الموضوع: sym fiddle

المشاركة الأصلية كتبت بواسطة gsoleiman

بص يا زعيم

حسب ميولك إنت إيه

أنا شخصياً لو هشتري هشتري lml صباب زيرو...أنا بحب الفيتيس العادة حتى في العربيات
أنا بركب موتوسيكلات فموضوع التوازن وإستخدام الدبرياج مش مشكلة عندي.
الصاج بتاعها ناشف وحماية أكثر.
كل الميكانيكية بتشتغل فيها.
لو لا قدر الله وقعت مفيش فيبر وممكن تتسمكر وتترش فل.
ممكن لو الزمن غدار بي تشتغل ديليفري أو أي حاجة.
وجود استبن.
عائلية.

عيب ال-lml هو انتشارها الكبير فشكلها مش مميز غير إن فيه عيال لامؤاخذة سيس يعني بيعمل بيها اكروبات.


أما ال-sym ميزتها شكلها شبابي وجديد..إستهلاك بنزين أقل...فيتيس cvt ومافيش دبرياج...تصلح لللي بيتعلم ركوب جديد.
العيوب...في اعتقادي وتوقعي...الفيبر الكتير...قطع الغيار ممكن في بعد الأحيان تتأخر مثلاً...الميكانيكية مش عارفينها قوي...إعادة البيع ممكن والله أعلم تكون أصعب.

يعني بالإختصار...الإثنين حلوين بس مزاجك إنت إيه؟؟؟ هو دة السؤال.


ربنا يوفقك

كلام لا يعلى عليه ياجورج باشا بس فى تعليق مزغرت اوى

قطع العيار بتعه الفيدل بقت مرطرطه فى كل حته حتى عند بتوع المكن الصينى اللى هما بتوع حلاوة