السلام عليك لو ممكن اخد رايكم فى حاجة انا طبعا عايزة اشترى عربية وبقالى اكتر من شهر محتارة وقرات مواضيع المنتدى كلها محتارة بين اللوجان اوتو او سانديرو اوتو برضوا واللانوس اوتو والبروتون وحاجات تانية كتير دلوقتى انا ما عنديش اى خبرة وظروفى كالتالى:
1- عملية فى قدمى اليسرى 9 مسامير وشريحة (بعنى عايزة عربية اتوماتيك)
2- عندى انزلاق غضروفى فى اكتر من 4 فقرات (يعنى مهم جدا الراحة فى صالون العربية والعفشة تكون ناعمة جدا المطبات والفواصل الحديد دى بتموتنى مش عايزة احس بيها خالص)
3- معايا طفلين صغيرين هاودى وهاجيب كل يوم من الحضانة وشغلى على الطريق الصحراوى(يعنى مش هينفع العربية تعطل منى)
4-مش ناوية ابيع العربية قريب
5- الظروف المالية معايا 40000 الف كاش هدفع مقدم واقسط بس تمن العربية يفرق جدا لو لحد 80000 هاعمل قرض شخصى على سنة واحدة واجيبها كاش اما بقى لو حاجة تستاهل وهتعدى ال 100000 بس اخرى 120000 يبقى هاقسط على 3 او 5 سنين
طبعا طولت عليكم واسفة جدا وشكرا مقدما