لو مكانى وهتشترى جديد ومعاك لغاية 120 ألف تختار كيا سيراتو وكيل ولا نيسات صنى سوبر صالون ؟ ولا تختار حاجة تانية ؟
ساعدونى فى الإختيار لحسن خلاص عقلى هيضرب وهتجنن ؟
فترة أتجننت وأخترت اللوجان الأوتوماتيك وخلاص نازل أشتريها ، رحت السبع لقيت بالحجز وتقعد 40 يوم على ماتستلم !!! سألت فى عربيات لقيت اللون الفضى بس اللى موجود وأنا عاوز النبيتى ؟
أتعقدت وأستنيت شوية ، وبدأت دماغى تلعب فى الصنى السوبر صالون نزلت على التوكيل مالقيتهاش ومفيش غير EX صالون والسوبر هتنزل فى شهر 10 ، ومستنيين الصنى الشكل الجديد وحتى السعر لسه ماتحددش !!
قلت ياواد أرفع الميزانية شوية وخش على السيراتو !!
دلوقتى بقيت محتاااااااااااااار جداً ومتردد ومش عارف أشترى أيه ؟
أنا عاوز عربية شياكة وقيمة وسيما ، وتتحمل الطرق الوعرة والمطبات ومش ناوى أغير إن شاء الله قبل 5-6 سنين ، ومابحبش الجرى خااااااااااالص ومش عاوز أندم بعد لما أجيبها !!
ياترى ترشحولى أيه ؟