هوا فيه كده : استهلاك البنزين عندى عالى قوى ؟

السلام عليكم ورحمة الله أخوانى الاعزاء معدل استهلاك البزين عندى عالى قوى يعنى الصفيحه 20 لتر 92 بتعمل 128 ك داخل القاهره و 150 على السريع وداخل القاهره و165 على السريع بس . العربيه نيسان صنى 2008 اوتوماتيك نوع السواقه : رياضيه لو فيه فرصه بنظف فلتر الهوا كل اسبوعين ثلاثه كده والانجكشن حسب لو السحب مش عاجبنى بظبط ضغط الهواء امامى 32 وخلفى 29 . وبغير الزيت قبل ميعاده على طول . السوال : الاستهلاك ده طبيعى ؟!!!!!!!!!! ولو مش طبيعى ازاي اعرف اقلله لانى بصرف بنزين كتيييير وبفكر "اجيب موتوسكل او عجله من الزحمة والبنزين "هههههههههه وجزاكم الله خيرا

نفس المعدل ده عندي بس عربيتي مانيوال ..
سؤال بقى لحضرتك .. الاستهلاك ده من زمان ؟ ولا ظهر من قريب ؟
لان المشكله دي ظهرت من بعد ازمه البنزين ..
الخوف نكون بنمون العربيه ميه بدل بنزين :\

اقتباس:

---

المشاركة الأصلية كتبت بواسطة manchestrawy

نفس المعدل ده عندي بس عربيتي مانيوال ..
سؤال بقى لحضرتك .. الاستهلاك ده من زمان ؟ ولا ظهر من قريب ؟
لان المشكله دي ظهرت من بعد ازمه البنزين ..
الخوف نكون بنمون العربيه ميه بدل بنزين :\

---

لا ده من شهرين ثلاثة بالكتير يعنى العربيه كانت بتعمل فى متوسط 170 كده سريع ووسط البلد انما دلوكتى لو جابت 150في الصفيح يبقى كويس .

دا كتير جدا الصفيحة عندى بتعمل 300 كيلو حاول تغير بوجيهات

المعدل مش عالي أوي على فكرة و فعلا استهلاك البنزين بعد الأزمة الأخيرة زاد بشكل ملحوظ

اقتباس:

---

المشاركة الأصلية كتبت بواسطة sadkoooi

دا كتير جدا الصفيحة عندى بتعمل 300 كيلو حاول تغير بوجيهات

---

الكلام ده مستحيييييييييييييل الصفيحة 20 لتر ماكسيمام في عربية 1600 تعملك 200 كيلو و سواقة غير رياضية كمان بدون شد وحرق و كيك داون

وانا كمان استهلاك العربية زاد فعلا بعد الازمة الاخيرة مش عارف ليه

يمكن العربية نفسها مفتوحه حبتين وتلاقيها عطشانه ياعيني ...
انا كنت بقول لنفسي كده ومرات بقول الدنيا حر علشان كده بتحب تشرب بانزين ساقع يطر على المكنه شوية بس فعلاً شكلو البانزين مغشوش .

واحياناً بقول يمكن البانزين معدش فيه بركة زي زمان زي الفلوس الي كانت بتفضل في المحفظة وتحوش منهم كمان انهرده بيبقى في المحفظة فلوس وتستلف عليهم كمان ههههههههههه

انا محستش ان الاستهلاكزاد الفترة اللى فاتت بس البنزين بقى ردئ جدا, العربيه من بعد تموينه الازمه كانت بتكركر والموتور بيسقف لما بكبس بنزين على rpm واطى شويه, لما فولت اخر مره من بنزينه تانيه العمليه ظبطه قوى والموتور رجع طبيعى الحمد لله
فمتاخدش مقياس الاستهلاك على فترة الازمه دى تماما, استنى لما البنزين يقرب يخلص ومون من محطه تانيه غير المتعود عليها وجرب

فوب للاخر خالص واعمل 200 كيلو ومون تاني شوف هتاخد كام لو اخدت في رنج ال 25 لتر يبقى انت الدنيا عندك تمام

لو اكتر من كده يبقى فيه مشكله

البنزين الصيفي بس لسا منزلش فالضغط البخاري لبنزين الشتاء اعلى الشهر الجاي هايزبط

سواقة رياضية صح !!!!!!

ده كده العربية استهلاكها ممتاز .. احمد ربنااااااااااا

مفيش عربية هتقعد معاك اكتر من كده غير 20 كيلو زيادة مثلا ده لو موفرة في البنزين ..

اقتباس:

---

المشاركة الأصلية كتبت بواسطة FBIAhmed

البنزين الصيفي بس لسا منزلش فالضغط البخاري لبنزين الشتاء اعلى الشهر الجاي هايزبط

---

أنا مش فاهم حاجة من إللي أنت قلته :majd(4):
ممكن توضيح؟

فعلا انا حاسس ان البنزين فيه حاجة وبتكركر بدون سبب والسحب مفيش وانا عندي نفس المشكلة

اقتباس:

---

المشاركة الأصلية كتبت بواسطة zika9909

أنا مش فاهم حاجة من إللي أنت قلته :majd(4):
ممكن توضيح؟

---

هو عموما البنزين بيتمدد جامد في درجات الحرارة العاليه والتفويله مش بتبقى مظبوطه وممكن يكون قصده ان في الصيف ممكن يكون في اي اضافات بتتحط على البنزين عشان معدل التمدد ده يقل في الصيف

عشان كده عموما في نصائح بتقول من الافضل تفويل العربيه الصبح بدري قبل الحر او بلليل متاخر عشان يكون برد

هو فعلاً البانزين في الصيف بيبقى فيه نوع من البخار في التنك فيديك قراءة ان العربية مفولة في حين انها فاضية .

بس نعرف البانزين الصيفي من الشتوي أزاي ... هيبقى بانزين نص كم ولا ايه ههههههههههههه

اقتباس:

---

المشاركة الأصلية كتبت بواسطة me_medoo

هو فعلاً البانزين في الصيف بيبقى فيه نوع من البخار في التنك فيديك قراءة ان العربية مفولة في حين انها فاضية .

بس نعرف البانزين الصيفي من الشتوي أزاي ... هيبقى بانزين نص كم ولا ايه ههههههههههههه

---

ههههههههههههههه

البنزين الشيتوي بيقى لونه دهبي عادي

الصيفي بيكون مشجر

اقتباس:

---

المشاركة الأصلية كتبت بواسطة BassamHafez

هو عموما البنزين بيتمدد جامد في درجات الحرارة العاليه والتفويله مش بتبقى مظبوطه وممكن يكون قصده ان في الصيف ممكن يكون في اي اضافات بتتحط على البنزين عشان معدل التمدد ده يقل في الصيف

عشان كده عموما في نصائح بتقول من الافضل تفويل العربيه الصبح بدري قبل الحر او بلليل متاخر عشان يكون برد

---

شكرًا يا باسم

اقتباس:

---

المشاركة الأصلية كتبت بواسطة Zika9909

شكرًا يا باسم

---

العفو يا باشا

:U_thin1[1]:
هو ده الفرق يا جماعة
هههههههههه
معلومات في غاية الاهمية

اقتباس:

---

المشاركة الأصلية كتبت بواسطة sadkoooi

دا كتير جدا الصفيحة عندى بتعمل 300 كيلو حاول تغير بوجيهات

---

بسم الله مشاء الله ليه يا باشا ان الماتور بتاعك كام والعربيه نوعها ايه !!

اقتباس:

---

المشاركة الأصلية كتبت بواسطة حماده المصري

فوب للاخر خالص واعمل 200 كيلو ومون تاني شوف هتاخد كام لو اخدت في رنج ال 25 لتر يبقى انت الدنيا عندك تمام

لو اكتر من كده يبقى فيه مشكله

---

ال 200 كيلوا بيعملوا حوالى 30 لتر 92 وعجبى

وانا كمان استهلاك العربية زاد فعلا بعد الازمة الاخيرة مش عارف ليه

انا عندى نفس المشكله و غلبت فى الحل غيرت بوجيهات و مافيش فايده
الصفيحه بتعمل معايا بالكتير 140 كيلو داخل البلد و بصراحه انا ما جربتهاش فى سفر لانى قليت السفر بالسياره من بعد الثوره علشان مشاكل الطرق عندنا فى الصعيد

هي كدة ومش هتتغير

العربية استهلاكها عادى بتالنسبة للصنى انا عندى صنى اوتوماتيك 2010 نفس حدود الاستهلاك