ههههههههههههههههههههه
طب تقولوا ايه لو بيحصل العكس
عرض للطباعة
ههههههههههههههههههههه
طب تقولوا ايه لو بيحصل العكس
ماهو علشان احنا في مجتمع شرقي يا أستاذة مينفعش اسيب مراتي تخش تقيس جوه لوحدها ، وبعدين وبعدين افرضي حاطين هما جوا كميرات وهيا مش وخده بالها فلازم اشوف المكان الي هتغير فيه. وبعدين احيانا بيبقى معاها شنطة. فبتناولهالي لاني انا الشماعه بتاعتها غير كده وكده مرات بتقيس كزا طقم فلازم اديها رأي على السريع وقلها لا لا ووووحش علشان ملقهاش تشتري المحل كلو وبعدين انا هشوف ايه زياده. عن مراتي يعني هل اي امرأة هيكون عندها اكتر من الي عند مراتي بس كمان في نفس الوقت بقف علشان مفيش وحده تستهبل وتفتح الستارة كده على طول والبلاوي الي جوه تبان والمحل يوقف يتفرج او عيل صغير يستعبط وقال ايه بيدور على مامتو هههههههههه
بصراحة
احسن حاجة القياس في البيت
بعد الأتفاق مع صاحب المحل علي التغيير اذا كان في خطأ في المقاس او الذوق
بصراحة وان كان دة متعب شوية - ولكن اريح بكتير من اي مشاكل قد تطرأ من القياس في المحل
والله المستعان
،
،
والله انا معاك ياسيد باشا فعلاً احسن حاجة القياس في البيت
بس المشكلة المحلات تيجي تشتري يا اهلاً وسهلاً. تيجي ترجع تبص تلاقيهم بوزهم اتقلب ألوان. وممكن يفقع مرارتك ويقلك هو حضرتك واخد البتاعه دي منين. هههههههههه وممكن ي كمل على كليتك ويفقعها مع مرارتك ويقلك معليش بس تستنى صاحب المحل لغايت مايجي اصل انا كشير هنا ومينفعش ارجع حاجة من غير صاحب المحل مايعرف. طيب ياعم الحج صاحب المحل ساكن فين يقلك على حته بعييييييييدة قوي. ولسه الافندي صاحب المحل. لمن يلبس ويتشطف ويفطر ويغير ريقو ويجي المحل علشان يرجعلك القطعة الي اشتريتها
بس طالما في بروفة والدنيا واسعه وواحد واقف بره جمب البروفة الي بتقيس جواها مراتو فمينفعش حد يقلوا انتا يا استاذ ابعد لوسمحت عن البروفا ، غير كده او كده الواحد مبيحسش بالامان غير ومراتو وعيالو جمبو. والوحده مبتحسش بالامان اذا كان جوزها بعيد عنها ، ده بالعكس باه بالك انتا لو سبتها وطلعت اشرب سيجارة بره المحل تلاقيها زعلت وخدت على خطرها. وتقلك انتا مبقتش تحبني زي زمان وكان لبسي مش مهم عندك ومش فارقة معاك .
وتحس كده ان جوزها مهملها وانا عن نفسي اكيد هتدايق لمن اخش اجرب او اقيس. بدلة ولا حتى قميص وافتح الستارة والاقي مراتي سابت المحل ومشيت ولا راحت اخر المحل ، وممكن ابهدلها. والاقها كده برضو ياحبيبتي تمشي وتسيبيني المفروض تترزعي هنا لغايت ماتقوليلي ايه رقيك في الطقم لايق عليا ولا لأ ، ولا ايه يا شباب
الحمد لله
مبتشتريش اصلا
بتفصل
خاليها علي الله هي الناس بتشتري لبس جديد ولا بتبص حوالين منها تشوف مين بيبص عليها
انا نادرا ما بنزل مع مراتي لشراء الملابس الا لو كنا في سفر
وفي المرات القليلة اللي رحت معاها مرة كنت واقف طبعا بعيد عن البروفة بس الغريب اني لقيت واحدة ست في البروفة ومصرة تنادي لجوزها يقف بجوار البروفة وطبعا هو سمع كلام مراتة وجة جنبها وطبعا ان رفضت ادخل مراتي البروفة اساسا وخرجنا من المحل