الله يا كبير موضعاتك دائما ممتازه ربنا يوفقكك
انا برضه ماعرفش اعلق لان عربيتي مستعمله و النيسان بتاعت الحج الحمد لله ماشفناش منها وحش
الله يا كبير موضعاتك دائما ممتازه ربنا يوفقكك
انا برضه ماعرفش اعلق لان عربيتي مستعمله و النيسان بتاعت الحج الحمد لله ماشفناش منها وحش
ربنا يخليك يا احمد و الحال من بعضة
و اللى قولت علية دة هو دة المطلوب بالظبط .
الف شكر يا شاركى وموضوع أعطـــال الميجان من مالكى السيارة غنى عن التعريف و مفيد جداً و فية حقايق ما يدور عن هذة السيارة
وربنا يباركلك يا عيشو .... والمهم انك تبقى على اتصال بالموضوع هنا انت و كل اصحاب الرآى و الثقة
ودوركوا ودورنا لو لاحظتوا اى موضوع فى اى قسم بيدور حول عيب معين او مشكلة مع حد فى عربية زيرو واتاكدنا شوية من الكلام و ملامح الموضوع انها متكررة ولو حتى مرتين اننا نحط لينك الموضوع هنا
ذى المشكلة فى تقفيل الصنى
الموجودة فى الموضوع دة كارثة فى نيسان صنى سوبر صالون
ولازم نكون واضحين و ما نخبيش حاجة على نفسنا و نواجة بعض باللى بيحصل
دة لا بيقلل من شأن العربية ولا ممكن يصرف نظر اللى عايز يجبها ...لان ممكن يكون لة وجة نظر ان سعرها مناسب او ارحم من غيرها او قطع غيارها معقولة او المشكلة مش كبيرة ..او ..او
المهم ان تكون كل السلبيات و الايجابيات امامة ... وعلية هو ان يختار و ليس نحن
انا اعرف يا عمرو باشا انك تريد التفاعل
بس انا قلت اجمع الموضوع بشكل اكبر بالنسبه للفيرنا
و اشارك بموضوعي
دليل الفيرنا بمميزاتها و مشاكلها و كل شئ عنها
اظن هيبقي فيه اللي قد يشغل بال الاعضاء
و فيه من خبرات اخواني الكثير
http://www.nilemotors.net/Nile/showthread.php?t=20667
هناك عدد بسيط من سيارات اوكتافيا A5
تعاني من مشاكل بسيطة في التقفيل زي تعطيل زرار زجاج الكهرباء
و الحمد لله ان انا مش منهم
و الحل انك لازم تجرب كل حاجة في عربيتك قبل ما تستلمها
فيات باليو / سيينا 3
بونتو كلاسيك / جراند بونتو
------------------
ممنوع منع بات استخدام بنزين 90 .
انا كنب في سيارتي ( باليو 3 ) بستخدم شوية كدة ... و شوية 92 ... ..
ماكملتش 20 الف كم و غيرت الطلمبة كاملة ( طلمبة البنزين ) و كان تمنها 890 جنيه مصري من غير الضريبة في التوكيل .
و لقيت 3 اشخاص اشتكوا من نفس العيب في بونتو و جراند بونتو .
و سالتهم و كانو فعلا بيستخدمو بنزين 90 .
ثانيا لتجنب قصر عمر الطلمبة - ابدا واياك تسيب التانك يفضى علي الاخر .. يعني قبل ماينور بشوية يفضل انك تمول .
--- دي العيب المشترك الوحيد الي لقتيه في سيارات فيات الجديدة ----
الله ينور يا باشمهندس عمرو
وفعلا هاممني جدا ان الناس تعرف اللي هايقول معلومة لشخص لمجر انه سمعها او راي في عربية وهو مش عاجبة منظرها او بالعكس مقتنع بيها بس لما يجي يشتري هايغير راية بلاش يقولوة
لان مبلغ 34 الف جنية خسار في عربية مبلغ يوجع قوي
ربنا يعوض علية فعلا
وبلاش نفتي ونقول من غير ما نعرف ولا نقرا
ممكن مايكونش عندنا العربية فعلا
بس عايزين نساعد
ندور على النت وعلى المنتديات الاجنبية اللي اشترو العربية وجربوها وكتبو تقيماتها
والمؤسسات اللي بتختبر العربية بحيادية
قبل ما نجدي معلومة غلط
الله عليك يا عمور
خد يا سيدي عندك بقي
تويوتا ياريس 2008
العيوب
1.الاكصدامات ضعيفه و عندي اكصدام اتكسر من حاجه هايفه اوي
2.وضعيه القياده غير مريحه للمسافات الطويله
3.العفشه بتاعها بتحتاج تربيط كل فتره.
....................
دا اللي انا لاحظته من خلال 5 شهور استخدام و 10 الاف كيلو استعمال .
السلام عليكم و رحمه الله و بركاته
انا عندى فرنا 2008 لما استلمتها كان عليها 30 كيلو تراب
بعد التنظيف لقيت الكبوت و الشنطة مش متركبين عدل فية فرق واضح للى يدقق
و درج التابلوة حاسس انه معووج شوية يعنى مش على مقاس الفتحة بتاعته حاسس انه اصغر من كل الجناب حاسس بفراغ حولينه
غير كدة لسة مظهر ليش حاجات غير بحس ان الماتور على طول سخن لما بنزل الجراج و اجى اغطى العربية بحس بية سخن زيادة عن اللزوم كأن المروحة مبتشتغلش فمش عارف دا طبيعى ولا لقى(مع ان مؤشر الحرارة فى النص) شكلى حقف فى الشمس و افضل مدور العربية و فاتح الكبوت اشوف المروحة حتشتغل امتى