدور ولا يدي مارش لأن شفرته اتغيرت
تكلفة الحوار ده من 500 لـ 800 جنيه تقريبا حسب موديل عربيتك

الخلاصة ..
سواء العربية دي ولا دي
اهتم بتغيير الإنذار أو بتغيير شفرة الريموت بحيث يبقا المفتاح اللي ضاع بلا قيمة وحتى لو حاول يفتح بيه (وهو ممكن يفتح فعلا) فإنذار العربية هايشتغل ويعملله فضيحة..
وبما إنك كده هاتعتمد على جهاز الإنذار في تأمين العربية يبقا لازم تتأكد من كفاءته وفاعليته للمهمة دي
بمعنى انه لو في الفيرنا ابقا غير مكان السارينة في الحوض وحطها في مكان خفي محدش يقدر يوصلله بسهولة وابعد السلك بتاعها واخفيه بحيث محدش يقدر يقطعه
أما لو في الاسبيرانزا فضروري جدا تغير السارينة الحنينة بتاعتها دي بواحدة شديدة أو تخللي كهربائي يلغيها ويوصلها عالكلاكس باستخدام كتاوت

الله ينور

**hesham7777** · 18-04-2012 12:12 PM

هى عربيه شيرى qq موديل 2009 ,والمبلغ اللى بتتكلم عليه ده كبير جدا حد يدفع 800 جنيه فى مفتاح يا راجل

**Salamonti** · 18-04-2012 12:36 PM

سوري انت الأول كنت كاتب في البيانات (اسبيرانزا شيري) فقلتلك عالأسعار اللي اعرفها عند ابو الفتوح
من 500 لـ800 على حسب ان كانت 113 ولا 516 وده شامل المفتاح + التشفير

انما بالنسبة لتوكيل شيري اكيد ارخص لأن ابو الفتوح دبااااح أوي
غير ان الـqq أساسا حاجتها رخيصة فأعتقد مش هاتوصل للرقم ده
اتصل بالتوكيل واسألهم مفتاح جديد + تغيير شفرة المفتاحين يتكلف كام

ونصيحة من أخ.. ماتستخسرش
العربية أغلى كتير من 800 جنيه
لو صحيت يوم مالقتهاش هاتقول ياريتني كنت دفعت 8000 مش 800 بس

وعلى فكرة احسبها كده ان فكرة تشفير المفاتيح دي أمان زيادة ليك
وتغيير الشفرة اللي بيكلفلك مبلغ وقدره ده بيغنيك عن تغيير الكونتاكت كامل وأكيد سعره بأضعاف أضعاف تكلفة تغيير الشفرة

**Salamonti** · 18-04-2012 12:41 PM

واتأكد الأول اذا كانت الـشيري qq دي مفتاحها مشفر اساسا ولا لأ لأني ماعرفش..

بتجربة بسيطة اعمل عليه نسخة بعشرة جنيه عند اي حد عادي بتاع مفاتيح
واركب العربية وجرب تدورها بالنسخة الجديدة
لو مارضيتش تدي مارش يبقا المفتاح مشفر ولازم تعمل الحل بتاع التوكيل

أما لو دارت عادي يبقا توكل على الله وعاملها معاملة الفيرنا وغير جهاز الانذار وخلاص

**moumen_hs** · 18-04-2012 01:15 PM

المشاركة الأصلية كتبت بواسطة Salamonti

السؤال المهم جدا جدا
المفتاح اللي ضاع ده بتاع الفيرنا ولا بتاع الاسبيرانزا ؟

لو بتاع الفيرنا يبقا الحل سهل وبسيط وتكلفته مش هاتزيد عن 200 جنيه
غير جهاز الإنذار بتاع العربية وركب واحد جديد خالص واعمل نسخة مفتاح عادية جدا بدل اللي ضاع لأنه مش مشفر
وكده حتى لو اتسرق يبقا مش هايعرف يفتح بيه

انا بقا لو بتاع الاسبيرانزا أنصحك بالتوجه للتوكيل وسيبك من أي حتة برة مهما كان فرق السعر
ليه ؟؟
الاسبيرانزا مفتاحها مشفر ودي ميزة أمان حلوة لكن مكلفة شوية
التوكيل هايديك مفتاح جديد بالإضافة لتغيير تشفير المفتاحين والريموتين عالكمبيوتر بتاع العربية
وبكده يبقا الريموت اللي ضاع مش هايشتغل عالعربية دي تاني + المفتاح اللي ضاع آخره يفتح الابواب والكونتاكت لكن مش هايدور ولا يدي مارش لأن شفرته اتغيرت
تكلفة الحوار ده من 500 لـ 800 جنيه تقريبا حسب موديل عربيتك

الخلاصة ..
سواء العربية دي ولا دي
اهتم بتغيير الإنذار أو بتغيير شفرة الريموت بحيث يبقا المفتاح اللي ضاع بلا قيمة وحتى لو حاول يفتح بيه (وهو ممكن يفتح فعلا) فإنذار العربية هايشتغل ويعملله فضيحة..
وبما إنك كده هاتعتمد على جهاز الإنذار في تأمين العربية يبقا لازم تتأكد من كفاءته وفاعليته للمهمة دي
بمعنى انه لو في الفيرنا ابقا غير مكان السارينة في الحوض وحطها في مكان خفي محدش يقدر يوصلله بسهولة وابعد السلك بتاعها واخفيه بحيث محدش يقدر يقطعه
أما لو في الاسبيرانزا فضروري جدا تغير السارينة الحنينة بتاعتها دي بواحدة شديدة أو تخللي كهربائي يلغيها ويوصلها عالكلاكس باستخدام كتاوت

**wael61** · 18-04-2012 01:33 PM

انا اتفق مع الاستاذ /Salamonti فى كل اللى قالة وبالتوفيق

**hesham7777** · 18-04-2012 08:17 PM

هو فعلا النسخه الاحتياطيه اولا مش بتدور المارش وكمان الريموت بتاعها مش بيفتح السنتر لوك مع ان اللمبه بتنور فمش عارف هو ده ضعف فى بطاريه الريموت ولا ايه؟
ثانياً حد قالى ان المفتاح بيبقى فيه حساس او sensor مع انه المفتاح الاصلى التانى
ثالثاً بصراحه مش متأكد من توكيل شيرى هو مين وطبعاً معرفش بالتالى مكانه
رابعاً: مش فاهم علاقه الانذار بالمفتاح المشفر او الغير مشفر ( أرجو التوضيح) ؟
خامساً:انا العربيه الفيرنا اللى عندى موديل 2006 وحصل حاجه شبه كده والمفتاح ضاع ونسخت عليه مفتاح عاده ومدورتش العربيه والانذار اشتغل اول ما فتحت الابواب

**hesham7777** · 19-04-2012 11:49 PM

هل من مجيب ؟؟؟؟؟؟؟؟؟

**Eng_Mostafa_89** · 20-04-2012 12:09 AM

دى مشكلة شبية بمشكلتك

انا كنت مريت بمشكلة شبيهة لمشكلتك احب احكيها علشان لو لقدر الله حد وقع فى الموقف دة يعرف يتصرف
كان فى عربية لانسر 2006 بتاعت جارنا كان سايبها ديرة وبيجيب حاجة من الشنطة ركب الحرامى من هنا واخدها وطار بعد مطاردات الحمد لله لبس بالعربية فى كذا حاجة ووقف ونزل اخد مفتاح العربية الاصلى ونزل ركب عربية تانى كانت معاهم وطاروا الحمد لله العربية اتظبطت وكل حاجة بس المشكلة فى المفتاح اللى مع الحرامى سالنا فى التوكيل قالوا تغيروا الكوالين كلها وكانت حسبة حوالى 5000 جنية طبعا رفضنا الحل دة
روحنا لواحد بتاع مفاتيح حكينالوا على القصة قالنا هيظبطلنا الدنيا ب150 جنية تقربيا وهيطلعلنا مفتاح شبة الاصلى ونفس الشكل بحوالى 100 جنية تقريبا او 150 مش متذكر
كل اللى عملوا انة فك كل كوالين العربية والكونتاك وزود سنة فى المفتاح وركب الكوالين تانى والكونتاك وغير الشفرة بتاعت المفتاح وفعلا جاب نتيجة كويسة جربنا المفتاح القديم دخل فى الكونتاك بس مرضيش يلف معانا شمال او يمين والعربية طبعا مدرتش بعد كدة اخد المفتاح الاصلى ظبطة وزود فية السنة والحمد لله بقت تمام
معلش طولت بس حبيت احكى بالتفصيل علشان الكل يستفيد وياخد كمان الحذر من انة ميسيبش المفتاح فى الكونتاكت طول مهو مش على الكورسى بتاع السواق