عدم التركيز والدوخه؟

**Ralliart** · 19-04-2012 06:22 PM

أنا بقالي فترة بدوخ كتير جداً مع انعدام تركيز بغباء وأدائي قل في كل حاجة ولبست امتحانات الـmid term كلها وبغلط غلطات غريبة وعجيبة بتخليني استغرب من نفسي.

مع العلم اني بقيس ضغطي بلاقيه مظبوط 116\71 وسواء نمت 3 ساعات بس في اليوم او نمت 10 ساعات الحالة زي ما هي ومبشربش شاي ولا قهوة غير قليل ،ممكن امشي في اليوم من 2 لـ3 كم وفي ايام مبنزلش من البيت اصلاً ونفس الموضوع في الحالتين.

الموضوع ده كان حصلي من سنتين كدة ورحت عند دكتور باطنة وخلاني عملت فحص شامل في مستشفى معهد ناصر وقالي معندكش حاجة وانت بتدلع والكلام ده مع ان السنة دي كنت هسقط في الكلية لولا ستر ربنا
وبعد كدة رجعت لطبيعتي شوية وآديني رجعت تاني لنفس الحالة

انا شكيت انه ممكن يكون النظر ليه علاقة وعملت كشف نضارة جديد والدكتور كتبلي اقراص فيتامينات اسمها selenium-ace بس مفيش فايدة

السؤال هنا ايه هي مسببات الحالة دي علشان اشوف انا بعمل ايه غلط واتجنبه؟
يا ريت لو في نوع دواء كويس يساعد على التركيز؟
وشكراً............

**brown-eyes** · 20-04-2012 11:54 AM

ممكن تكون انيميا البحر المتوسط

**Ralliart** · 21-04-2012 10:02 AM

المشاركة الأصلية كتبت بواسطة brown-eyes

ممكن تكون انيميا البحر المتوسط

شكراً على رد حضرتك
دي اعملها تحليل ايه ؟؟

**brown-eyes** · 21-04-2012 11:00 AM

دي ليها مركزين مخصوص في القاهرة و الاسكندرية بس انا ماعرفش مكانهم هو عموما المرض ده بيكون ان كرات الدم الحمرا مش علي شكل دواير فا بتتكسر ونسبة الهميجلوبين بتقل في الدم عشان كده تحس بالتعب والارهاق انا اكتشفت انه عندي بالصدفة هو عموما مرض وراثي مالوش علاج بس مش بيعمل حاجة سالب

**Ralliart** · 21-04-2012 07:18 PM

شكراً على ردك تاني وربنا يشفيك ويشفي الكل
انا هبحث في الموضوع ده واشوف المركز ده فين
بس لو طلع عندي وملهوش علاج يبقى كدة مستقبلي بيتدمر!

**brown-eyes** · 22-04-2012 12:26 PM

المشاركة الأصلية كتبت بواسطة ralliart

شكراً على ردك تاني وربنا يشفيك ويشفي الكل
انا هبحث في الموضوع ده واشوف المركز ده فين
بس لو طلع عندي وملهوش علاج يبقى كدة مستقبلي بيتدمر!

مش بيدمر ولا حاجة هو مرض سلبي مش بيعمل حاجة بس بيبقي عايز متابعة كل 6 شهور مثلا انك تعمل تحليل ده انا اصلا ماكنتش اعرف انه عندي حتي مش بروح اتابع هي مشكلته بس بتكون في الخلفة انك لو اتجوزت واحدة عندها نقس المرض بيكون نسبة اصابة الاطفال بيه كبيرة لاكن لو مش عندها بتكون النسبة 0

**AboELsoud** · 30-06-2012 04:27 PM

السلام عليكم
معلش انا لسه شايف الموضوع دلوقتي / هوه بقالو كتير / بس انا كان عندي نفس الحاله و قلت يمكن افيدك

من حوالي 6 شهور كده جاتلي نفس الحاله و اتضخيت جدااا ساعتها و كانت برضه دوخه عدم تركيز و عدم اتزان و كانت بتزيد مع القعده قدام الكمبيوتر
المهم انا عشان اتخضيت و قلقت نفسي الحاله زادت و قلبت بضيق تنفس و شعور بالتعب من اي مجهود و الحاله سائت تماما

المهم رحت كشفت كتيــــــــــــــــــــــ ـــــــــــــــر و كل حاجه كانت بتطلع سليمه
و اخيرا رحت لدكتور فاهم و قعد يسألني ايه اسلوب حياتك و يومك عامل ازاي ؟
و طلع ايه بقى اللي عندي ؟؟؟؟ تقلص في عضلات الرقبه حصلت من قعده غلط كتير على الكمبيوتر و ده ادى للضغط على الشرايين اللي طالعه من القلب للرأس كلها فتقوم عامله دوخه و صداع و ضيق بسيط للتنفس
و انا طبعا لما وهمت نفسي الحاله زادت من التوتر فقط
و كان العلاج سهل و بسيط بس اخد وقت طويل

والحمد لله بجد على نعمه الصحه و يا رب اكون افدتك و يا ريت تطمنا عليك

**Ralliart** · 09-07-2012 09:49 PM

المشاركة الأصلية كتبت بواسطة aboelsoud

السلام عليكم
معلش انا لسه شايف الموضوع دلوقتي / هوه بقالو كتير / بس انا كان عندي نفس الحاله و قلت يمكن افيدك

من حوالي 6 شهور كده جاتلي نفس الحاله و اتضخيت جدااا ساعتها و كانت برضه دوخه عدم تركيز و عدم اتزان و كانت بتزيد مع القعده قدام الكمبيوتر
المهم انا عشان اتخضيت و قلقت نفسي الحاله زادت و قلبت بضيق تنفس و شعور بالتعب من اي مجهود و الحاله سائت تماما

المهم رحت كشفت كتيــــــــــــــــــــــ ـــــــــــــــر و كل حاجه كانت بتطلع سليمه
و اخيرا رحت لدكتور فاهم و قعد يسألني ايه اسلوب حياتك و يومك عامل ازاي ؟
و طلع ايه بقى اللي عندي ؟؟؟؟ تقلص في عضلات الرقبه حصلت من قعده غلط كتير على الكمبيوتر و ده ادى للضغط على الشرايين اللي طالعه من القلب للرأس كلها فتقوم عامله دوخه و صداع و ضيق بسيط للتنفس
و انا طبعا لما وهمت نفسي الحاله زادت من التوتر فقط
و كان العلاج سهل و بسيط بس اخد وقت طويل

والحمد لله بجد على نعمه الصحه و يا رب اكون افدتك و يا ريت تطمنا عليك

انا بشكر حضرتك جداً على المشاركة دي ،أنا فعلاً مبقعدش على الكمبيوتر ولا بذاكر غير عالسرير ورقبتي بتكون معووجة
في علاج تاني بالإضافة لاني ابطل اقعد كدة؟؟

**AboELsoud** · 10-07-2012 05:09 PM

المشاركة الأصلية كتبت بواسطة Ralliart

انا بشكر حضرتك جداً على المشاركة دي ،أنا فعلاً مبقعدش على الكمبيوتر ولا بذاكر غير عالسرير ورقبتي بتكون معووجة
في علاج تاني بالإضافة لاني ابطل اقعد كدة؟؟

اولا لا شكر على واجب :)
ثانيا بلاش حضرتك انا عندي 22 سنه

ثالثا طبعا انك تبطل تنتي رقبتك و تبقى معووجه دي اول خطوه في العلاج
ثاني خطوه في العلاج
1-فوطه في ميه دافيه و تعصرها و تحطها على رقبتك يوميا و ممكن تعملها 3 مرات في اليوم ( كمادات دافيه يعني )
2-تعمل تمارين استريتش لعضلات الرقبه مرتين في اليوم هتلاقيها على يوتيوب كتير
و دي هتقوي عضلات الرقبه بحيث انها ترجع تشتغل تاني طبيعي و متحسش بالدوخه
3-في حقن مش فاكر اسمها دلوقتي بس هي عباره عن فيتامين ب و كنت باخدها مره كل 3 ايام و طبعا يفضل لو هتاخدها يبقى تحت اشراف دكتور

و اخيرا العلاج بياخد وقت كبير فمتستعجلش

ربنا معاك و ابقى طمنا و لو عايز تسأل تاني اتفضل انا موجود على طول