الموضوع: هو كده الواحد معندوش احساس ؟ ممنوع الدخول لذوي القلوب الضعيفه

انا كده
الحمد لله محصليش موقف زى ده بس حااجات قريبه و مكنتش بتهز !
وبيكون عندى شعور شديد بالتبلد و الغباء و التلامه
بس انا بعتبرها نعمه
لكن مش بحب اظهرها ادام حد عشان متفهمش غلط
اخر حاجه حصلت كانت ايام الثوره
عند بيتنا فى مستشفى
كانو جايبين واحد واخد رصاصه فى دماغه
طبعا مش عاوز اوصف المنظر
بالصدفه كنت واقف
وقفت اشيل الراجل من العربيه مع الى جايبينه
المستشفى مرضتش تاخده لانه كان بيموت خلاص و تقريبا مات فى ايدينا
شيلناه تانى حطيناه فى العربيه
وبعدها كملت اليوم عادى !

المواقف اللى زى دى ربنا بيدى فيها نعمة التحمل علشان الموقف يعدى
لما ابن عمى ووالدته توفوا السنة اللى فاتت فى حادث اليم
الموضوع اثر جامد فيا ولكن بعد الحادثة
لانى انا دخلتلهم المشرحة واتعرفت عليهم وفضلت معاهم لحد الدفنة
ومن بعدها وانا مابقتش تفرق معايا اى حاجة
حاسس انى بقيت بارد ومابخافش من اى حاجة
يمكن المواقف اللى زى دى بتجمد القلب