طب متسجل أي محاضره للمدير وشغلها قبل النوم
طب متسجل أي محاضره للمدير وشغلها قبل النوم
panadol night
وادعيلى
http://farm3.staticflickr.com/2366/2...6e76dbc0_z.jpg
جديد البانادول ده
بيتباع فى أى صيدليه ؟
جربته قبل كده ؟؟؟
مفيش فايدة كالعاده نزلت جبت مشروب ايزيس ولقيت عندي عبحتين بندول وجبت راديو وشغلتو على اذاعة كده اسرائيلية. بعد ما قريت شوية قران وصليت بخشوع وتدبر نمت على طول ، نمت الساعه ١٢ بالليل واهو لقيت نفسي صحيت الساعه ٤.٣٠ الفجر يعني اربع ساعات ونص. مع اني واخد حبتين منوم
يالله بكره هحاول الف على الصيدليات اشوف الادوية الي قالو عليها الشباب بتاعت المنوم. ، بس بجد هموت وافهم. الي بيصحيني ، ياترى ممكن يكون بسبب الوضع السياسي في البلد وعمد وجود رئيس جمهورية وعدم كتابة. الدستور ، طيب وانا مالي اهلي بالمواضيع دي ايه الي مبيخلينيش انام ده انا واللهِ بطلت اشوف الجزيرة او العربية او البيبي سي او العاشرة مساءً. غير مرة وحده في اليوم الصبح فقط
واحد من زميلي من يومين قلي انا بفتح على قناة التيت شوية او غنوة القناه دي بتهدي الاعصاب. فتحت عليهم معرفتش انام. خالص ده انا حتى مش فاكر اخر مرة حلمت فيها حلم كان ايمتى
حبيب قلبي ماهو انا سمعت كلامك وشربتلي حبتين بندول من الي هو الازرق ه وفعلاً جاب نتيجة وخلاني انام بس اربع سعات ونص فقط ورجعت صحيت تاني هو جميل بصراحة بس الانسان الطبيعي على الاقل محتاج تمن سعات نوم بفكر اسافر كده يومين اغير جو بقول يمكن لاني من قبل الثورة انشغلت بالحياة وماتفسحتش خالص
قريت قرآن وشغلت اذاعه اسرائيليه أكيد صحيت من تأنيب الضمير
متجرب تطبق يومين ونام بالليل شوف هتنام كويس ولا ايه
حاول ماتنامش خالص بالنهار وأمشى مساء نص ساعة وبعد المشى تاخد دش (مش دش اى كلام سريع كدا. لأ دش بزمة) وأتعشى وقبل ما تنام بنص ساعة فيه دواء أعشاب فقط وغير مضر أطلاقاً أسمه سليب أيد (sleepaid tab) خد منه 2 أو 3 أقراص وأشرب كباية ينسون وان شاء الله هاتنام.
(لو مانفعش معاك كل الكلام ده وكل نصائح الاعضاء يبقى انت لازم تجيلى بقى وهاأبنجك وأنيمك فى أقل من 5 ثوانى)