عيوب الزيرو الجديد...(عندك اى عيب لاحظتة أرجوك بلغنا بية هنا )
بسم الله الرحمن الرحيم
السلام عليكم ورحمة الله و بركاتة
عيوب الزيرو الجديد ........ ( عندك اى عيب لاحظتة أرجوك بلغنا بية هنا )
الحقيقة خلال هذا الاسبوع كان هناك موضوعين اصحابهم بيطلبوا المشورى فى شراء عربية زيرو جديدة وهى كانت (فورد فوكاس )
الاول:
http://www.nilemotors.net/Nile/showthread.php?t=27364
بتاريخ : 2/6/2008
الثانى :http://www.nilemotors.net/Nile/showthread.php?t=28041
بتاريخ :8/6/2008
وقد قمت شخصياً بالمشاركة فى هذين الموضوعين مرشحاً هذة السيارة على مثيلاتها ...
وقد اجتهدت فى هذا الراى مستنداً الى
1- feedback او تاريخ السيارة من مٌلاك السيارة من احد الاصدقاء و التى استمر بها اكتر من سنتين
2- تجربة هذة السيارة تجربة عملية اكثر من مرة
3- كل المعلومات المتاحة عنها فى البلد
إلا ان اليوم فقط (صباحاً) تم فتح موضوع من احد مٌلاكها يشتكى من عيب فى كمبيوتر العربية
والتى كانت للدرجة انة باع العربية بخسارة كبيرة (ربنا يعوض علية و يبدلة خير منها إن شاء الله )
الموضوع :http://www.nilemotors.net/Nile/showthread.php?t=28317
بتاريخ اليوم صباحاً : 10/6/2008
ولو كان هذين الموضوعين بعد تاريخ هذا الموضوع لما رشحت تلك السيارة او على الاقل كنت هاذكر تلك الملاحظات لصاحب السؤال
وعلى هذا ...ومن هذا المنطلق حيث لأنى بعتبر ان ترشيح عربية او ابداء الرآى بأى شىء يخص العربيات هى مسئولية كبيرة جداً وفلوس لو اتحطت فى عربية بتخسر يبقى على من ادلى بالرآى فيها مشارك فى هذة الخسارة ..وهذا الرآى سوف نسأل عنة يوم الحساب واما اذا كانت عربية ريحتة و اسعدتة فلى من الاجر عندة فى كل مرة يستمتع بها .
ولذلك ارجو من كل من يمتلك سيارة زيرو و صادفتة اى عيوب فيها و قد تكون متكررة او لاحظها بصفة عامة لاكثر من احد من المتعاملين مع توكيلة او من اصدقائة مُلاك نفس نوع السيارة
ان يبلغنا بها هنا فى هذا الموضوع
لية ؟
1- المنتدى بقى الحمد الله كبير و ملىء بالاعضاء و المواضيع الجديدة .. ممكن انة هيشارك او حتى يفتح موضوع فى قسم العربية ..لكن مش كل واحد هياخد بالة من المشاركة او الموضوع
2- الموضوع ممكن لو عدى علية يومين يترحل لورا اكتر و تبقى ملاحظة اللى فية شبة منعدمة
3- ملاحظة مستوى السيارات الزيرو على كافة انواعها و التى اشرت لها فى موضوع ظاهرة تسليع السيارات ..... (لمن يبحثون عن شراء سيارة مٌعمرة)
شروط العيوب التى سوف تذكر فى هذا الموضوع
1- عيب ليس ناتج عن سوء الاستعمال او القيادة الخاطئة او اهمال صيانة دورية
2- ملاحظتك لاكتر من حد فى التوكيل كان رايح لنفس السبب (او من اصدقائك مالكى نفس السيارة )
3- طبعاً بتذكر موديل عربيتك و تفاصيل الحكاية معاك سواء انتهت المشكلة او لم تنتهى ولم تصل إلى حل نهائى لها
- على من سوف يشارك و يقول عن عيب فى عربيتة الزيرو لاحظة فى عربيتة ...
ان يتحرى الامانة فى القول ويرعى الله فيما يقول و يعرف انة سوف يبدلة الله خير من مشكلتة ويعوضة خير منها بإرشادة و توعيتة لاخوانة فى المنتدى
- على من يبدى الراى فى ما يخص السيارات ان يعلم انها مسئولية كبيرة سوف يسأل عنها و علية ان يجتهد بقدر امكانة فى تحرى دقة ما يقولة و انة قد بذل اقصى ما عندة قبل ان يقول هذا الرآى
وتقبل الله منا و منكم خالص اعمالنا وجعل ما نقوم بة من عمل تطوعى هو لنيل الخير و الحسنات و يُبعد بة كل شر و يجنبنا منة السيئات .
الاولوية فى الموضوع لمشاركة صاحب السيارة الزيرو اللى لاحظ العيب عندة ثم تأتى المشاركات لمناقشة الموضوع
والسلام عليكم ورحمة الله و بركاتة
مالها الانوووووووووس؟؟؟؟؟؟
اقتباس:
المشاركة الأصلية كتبت بواسطة Noha-M
كيا سيراتو 2008 اوتوماتيك
العربية كويسة فى كل حاجة بس الفرامل النهادرة كانت هتعملها معايا و انا لاحظت ان فراملها مش أد كدة شوية .. اكيد مش زى اللانوس طبعاااااااااا لكن من النوع اللى هو لازم تجيب اخرها عشان تقول معاك ..مش زى البونتو مثلا و السيتي بضغطة بسيطة العربية تقف معاك
بس يظهر عيب الفرامل دة فى الكورى كله
الحاجة اللى مضايقانى كمان الباور بتاع العربية مش مريحينى عشان بتاع السيتي كان electronic فكان ناعم لكن بتاع السيراتو هيدروليك عادى .. مش بقول انه وحش لأ كويس لكن السيتي احسن فى الحتة دى
اكيد مش زى اللانوس طبعاااااااااا مالها الانوووووووووس ؟؟؟
طبعا من عيوب الانوس الفرامل وتوقفش متوسيكل وكمان العربية واطية جد وكمان عيوب ومنظر التقفيل المحلى ظاهر جدا لما تشيل الفرش الى فى الشنطة
العيوب الفردية فى العربية كانت المريا اليمين الكهرباء ....مش عارف دة عيب ولا اتخبطت وهى مركونة