أنا عندى المؤشر مش بيوصل للنص بيكون قبلة بشرطة بس دايما المروحة شغالة مبتفصلش غير على الطوالى فهل دة طبيعى ؟ علما ان الرادياتير جديد و لسى عاملوا دورة غسيل
عرض للطباعة
بص ممكن تروح لكهربائى تتاكده المروحه بتفصل ولا لا علشان ممكن يكون معملها دائره توصيل من الداخل وممكن يكون فى مش كله فى حساساتها
بس بصراحه
انا برضو عندى الحراره عاديه والمؤشر مش بيعلى والحمد الله عمرو ما وصل للنص علطول قبلها بشرطه بس موضوع المروحه بتفصل ولا لا دى مش متأكده منها علشان انا علطول اول مطلع بشغل التكييف عامل زرار التكييف زى زرار الكاسيت اول ما ادور بشغلو فا مش عارف المروحه بتفصل ولا لا
انا يا باشا ريحت بالي وخدت علي العربية العربية في السريع فل مش بتكل بنزين وال10 لتر يعملو 100 كيلو وسط البلد ال10 لتر يعملو 60 كيلو وخدت علي كدة والفتيس علي فكرة انا هروح لواحد اجرب حاجة يمكن يكون منها وهعرفك وكمان الفتيس الفترة دية سعرة بقي رخيص يا معلم اوووووووي 1500 و1600 ناس شارية بالاسعار دية علي ما اظن كدة سعرة كويس ومش عالي حتي لو بيبوظ كل سنتين يبقي فل اريح من اني اركب مانول واغير ديسك واسطونة
ازيكم يا رجاله عاملين ايه في رمضان
من فتره زرار الازاز اليمين اللي في اللوحة الرباعية اللي جنبي مكانش بيفتح كان بيقفل بس وبدأ من فتره يبقى تقيل كمان في القفل والازاز اللي ورا كان بيفتح بس من عندي وعشان اقفله كان بيبقى ضعيف جدا ولازم اقفله من الزرار اللي ورا وبعد فتره بقى مش بيفتح من ورا خالص لازم من قدام عندي وكان بيفتح حته صغيره بس وبعدين يتقل
المهم روحت للكهربائي قالي المفاتيح عاوزة تتغير هات اللوحة الرباعيه بتاعة باب السواق الاول وبعدين نشوف يمكن الباب اللي ورا يتظبط
المهم سألت عند تارجت عليها قالي باب السواق ب 350 جنيه واي باب تاني ب 80 جنيه
طبعا جاتلي صدمه عصبيه وقلت مش جايبهم اتصلت بابو ادهم عشان اشوفهم بكام استيراد لقيت تليفونه مرفوع من الخدمه ولا غير موجود بالخدمه مش عارف
قلت يا واد طنش خااالص مش وقت مصاريف بصراحه
النهارده بقى كنت اجازة نزلت العربيه وقلت هي خربانه خربانه رحت فاكك الزرار بتاع السواق وفكيته من جوه
هو عبارة عن دورين فوق بعض زي المكعبات كده في 3 مسامير بعد ما فكيتهم محصلش حاجه عشان هو مقفول بكلبسات
فكيت الكلبسات وطلعت الغطا اللي فوق وفكيت الكلبسات اللي في النص و وفصلت الدور اللي فوق عن الدور اللي تحت وبقى قدامي البورده بتاعته والمفاتيح
واديها بقى ال akay ده منظف للالكترونيات واجزاء الكهرباء مفيهوش اي نسبة زيت
غرقت امه لحد متنزلت منه بلاوي واييدي بقت سودا من كتر التراب
ركب يا عم وجرب
كل الزراير شغاله زي الحلاوة بقى اجدع من الجديد
بس لقيت القزاز اللي ورايا بيفتح بس ولو حبيت اقفله بيبقى تقيل لازم يتقفل من ورا لكن بقى بيفتح اسرع بكتير
طبعا انا انشكحت جدا ورحت فاكك الزرار اللي ورا وعملت فيه نفس العمله بالظبط وركب يا عم
ولااااااا كأني عملت اي حاجه برضو مش بيفتح الازاز خالص لكن بيقفل كويس
قلت الحمد لله على كده كده ممكن افتحه من عندي وامد ايدي اقفله لو عاوز اقفله او اسيب وحده الرفع تتعامل بقى :))
انا حبيت اقولكم عشان لو حد هيشتري زراير جديده يجرب ينضفها الاول يمكن تفرق معاه
وبجد دلوقتي عرفت اهميه اللي جورج بيعمله في العربيه
النظافه حلوة مفيش كلام :)