ازاى انضف بوابه الهواء بتاعت العربيه

**limo** · 20-04-2012 05:43 PM

السلام عليكم
لاحظ فى الفتره الاخيره ان سحب العربيه مش تمام وكمان استهلاك النزين عالى شويه عن المعتاد
انا عربيتى لانسر بومه 1600 مو 2008 وعامله 57 الف كم
اخر صيانه ليها كانت عند 53 الف وغيرت فيها زيت وفتلتر وقبليها عملت صيانه الى عند 42 الف وغيرت فيها كل حاجه معادا السيور وفلتر البنزين علشان انا بفول العربيه باستمرار عند نصف التانك .
بس اليومين دول حاسس ان سحب العربيه مش عاجبنى فقولت انى ابداء بتضيف بوابه الهواء وبعد كده اغير فلتر البنزين بواحد اصلى واعمل دوره تنضيف وقود .
المشكله برضو انى بسافر بالعربيه باستمرار لشمال سيناء وهناك الرمل الناعم مالى الطريق وبيبهدل حوض الماتور فاكيد فلتر الهواء والبوابه هينولهم من الحب جانب
السؤال بقى ازاى اعمل تنضيف للبوابه بنفسى ؟؟؟؟

**eng.m7md.ali** · 20-04-2012 05:49 PM

هتجيب سبراي تنضيف الكاربوريتور من عند اي بنزينة او on the run
ترش اسبراي على فتحة المنافولد وتخلي حد يحرق شوية على 3 rpm ويرفع الrpm شوية لحد 6 وينزله تاني لحد 3 وهكذا
هتلاقي الشكمان بيطلع دخان ابيض متقلقش ده طبيعي
بس الاحسن روح عند ميكانيكي يعملهالك