حد عندو فكره اظبط الكاوتش على كام للفورد هاتش باك ٢٠١١
عرض للطباعة
حد عندو فكره اظبط الكاوتش على كام للفورد هاتش باك ٢٠١١
الافضل ترجع لمنيوال العربية
المانيوال بيخرف بيقول ٣٦ وحارقام عجيبه كدا
وبيتكلم لو العربيه فاضيه او فيها ٢ او٣ او شنط عامل يارات كتير انا عايز بالخبره كدا اظبطها على كام
الاحسن من ده و ده عليك و على النتيتروجين جامد جدا فى الصيف
30 او 32 ضغط النيتروجين
و السلام عليكم
أدق حاجة هتلاقيها ملزوقة علي قايم الباب بتحدد الضغط المثالي (معادلة الراحة و التحكم و استهلاك البنزين) لو العربية فاضية أو حمولة كاملة (ركاب + شنطة مليانة). لو ملقتهاش دور عليها ممكن تكون ملزوقة في حتة تانية... لو ملقتهاش خالص يبقي عليك و علي المانيوال بس خد بالك إن الضغط بيختلف باختلاف حجم الاطار و الجنط و وزن الموتور (يعني علي حسب كام cc) فعشان كدة المانيوال مفروض يوضح الضغط لكل مقاسات الاطارات و المواصفات الممكنة.
و 36 مش كتير علي فكرة... أنا عندي المزدا 35/33 لو فاضية و 36/45 لو حمولة كاملة... هتقول لي بس 45 ده كتير و العجلاتي قال غلط... هقول لك هو الراجل بتاع البنزينة هيفهم أكتر من الخواجة اللي عمل العربية؟! هتقول لي بس الجو عندنا حر، هقول لك ماهو في اماكن تانية زي كاليفورنيا و فلوريدا و استراليا بتتباع فيها نفس عربيتنا و جوهم حر زي عندنا و معندهمش ضبط مختلف... هتقول لي بس شوارعنا غير الشوارع بتاعت الخواجة، هقول لك معاك حق عشان كدة لازم الواحد يخلي باله في عين القط اللي بعرض الشارع و أمثالها و ياخدها بالراحة عشان يحافظ علي الجنط و الكاوتش.
و عموما ابقي تمم علي الناس بتوع الكاوتش عشان حتي النضاف فيهم ساعات بيهبلوا (أنا اشتريت مقياس مخصوص عشان كدة) و لقيت بريدجستون عاملي عجلة وراء 33 و التانية بتاع 45... معرفش بقي كان مسطول ولا ضرب المقاس اللي علي القايم و مفهمنيش لما قلت له اني مش بحمل العربية قوي فخليها 33 مش 45 و كسل يسمع الكلام و يرجع يظبط!!!
اعملها زي القايم اللي علي الباب بالضبط و يا سلام بقي لو نيتروجين
و لو الاختيارات كتيره اختار الراكب و اتنين غيرك يعني 3 أفراد مع العلم انك لو مسافر و حموله كامله اضبط الهوا زي الباب عشان في جميع الاحوال الفرامل تضبط معاك