عربية حلوة اقتصادية قطع غيارها متوفرة في السوق من سنة 2003 لحد دلوقتي... من أول الصيني لحد الايطالي و الألماني... الصيانة ممكن تعملها في البرقان ناس محترمة جداً في المعاملة و عيوبها الموتور بيسقف على الأول و التاني خاصةً مع التكييف و الحل انها تنقل متأخر شوية و عيب تاني بالنسبالي... الheadrests قدام وحشين و مش adjustable و مافيش ورا اصلاً!
تكييفها معقول جداً و مش بيموتها ... سواقتها ممتعة جدا عشان الmaximum torque بيطلع عند 2500rpm بس ماتتوقعش منها أداء عالي على الطرق السريعة عشان كده كده الموتور 8 صباب فا اداءه معقول و طبيعي و تقريبا سرعتها القصوى في الظروف الطبيعية هي 160-165 كم/س ... طبعاً ده بجانب شكلها اللي بالنسبالي على الأقل من أحسن الdesigns اللي باشوفها في الشارع مع انها قديمة...
المفضلات