بالنسبه للمكن دلوقتي الاسعار معرفش ايه بس انا اول ما فتحت بعد الثوره كانت الاسعار مولعه
جبنا الحاجات ب 1000 الف تقريبا بدون العده بتاعه الكار كير دي وكان كمبريسور صيني اول ما ركب باز علطول واتغير ضمان بواحد صيني وباز تاني فورا في الاخر رمينا الموتور وجبنا متور ايطالي اشتغل وبقى فله عشان كده بقولك وفر موضوع الصيني ده الكمبريسور بيبقى في الغالب 200 او 300 لتر الاتنين اداؤهم كويس جدا
مكنه فوم بتقبقى 90 او 120 لتر مش فارقه اوي في الاداء انت وفلوسك بيتحط فيها صابون سايل وميا وبتاخد من كومبريسور الهوا يعني كمبريسور الهوا تطلع منه ماسور للمكنه دي ومسوره في الاخر يتركب فيها مسدس الهوا وتبقى طويله عايز تعمل هوفر في حته بعيده شغال عايز تمسح متور شغال وفي بقى مسدس جميل اوي بيبقى مسدس هوا وفي خزنه صغيره احيانا كنت بفك مسدس الهوا العادي واركب ده واحط فيه مثلا منظف المتور وارشه في الحتت الصعب الوصول ليها
في بقى المكنسه برضو معظم الي في السوق صيني في الغالب هتجيبها غصب عنك يااما لو لاقيت حاجه تانيه هات
مكنه الميا في بلدي وفيه عاديه البلدي دي ب سير وطرمبه تقريبا معرفش الفرق بينهم بس انا جبت البلدي
الخلاصه ابعد عن الصيني
بس في حاجه اسمها مسطره كار كير ودي غاليه اوي اوي مالهاس لازمه ف لو هتفكر تجيب العده ابعد عن المسطره هات الانابيب بس والخراطيم وبعد كده المسدسات تبقى تتثبت على اي ستاند ولا حاجه
لو فيه اي بخاخ مثلا عندك فضي يتحط زي اللي كان موجود فيه مش تبقى كويسه بقى بخاخ معطر يخلص تحط فيه ملمع جنوط كده هتخرب الدنيا كل بخاخ وليه استخدامه وشكرا على كده لان الصنايعيه كفتجيه مبيفهموش حاجه
برضو في الشغل هتجيلك عربيات توجع دماغك
مره جت لنا سبيرانزا 1600 غسلت متور قفشت والشكمان طلع دخان وسجن بقى زي الجمر بالضبط طبعا الراجل اتجنن وبتاع راح للميكانيكي طلع في 2 بوجيه فصلوا ف اتنضفوا اشتغلوا كويس وفضلت مع صاحب العربيه كتير من غير ما احسسه اني مليش مسؤوليه والراجل مكنتش متخيل انه يجيلي تاني فجاه لقيته بعدها بكام يوم داخل مع صحبه بعربيت صحبه وعملنهاله وهو كان من النوع العشري بصراحه وفي زباين كتير كده تحب انها تشرب حاجه عندك ترغي معاك تفضفض شويه انت بقى لازم تبقى الصدر الحنون الي يستلقا الزبون وبرضو العربيه بتاخد وقت مش اقل من 30 دقيقه غسيل ف لو الزبون فضلهم كلهم يولع في سجاير وينفخ هيتقرف مش هيجي تاني
مره واجا طلعت عيننا سقفها خربااااااااااان الصنايعي قالي لو اتدعك اكتر من كده هيوببر قولت للراجل معجبوش الكلام قالي كمل فعلا وبرت روحنا جايبين مكنه حلاقه ومشينا على الحتت الموبره والوبره راحت والعربيه دي نفسها مكنه الاقزاز هنجت لانهها كانت كار كير والصنايعي اتوصى بالباب شويه والله الراجل ده كره المكان بس طبعا ممشيناهوش الا لما المكنه اشتغلت
المفضلات