مثبت السرعه؟

**hussien456** · 10-06-2008 04:01 PM

السلام عليكم ورحمه الله وبركاته
عايز اعرف من حضراتكم مثبت السرعه في جن2 اشغله ازاي ولو افترضنا اني شغلته علي 90 مثلا وحصل موقف اضريت اني اهدي فيه او اقف فجاه العربيه هتستجيب عادي ولا لازم الغيه الاول ياريت حضراتكم شرح وافي عنه من كل الجوانب وشكرا جزيلا

**tutankhamoun** · 10-06-2008 04:10 PM

المشاركة الأصلية كتبت بواسطة hussien456

السلام عليكم ورحمه الله وبركاته
عايز اعرف من حضراتكم مثبت السرعه في جن2 اشغله ازاي ولو افترضنا اني شغلته علي 90 مثلا وحصل موقف اضريت اني اهدي فيه او اقف فجاه العربيه هتستجيب عادي ولا لازم الغيه الاول ياريت حضراتكم شرح وافي عنه من كل الجوانب وشكرا جزيلا

أنا معرفش بيشتغل ازاي
بس أعرف أنك لو هديت و أنت مشغله ......... العربية هاتقف عادي جدا و كأنه مش موجود
هو ميزته إنك بتثبت السرعة بس إنما وقت الفرامل
بيتلغي
شكرا
و أنتظر من معهم الأوتو ........ حتى يستطيعوا شرح كيفية تشغيله و إيقافه

**masryxt** · 10-06-2008 04:23 PM

مثبت السرعة في اي عربية انت بتدوس بنزين لحد السرعة اللي انت عاوزها وبعدين بتدوس Set
بعدها العربية هاتفضل محافظة علي السرعة اللي انت ضابط عليها في جميع الاحوال منزل او مطلع هي بتضبط علشان تحافظ عل السرعة اللي انت مضبط عليها.
طب اية اللي هايحصل لو
1- دوست فرامل؟
مثبت السرعة هايفصل وليك التحكم كامل.
بعد ماعدي السبب اللي فرملت علشانة في زرار تاني اسمة Resume
دا بقي فايدتة انك ترجع للسرعة اللي انت كنت عليها من غير ماتضبطها تاني
2- ذودت بنزيين علشان تقادي عربية تانية او ماشابة؟
في الحالة دي العربية سرعتها بتزيد استجابة للدوسة بتاعتك بس اول ماتشيل رجلك من علي دواسة البنزين بترجع السرعة للي كانت مضبوطة علية بالمثبت.

طب انت دلوقت ضابط السرعة بتاعتك علي 90 مثلا حبيت تزود او تنقص تعمل اية؟؟
فية عندك + او -
تدوس + تزود لحد ما انت عاوز وبالعكس تدوس - علشان تقلل السرعة

اخر حاجة فية زرار علشان تفصل المثبت نهائي

وتحت امرك في اي استفسار

**mohamed el hussien** · 11-06-2008 03:22 AM

مثبت السرعة في الجين

1 توصل للسرعة اللي انت عايزها
2 تدوس علي الذراع اللي علي اليمين القصير (اللمبة بتاعة المثبت الصفراء)
3 تدوس علية مرة تانية مع الاستمرار في الدوس والارتفاع بة الي اعلي

4 بس كدة اتمتع يا باشا ثبت السرعة

موضوع الفرامل بيلغي المثبت
بس لمبة المثبت بتفضل شغالة
بمعني انك لو عايز تثبت تاني

تدوس علطول والارتفاع مرة اخري
بعد تحديد السرعة المطلوبة
وهكذا

ولما تعوز تلغية خالص تدوس علي الزرار مرة واحدة يلغية
وتطفي اللمبة

**ahmedsiyam** · 11-06-2008 10:38 AM

احب اضيف انك لو مثبت سرعة عادى و عايز تتخطى عربية اضغط على دواسة البنزين و تخطى العربية اللى قدامك و شيل رجلك ترجع تانى على السرعة اللى انت مثبت عليها
لانى كنت فاكر ان الضغط على دواسة البنزين يلغى التثبيت و طلع الكلام ده موش صحيح الضغط على دواسة الفرامل بس هو اللى يعمل الحركة دى
وعلى فكرة مثبت السرعة من احلى الكماليات فى العربية دى خاصة لو بتسافر او بتمشى على طرق سريعة و بيظبط استهلاك البنزين جدا
بس مثبت السرعة لا يعمل قبل سرعة 70 كلم

**hussien456** · 11-06-2008 02:32 PM

شكرا جزيلا علي الردود
المكتوب في الكتاب الي مع العربيه جن2 2008 انه بعد 40 كم مش 70 هل هو 70 ولا 40 او كان 70 في الموديلات القديمه وبقي 40 في 2008 انا لسه مجربتوش

**ahmedsiyam** · 11-06-2008 04:24 PM

لا هو 70 كلم و عن تجربة
ونصيحتى ماتستخدمش مثبت السرعة و انت بتلين العربية بعد لما تخلص اول 1000 ابقى استخدمه
لانك المفروض فى اول 1000 بتلين بمعنى انك ماتثبتش على سرعة واحدة تطلع من 50 - 70 - 90 و تنزل تانى لسرعات اقل
انما مثبت السرعة فى التليين مالهوش لزمة من وجهة نظرى

**mu7ammad** · 11-06-2008 04:59 PM

يا جماعة هو بعد 40 كم فعلا بص يا باشا انت تدوس على الزرار الى فى دراع مثبت السرعة هتلاقى اللمبة بتاعت المثبت الى فى التابلوه نورت بعدين اما توصل للسرعة الى انت عايزها شد الدراع نفسه لتحت كده انت ثبت السرعة و لو عايز تزود السرع ارفع الدراع لفوق و لو عايز تهدى شد الدراع لتحت بس خلى بالك لو فى موقف مفاجىء لا قدر الله مش هينفعك إلا الفرامل و اما تحب تلغى المثبت شد الدراع عليك و بعديت دوس على الزرار الى فيه