ليه اللادا سيارة رخيصة نسبيا

**topfield** · 10-06-2008 04:27 PM

أرجو المشاركة بالراى بالنسبة للأعضاء فى هذا الموضوع وهو ليه اللادا 2107 وكذلا بقية الموديلات سيارة رخيصة نسبيا بالرغم من اعتماديتها العالية وقوتها كما أنها من السيارات المعمرة

**zakiali** · 10-06-2008 07:01 PM

علشان هي تتبع فئة الجرارات الزراعية وليس عربيات الملاكي انا كان عندي لادا قبل كده والحمد لله ربنا خلصني منها

**NaderNabil** · 10-06-2008 08:19 PM

1-تكنولوجيا منقرضة تتمثل فيه تصميم شاسيه و موتور من الستينات و السبعينات
2-موجهه اساسا للشعوب الفقيرة و النامية
3-تجميعها بالمصانع المصرية ادي الي انخفاض تكلفتها...و لكن النسخة الروسي تقترب منها في السعر

**mohamed2002** · 10-06-2008 09:36 PM

المشاركة الأصلية كتبت بواسطة topfield

أرجو المشاركة بالراى بالنسبة للأعضاء فى هذا الموضوع وهو ليه اللادا 2107 وكذلا بقية الموديلات سيارة رخيصة نسبيا بالرغم من اعتماديتها العالية وقوتها كما أنها من السيارات المعمرة

عربية بتاعت شغل بس تفتقد الي الامكانيات وناشفة في سواقتها ولكن فيها مميزات مش حتكون حلوة غير اللي محتاجها
2107 موديل 2003 وفوق بيبدا من 33000 وانت طالع
2105 موديل 95 بيوصل لغاية 29000 ودة عشان مكنتها ال 1200ccالموفرة في البنزين

**Xpert** · 10-06-2008 10:44 PM

كا ما سبق + انها 100 100 في الخدمه الشاقه ... (بالنسبه للاستخدام كتاكسي و كسياره للمزارع و الاراضي الزراعيه) ...

**zakiali** · 11-06-2008 03:43 AM

بيقولك نظام التوجيه في الادا اسمه " نظام الدوده " وده اللي مطبق في الجرارات الزراعيه التي لا تزيد سرعتها عن 60 كيلو متر في الساعه وده بجد مش هزار .. نفسي اعرف ايه نظام الدوده ده ؟ يعني نظام كلتة الدوده ولا أيه ؟

.

**topfield** · 13-06-2008 09:38 AM

أعتقد انه تصميم العربية متقادم فمفيش اموال بتتصرف على تصميمات جديدة وكذلك مفيش كماليات عالية بالمقارنة بالي بيحصل النهاردة كمان انها غير موفرة فى البنزين + انها صنعت فى الاصل لتوئم الاجواء الروسية الشديدة البرودة وعشان كدة التبريد بتعها بيشتغل بعد درجة حرارة 90 فهرنهيت يعنى تقريبا 33.2 درجة سليزيوس وده اللى بيعملو الثرموستات بتعتها عشان تحافظ على درجة سخونة الموتور لتناسب الاجواء الروسية بس عندنا هنا فى مصر لازم الدايرة بتاعت الثرموستات دى تتعطل عشان التبريد مايتعطلش عند 90 درجة
وياريت اى واحد مر بتجربة تعديل اللادا يقولنا عمل معاها ايه

**mohamed2002** · 13-06-2008 12:09 PM

مش كلها استهلاكها عالي يا باشا
الادا 2105 ماتورها 1200ccواستهلاكها ممتاز

**thegoodhacker** · 13-06-2008 01:14 PM

المشاركة الأصلية كتبت بواسطة mohamed2002

مش كلها استهلاكها عالي يا باشا
الادا 2105 ماتورها 1200ccواستهلاكها ممتاز

كلام سليم 1000000000000000000%

**ahmed1981** · 13-06-2008 02:56 PM

رخيصة لأنها على قدر سعرها في التطور والإضافات
يعني لو أنك تبحث عن سيارة عبارة عن موتور وشاسيه وآلات جر ومجموعة تعليق وتوجيه وفقط وفقط وكل ما فيها ينتمى في التكنولوجيا إلى الجيل الماضي
فعليك باللادا 2107 وأخواتها
وهذا ليس معناه أنها سيئة بل هي على قدر ما دفع فيها جيدة