طيب أنا مرة راكب تاكسى على البحر يوم الجمعة الساعة 8 الصبح
و تقريباً الطريق فاضى خالص
و السواق كل شويه يكلكس
تقريبأ بقت حركة لا إرادية أو بيعمل بيها دماغ هههههههه
عرض للطباعة
انه يحدف عليا او يعد يكلكس من غير سبب مفهوم
اكتر حاجة بتضايقنى مش من اللى ماشي جمبي اللى بيضايقنى يا اما حد ماشي قدامى يا اما حد لازق فيا زى سواقين الميكروباص والاتوبيس والنقل ودول كتييييييييييييير جدا انا حصل معايا موقف من فترة ماشي فى شارع رمسيس قبل مستشفى القبطي بشوية وقدامى سيراتو وورايا اتوبيس لازق فيا وكنا فى اليمين تانى حارة يعني من الرصيف والسيراتو قدامه تاكسي زبون شاور له ومهانش عليه يقفله على جنب راح مفرمل مرة واحدة وبالتالى السيراتو وراه وانا ورا السيراتو والاتوبيس اللى لازق فيا حطو نفسكم مكانى تعملو ايه
جميع ماذكر بيدايقني بس كمان في حاجتين لسه محدش قالهم :
1- انك تكون ماشي بعربيتك وواحد وراك مولعلك النور العالي ومخلي قفايا وقفا العيال منوووووووووور .
(مع العلم أني مركب ستارة ).
2- أنو تلاقي واحد كمان ورى منك مطفي نوروا بيوفر كهربا بسلامتو بس طول ماهو وراك عمال يرعش بالنور العالي ... عمال على بطال وهو ماشي على مهلو لا عاوز يجري ويسبقك ولا عاوز يحل عن سما أهلك . (وده بجد بيوترني )
3- وانك تلاقي عربية في عز الزحمة ماشي قدامك وسايب مسافة تلات اربع عربيات قدامه وأمة لا أله الا الله بيخشو قدامو وهو ولا هو هنا ...
4- في اليوترن بأه مش المشكلة ان واحد ييجي من وراك ويلف معاك لأ عادي بس المشكلة انو يحضن عليك بشكل فظيع بحيث انو خلاص شوية ويشلك الفانوس بالاكصدام الامامي طيب مالفاتحه واسعه يا أبن اللذينة ولا انتا عاوز تسبقني وتبيض وتخش قدامي ههههههههههههه
أه معلش نسيت حاجة برضو بتفقع مرارتي هههههههه فرصة باه الواحد يفضفض .
لمن ياسيدي يكون الطريق حارتين فقط والطريق واقف وتلاقي الي وراك عاوز يخش بينك وبين العربية الي جمبك . هههههههههههه ويخش تالت بينكم .
بيفكرني بسواق الميكروباص لمن يكون الكرسي الي ورى بيشيل تلاته بس وهو يقلك خش أقعد رابع وره أقعدو على حجر بعض مش مشكلتي ههههه
زي مره كنا قاعدين تلاته ورى ويامشاء الله اجسمنا كلها عمالقة وجي واحد قد العجل ... والاقيلك السواق لوح راقبتو وبيقلنا ياجماعه معليش نشيل بعضينا وسعولوا شووية ههههههههههههه نوسعلو شوية يعني نقعدو فين ؟؟؟ ما تاخدو انتا يا سطه وتقعدو على حجرك ههههههههههههه
حاجات كتير زي مثلا
لما يبقي الطريق واقف واللي وراك نايم ع الكلاكس
لما ابقي ماشي عادي -- مش بجري -- وتلاق واحد جاي من وراك كلاكسات ويعديك ويبصلك بصه كده ببقي عاوز اكسر عليه ادخله ف الرصيف او البسه ف اي حاجه
وكتيييير
اكتر حاجات بتزعجنى
1- النور العالى
2- الكلاكس وخصوصا الموتوسيكلات الصينى
3- الدخول يمين او شمال من غير اى اشاره
4- اى ست بتركن العربيه وتوقف الشارع وبعدين متعرفش تروح تسيب المكان وتدور على مكان اسهل
5- الوقف بالعربيه مره واحده من غير اى اشاره