الموضوع: كنت عاوز اعرف ايه الحل فى الخدش ده

المشاركة الأصلية كتبت بواسطة theking2690

طبعا قدر الله و ما شاء فعل

انبارح كان معدى جنبى عربيه كارو و انا ماكنتش واخد بالى انها كان طالع منها حاجات بارزه عمله زى المسامير المهم خدشت الباب اللى ورايا جامد فانا معنديش خبره فى المواضيع ديه فقلت استشيركو لأنى مضايق من منظر الخدش جدا ايه الحل؟

========
* لو كان الخدش وصل للمعجون ومن الصورة دة أحتمال كبير--- يبقي صعب
* لو الخدش في الدهان بس ممكن كومباون وبولش
*وعلي فكرة فية زميل ف المنتدي كان كاتب عن موضوع تلميع السيارات بس مش فاكر فين بالضبط

طبعا الف شكر لكل اللى رد عليا


و بالنسبه لموضوع انى اعملها بقطنهه فيها بويه بنفس لون العربيه انا الصراحه فكرت فيها بس كلو قالى انها هيبقى شكلها وحش و هتبقى معكوكه

يا جماعه انا دورت على النت و لقيت ان المنتج ده المفروض انه بيشيل الخدوش العميقه QUIXX SCRATCH REMOVER


و على سايت consumer report قالوا ان هو اكتر واحد فعال شاهد فيديو التجربه


فهل حد جربه او سمع عنه و هل بيتباع فى مصر و لا لازم ابعت اجيبو من بره انتوا رأيكوا ؟

الخدوش عميقة اوي
بص انا اتكلمت مع واحد انجليزي كان جي بيسوق لمنتج لأزالة الخدوش في معرض اوتوماك الأخير .. و كان المنتج ممكن تستعمل معاه مكنة كمان مش قطنة بس .. كان حوار كبير يعني

بس قاللي متصدقش ان الجروح العميقة تتشال بأي حاجة .. ممكن تداريها سنة بسيطة بس هتفضل باينة جامد .. لأن الجرح العميق بيكون وصل لطبقة مستحيل تتعالج بالحاجات دي .. و وراني الفرق بين الجرح السطحي و العميق و أثر المعالجات عليهم .. كان جايب كبوت عربية و مجرحه للتجربة العملية في البلوك بتاع في المعرض

انا عندي جرح مشابه من توكتوك (منه لله) .. و في التوكيل قالولي متحاولش فيه .. ده لازم الباب يتعمله سمكرة و يترش كله

اعمله بالكومباوند هيتداري سنة بسيطة .. متتوقعش نتيجة جامدة يعني .. بس يعني ارحم شوية .. بس هتبقي باينة .. معلش متزعلش كلنا هذا الراجل .. هو بقي فيه حد بيسلم من الحاجات دي !