انا علي فكرة السواقة بتاعتي جري وحرق ومبمسكش شمال اصلا
لكن انا بتكلم لما بكون م مخمخ وماشي علي مهلي وببقي ماشي يمين :U_thin1[1]:
انا عمري م ببص علي حد سايق -- الا لو مزه :grin54: -- حتي لو استغبي او عمل اي حاجه اخري شتيمه بالكلاكس ع السريع :grin54:
عرض للطباعة
1- اكــتر حاجة بتضايقنى من اللى جنبي انه يكسر عليا من غير ما يشغل اشارة وكأنى مش موجود ومش لاقى تفسير الا انى ممكن اكون فى النقطة العمياء فى مرايته
2- اكــتر حاجة بتضايقنى من اللى جنبي انه يا دوب اكصدامه يعدينى ويبتدى يكسر عليا عشان ييجى فى الحارة بتاعتى وكمان من غير اشارة (معظمهم تاكسيات بيضا او ميكروباصات) ولما ازود ومديلوش الفرصة كلاكسات كتيييييييييير وكأنى انا اللى كسرت عليه ومش لاقى تفسير
3- اكتر حاجة بتضايقني من اللى وراريا انه شايفنى مزنوق من التلات اتجاهات يمين وشمال وادام وهو ورايا وعمال كلاكسات ومش لاقى تفسير
4- اكتر حاجة بتضايقني من اللى قدامى انه من غير اي اسباب يمسك فرامــل مرة واحدة مع انه سايب مسافة بينه وبين اللى ادامه بس سرح شوية ومخدش باله ان العربيات اللى ادام رقفت فهو بيفرمل على اخر لحظة وانا أولع وراه وعيالى الاقيهم فى الدواسة الورانية او الاقيهم لازقين فى التابلوه ومفلوقين من العياط وبقهم جايب دم(حصلت فعلاً معايا وكان نفسي اجيبه واحطه تحت العجل) وهو عــادي جداً مفيش حتى كلمة معلش وتفسيرها الوحيد ان هو كان سرحــــان
5- اكتر حاجة بتضايقنى على الدائرى ان الميكروباصات تركن فى الحارة الاولى والتــانية كمان لان السواق عاوز ينزل الركاب ادام السلــم بالظبط مع انه لو طلع متر واحد بس ادام هيركن فى الحارة الاولى
6- اكتر حاجة بتضايقنى ان واحد يبقى ماسك الشمال وماشى على 60 كــم فييجى كمان واحد وماشى فى الحارة اللى جنبه على نفس السرعة ونديلهم كلاكسات ورعاش وهم لا حياة لمن تنادى
7- اكتر حاجة بتضايقى ان واحد ربنا انعم عليه بمرايتين فى اليمين والشمال وشغالين وهو أو هــي قافلهم مش عارف ليه ولما تيجي تعدي من جنبه ويحدف عليك فلا حــرج عليه!!!!
انا مجبتش سيرة المقطورة خالص و كتير من مواقف التاكسي والميكروباص لأن بأة عادي جداً اي حاجة غلط تطلع منهم (إلا ما رحــم ربـي)
ممكن اقول حاجه تانيه
تبقى حضرتك ماشى فى الطريق
فى امان الله
والطريق زحمه مووووووووت
والعربيات ماشيه تاتا تاتا
وتلاقى واحد ابن حلال كأنو راكب على شنطه عربيتك من ورا
وإيدو على الكلاكس زى متكون لازقه فيه ومش عايزه تسيبه وعايز توسعلوا الطريق
طب تعمل فى دا ايه
تفتكر حضرتك هوا مش شايف الزحمه
ولا دى عاده عندو وخلاص
وحضرتك تبقا هتتجنن وتقول لنفسك هوا البعيد مش شايف الزحمه ولا ايه
واما تشاور ليه بإيديك عشان يصبر شويه عشان فى اول فرصه توسعه
يتجنن هوا ويعرفت الكلاكس وناقص يخرج من العربيه عشان يحدفك بعيد عن الطريق
ولما تجيلك فرصه توسعله تلاقيه جه قدامك وماشى على مهلوه اوى اوى
دا مش بمزاجوا
لاكن عشان الطريق زحمه
وواقف وبيمشى تاتا تاتا
مكان من الاول فضل وارك وريح دماغوا
لكن تعمل ايه بأه فى الدمااااااااااااغ الجبس
أكتر شئ مستفز ان يكون اللى جنبك بيتكلم فى الموبيل و مش دارى بالدنيا و يرمى عليك و تزمرلو=ة و مفيش فايدة ولا اكن فى حاجة اصلا
واحد يكسر عليا