هوا فيه كده : استهلاك البنزين عندى عالى قوى ؟

**amartaha33** · 18-04-2012 05:41 PM

السلام عليكم ورحمة الله أخوانى الاعزاء معدل استهلاك البزين عندى عالى قوى يعنى الصفيحه 20 لتر 92 بتعمل 128 ك داخل القاهره و 150 على السريع وداخل القاهره و165 على السريع بس . العربيه نيسان صنى 2008 اوتوماتيك نوع السواقه : رياضيه لو فيه فرصه بنظف فلتر الهوا كل اسبوعين ثلاثه كده والانجكشن حسب لو السحب مش عاجبنى بظبط ضغط الهواء امامى 32 وخلفى 29 . وبغير الزيت قبل ميعاده على طول . السوال : الاستهلاك ده طبيعى ؟!!!!!!!!!! ولو مش طبيعى ازاي اعرف اقلله لانى بصرف بنزين كتيييير وبفكر "اجيب موتوسكل او عجله من الزحمة والبنزين "هههههههههه وجزاكم الله خيرا

**Manchestrawy** · 18-04-2012 05:54 PM

نفس المعدل ده عندي بس عربيتي مانيوال ..
سؤال بقى لحضرتك .. الاستهلاك ده من زمان ؟ ولا ظهر من قريب ؟
لان المشكله دي ظهرت من بعد ازمه البنزين ..
الخوف نكون بنمون العربيه ميه بدل بنزين :\

**amartaha33** · 18-04-2012 06:20 PM

المشاركة الأصلية كتبت بواسطة manchestrawy

نفس المعدل ده عندي بس عربيتي مانيوال ..
سؤال بقى لحضرتك .. الاستهلاك ده من زمان ؟ ولا ظهر من قريب ؟
لان المشكله دي ظهرت من بعد ازمه البنزين ..
الخوف نكون بنمون العربيه ميه بدل بنزين :\

لا ده من شهرين ثلاثة بالكتير يعنى العربيه كانت بتعمل فى متوسط 170 كده سريع ووسط البلد انما دلوكتى لو جابت 150في الصفيح يبقى كويس .

**sadkoooi** · 18-04-2012 07:20 PM

دا كتير جدا الصفيحة عندى بتعمل 300 كيلو حاول تغير بوجيهات

**Hondawy_2008** · 18-04-2012 07:22 PM

المعدل مش عالي أوي على فكرة و فعلا استهلاك البنزين بعد الأزمة الأخيرة زاد بشكل ملحوظ

**Hondawy_2008** · 18-04-2012 07:24 PM

المشاركة الأصلية كتبت بواسطة sadkoooi

دا كتير جدا الصفيحة عندى بتعمل 300 كيلو حاول تغير بوجيهات

الكلام ده مستحيييييييييييييل الصفيحة 20 لتر ماكسيمام في عربية 1600 تعملك 200 كيلو و سواقة غير رياضية كمان بدون شد وحرق و كيك داون

**alnmr79** · 18-04-2012 07:30 PM

وانا كمان استهلاك العربية زاد فعلا بعد الازمة الاخيرة مش عارف ليه

**me_medoo** · 18-04-2012 08:32 PM

يمكن العربية نفسها مفتوحه حبتين وتلاقيها عطشانه ياعيني ...
انا كنت بقول لنفسي كده ومرات بقول الدنيا حر علشان كده بتحب تشرب بانزين ساقع يطر على المكنه شوية بس فعلاً شكلو البانزين مغشوش .

واحياناً بقول يمكن البانزين معدش فيه بركة زي زمان زي الفلوس الي كانت بتفضل في المحفظة وتحوش منهم كمان انهرده بيبقى في المحفظة فلوس وتستلف عليهم كمان ههههههههههه

**IronHead** · 18-04-2012 08:46 PM

انا محستش ان الاستهلاكزاد الفترة اللى فاتت بس البنزين بقى ردئ جدا, العربيه من بعد تموينه الازمه كانت بتكركر والموتور بيسقف لما بكبس بنزين على rpm واطى شويه, لما فولت اخر مره من بنزينه تانيه العمليه ظبطه قوى والموتور رجع طبيعى الحمد لله
فمتاخدش مقياس الاستهلاك على فترة الازمه دى تماما, استنى لما البنزين يقرب يخلص ومون من محطه تانيه غير المتعود عليها وجرب