هفتح كار كير ومحتاج اخوانى يقفوا معايا
السلام عليكم ورحمة الله وبركاتة
دلوفتى ياجماعة انا ناوى اقلب نشاط المحل عندنا لكار كير
بالنسبة لمساحة المحل ماشاء الله ياخد 3 عربيات بالطول وكعرض اللى هيشتغل لو وسطن العربية هيشتغل مستريح فى الجنبين وهيبقى فية ركن فى الشمال فى الاخر كمان مربع
كل اللى فات دة تمام
ومش هو دة اساس الموضوع
اانا عامل الموضوع مخصوص لانى محتاج من اهل الخبرة يفيدونى بخبرتهم و لو حد عندة معلومة عن طريق تعاملة مع كار كير او حد لية صديق مثلا عندة كار كير او حد فاتح كار كير
محتاج اعرف كل كبيرة وصغيرة عن المشروع دة
اية الادوات و الاجهزة اللى بيستخدموها بالظبت
وبالنسبة للكيماويات والمنظفات و المستحضرات
يعنى من الاخر من الابرة للصاروخ
بالنسبة لتوضيبات الحل داخليا
بالنسبة للارضية فهى سيراميك هل هيسبب مشاكل حد يتزحلق او او انا ممكن اخلى على جناب الارضية مشاشات مثلا زى المخرنة عشان محدش يتزخلق ومكان ما العربية واقفة فاضى
دة لو افترضنا انى مش هلعب فى الارضية وهتفضل سيراميك
نظام الصرف بقى هيخلينى افور الارضية او اعلى فوق السيراميك واعملها بزاوية ميل فى المنتصف والميا ترمى على مصفى بطول المحل والمصفى ترمى على صرف مثلا
ولا لو عملت مصفى من غير زاوية ميل بردو الميا هترمى على الصافى ولا اللى هينزل هينزل واللى هيسرح لوحدة هيسرح والدنيا مش هتبقى منظمة فى صرف الميا
المحل كل واخد بوهية جير ابيض هل احتاج اغير دهان او لون او اللعب اى لعب فى الحوائط مع مراعاة المصاريف والمحل مساحتة كبيرة
طبعا الركن اللى فى اخر المحل شمال هعمل مكتب وجنب استندات فية معطرات وملمعات وشوية دواسات على كماليات
وشوية زيوت مواتير وزيوت جيربوكس وكدة مع خدمة نغيير زيوت
مستنى احلى ردود من اخلى شباب نايل موتورز
ياريت تسعدونى بجد لانى نويت المشروع بأمر الله
واللى يعرف كبيرة او صغيرة ميبخلش عليا
ولو حد حب يعمل معايا واجب ولية صديق فى الاسكندرية فاتح المشروع دة يخلينى اعاينة
والف ملييييون شكر
وادعولى ربنا يتمم على خير