معلش يا سمسم أنا مش بكدبك ..بس عايز أسمع أراء تانية

**محمد-علام** · 19-04-2012 10:49 AM

طبعا الموضوع كان خاص برفع أداء المكنه ...D16A9 ...على أساس إن الفرق بينها وبين ال B16A9 هو ال 30 حصان بتوع ال V-TECH
فـكنت عايز اعرف ايه اللي ممكن يتعمل علشان نرفع الأداء شوية ....طبعا برة التربو ...علشان الموضوع كده حيوسع مني جدا

كلمت المعلم سمسم بتاعنا ...وقال لي على فكرة نار بصراحة ...كالمعتاد يخرب بيت دماغه الذرية
قالي حنجيب header كامل بتاع sir ونركبه ونعمل شوية حاجات تانية ...سبنا من الحاجات التانية دي علشان الباشا سامح هو اللي حيبقى معايا إن شاء الله وانا بعملها ...مش كده يا سامح ولا ايه
المهم السؤال بقااااااا ...صدعتنا يا عم ...انجز في ليلتك دي !!!!
حد جرب يحط header كامل بتاع sir على موتور si original ولا لأ
وهل ال dyameter بتاعه يمشي على ال si
.
.
.
.
.
سمسم ...أنا عايز آخد أراء ناس تانية معانا ...مش معانا كده إني مش متأكد منك ...بس عايز قلبي يطمن ....واخيرا
إنت نافاددددتتتتلي في الحوار ده
قلتلي حكلم اسلام وأرد عليك ....فسسسسسس طبعا ولا سألت ولا اتكلمت
عامتن إنت كإنسان ...مكسب كبير علشان إنت محترم
وكمنسق وهونداوي ....حبقى عامل معاك زي الخفاش ...مبيطلعش ولا بالطبل البلدي
مستني رايكم

**SAMEH_FOUAD** · 19-04-2012 11:03 AM

ياعم انا قريت العنوان وقولت فية حاجة خطيرة

انت تعرف عنى انى انفضلك

الشكمان موجود ياباشا زى ماقولتلك بس اللى حصل ان اسلام تعب جدا جدا وراح المستشفى وقعد هناك اسبوع والحمد لله هو بقى كويس دلوقتى بس لسة مانزلش الشغل ادى اللى خلانى ماكلمكش عن الموضوع شوفت انت بقى ظالمنى ازاى

**SAMEH_FOUAD** · 19-04-2012 12:19 PM

حبيب قلبى ياعلام

**sanhory** · 19-04-2012 02:56 PM

لأ يا باشا ده مش الفرانكشتاين
انتو قصدكم تركبوا هيدر بس و بقيت الشكمان زي ما هو?

طبعا ولا حيفرق في اي حاجه لازم الشكمان كله ياخد نفس قطر الهيدر عشان تحس بفرق

ولو عملت كده يستحسن تعدل الكنترول لان دا حيخلي المكنة lean running حتبقى كمية الهوا اكبر والبنزين اقل و دا يجيب اجل المكنة علطول وحصلت مع واحد اعرفه

**Eng.Geo** · 19-04-2012 03:19 PM

انا أفتكرته بيتكلم علي وش السلندر

**M_Nabil** · 19-04-2012 03:50 PM

المشاركة الأصلية كتبت بواسطة محمد-علام

طبعا الموضوع كان خاص برفع أداء المكنه ...D16A9 ...على أساس إن الفرق بينها وبين ال B16A9 هو ال 30 حصان بتوع ال V-TECH
فـكنت عايز اعرف ايه اللي ممكن يتعمل علشان نرفع الأداء شوية ....طبعا برة التربو ...علشان الموضوع كده حيوسع مني جدا

كلمت المعلم سمسم بتاعنا ...وقال لي على فكرة نار بصراحة ...كالمعتاد يخرب بيت دماغه الذرية
قالي حنجيب header كامل بتاع sir ونركبه ونعمل شوية حاجات تانية ...سبنا من الحاجات التانية دي علشان الباشا سامح هو اللي حيبقى معايا إن شاء الله وانا بعملها ...مش كده يا سامح ولا ايه

المهم السؤال بقااااااا ...صدعتنا يا عم ...انجز في ليلتك دي !!!!
حد جرب يحط header كامل بتاع sir على موتور si original ولا لأ
وهل ال dyameter بتاعه يمشي على ال si

مستني رايكم

تصحيح بعض الحاجات أول حاجه مافيش مكنه SiR بكود B16A9 تانى حاجه نظام المحرك اسمه VTEC وليس V-TECH

نيجى بقى للسؤال أنت عاوز تركب هيدر شكمان بتاع محرك B-series على ماتور D-series هقولك ماينفعش ومش هيركب هتقولى ده 2 كامه زيه زى الـ SiR الأبعاد والقطر ومكان الربط مختلفين لو كان الموضوع كده كنت لقيت مواتير D16A9 مسقطه Head بتاع SiR بنظام VTEC ومغيرين ضفيرة وكنترول وفتيس و عيشين مع الفي تك لكن القصة دى غير موجودة نهائياً

طيب ايه اللى ممكن يركب عندك اى هيدر شكمان بتاع D-series يركب وهيحتاج تعديل بسيط في الهيدر طبعاً أنت بدور على رفع الأداء بتاع المحرك يبقى تدور على هيدر رياضى مش أستوك سواء استيراد أو جديد حسب الميزانية واللى هتلقى متاح

و تركب مواسير شكمان بحد اقصى 2.25 انش لحد العلبه الاخيرة وتلغى باقى العلب بالاضافة لفلتر هواء رياضى بالمسورة لو مش راكب عندك

**haythamkmal** · 20-04-2012 03:14 PM

المشاركة الأصلية كتبت بواسطة m_nabil

تصحيح بعض الحاجات أول حاجه مافيش مكنه sir بكود b16a9 تانى حاجه نظام المحرك اسمه vtec وليس v-tech

نيجى بقى للسؤال أنت عاوز تركب هيدر شكمان بتاع محرك b-series على ماتور d-series هقولك ماينفعش ومش هيركب هتقولى ده 2 كامه زيه زى الـ sir الأبعاد والقطر ومكان الربط مختلفين لو كان الموضوع كده كنت لقيت مواتير d16a9 مسقطه head بتاع sir بنظام vtec ومغيرين ضفيرة وكنترول وفتيس و عيشين مع الفي تك لكن القصة دى غير موجودة نهائياً

طيب ايه اللى ممكن يركب عندك اى هيدر شكمان بتاع d-series يركب وهيحتاج تعديل بسيط في الهيدر طبعاً أنت بدور على رفع الأداء بتاع المحرك يبقى تدور على هيدر رياضى مش أستوك سواء استيراد أو جديد حسب الميزانية واللى هتلقى متاح

و تركب مواسير شكمان بحد اقصى 2.25 انش لحد العلبه الاخيرة وتلغى باقى العلب بالاضافة لفلتر هواء رياضى بالمسورة لو مش راكب عندك

**mostwanted** · 20-04-2012 09:01 PM

زى ما محمد بيه نبيل قالك كده مينفعش تركب حاجه (البي سيريس ) على (الدى سيريس).....
4-2-1 d series header هوا ده اللى يركب عندك وكمان الفلتر الرياضي ويعلى الاداء شويه وصوت الموتور كمان هايبقي احلى ....بس ماتنتظرش فرق كبير فى الاداء يعنى هوا اه هايبقي احسن بس مش كبير ...