رابطة الوحوش ملاك السيفيا (ج3)

**أحمد الجندى** · 14-08-2012 03:34 PM

المشاركة الأصلية كتبت بواسطة eldmrane

عايز انزل اجيب فونيس كيا شوما كلة نصحني ابعد عن الجديد عشان صيني وبيتعب بسرعة بعتهم يتلمعو ومش عجبني بصرحة انا سمعت انهم عند ابو ادهم ب400 جنية الكلام دة صح ولا لاء ولا في سعر قليل عند حد تاني عشان نازل اجيب بكرة والموضوع دة قرفني مش بشوف بالعربية بجد

قبل ما تروح لأبو أدهم انزل التوفيقية وروح لمحل اسمه الاهرام للزجاج شوف لو ممكن يعملك الباغة بتاعة الفانوس بس ... ممكن تبقى فى حدود 150 جنيه للجوز أو اقل كمان وميزته انه بيعملها زجاج فمبتصفرش وبتبقى سهلة فى الغسيل
أنا كنت جيبت منهم باغة للكيا برايد ايام ما كانت معايا من حوالى سنة ولغاية دلوقتى اللى اخد منى العربية كل ما ابص على الباغة الاقيها زى ما هيا لا اصفرت ولا حاجة

**أحمد الجندى** · 14-08-2012 03:43 PM

المشاركة الأصلية كتبت بواسطة spy123

انا عندى مشكله دلوقتى فى الفرامل كل اما اخد هوا تفضل 15 يوم كده وبعدين الدواسه تنزل تانى وساعات اجى افرمل ادوس لغايه الاخر تنزل معايا واحس انها مبتمسكش اوى المهم غيرت تيل قدام وورا وبرده الموضوع زى ما هوا غيرت الميكانيكى وفى الاخر روحت لواحد بتاع فرامل بس قالى ده عيب ماستر عمومى سالت عليه قالى كورى اصلى ب 450 وكمان الطنابير قدام فيه رجه خفيفه محدش عارف سعر الماستر استيراد بكام ؟؟؟ والطنابير قدام جديده بكام واستيراد بكام؟؟؟

أنا بيتهيألى ان فرامل السيفيا فيها حاجة لانى برضو لازم كل شوية اروح ارجلشها غير كده بيبقى ادائها سىء جدا بالذات الخلفية لدرجة انى ببقى رافع الهاند بريك وبلاقيها ممكن تتزق عادى جدا ولما سألت لقيت كذا حد عنده نفس المشكلة ....علشان كده بدل ما كنت ناوى اغير طقم التيل كله امامى وخلفى فقررت إن شاء الله اعدل الفرامل الخلفى من حلل لسكاكين اللى هى بتاعة الشوما واجيب تيل كويس زى الريمسا

**mn_m7** · 14-08-2012 03:55 PM

المشاركة الأصلية كتبت بواسطة Ahmed_Ramadan

العربية عملت عندى الحركة ديه مرتين اليومين اللى فاتو (العربية مانوال) أنا قولت حساس أيدل محتاج يتنضف و لا حاجة بس كده هكشف على موتور طلمبة البنزين

انا اسف على التأخير بص يا باشا انا روحت لميكانيكى اعرفه وبص على العربية واشتريت موتور طرمبة بنزين جديد وبردوه العيب هو هو روحنا وكشفنا على العربية كمبيوتر وطلع ان حساس الشكمان

هو اللى كان عامل المشاكل دية كلها نزلت اشتريتة من ش دمشق لقيت منه نوعين الاصلى بتاعها ب 420 وفى نوع تانى 240 وركبتة وغيرت زيت الفتيس وطلعت جربت العربية تمام والعربيه الحمدلله فاقت اوى واتظبطت

**Ahmed_Ramadan** · 14-08-2012 05:01 PM

المشاركة الأصلية كتبت بواسطة mn_m7

انا اسف على التأخير بص يا باشا انا روحت لميكانيكى اعرفه وبص على العربية واشتريت موتور طرمبة بنزين جديد وبردوه العيب هو هو روحنا وكشفنا على العربية كمبيوتر وطلع ان حساس الشكمان :h_angry[1]: هو اللى كان عامل المشاكل دية كلها نزلت اشتريتة من ش دمشق لقيت منه نوعين الاصلى بتاعها ب 420 وفى نوع تانى 240 وركبتة وغيرت زيت الفتيس وطلعت جربت العربية تمام والعربيه الحمدلله فاقت اوى واتظبطت

ألف مبروك حل المشكلة و لو مكنتش غلطان المفروض إستهلاك البنزين يتظبط معاك..... أنت جبت الأصلى و لا النوع التانى و عملت سكان على العربية بالكمبيوتر فين ؟؟؟

**SPY123** · 14-08-2012 05:22 PM

المشاركة الأصلية كتبت بواسطة أحمد الجندى

أنا بيتهيألى ان فرامل السيفيا فيها حاجة لانى برضو لازم كل شوية اروح ارجلشها غير كده بيبقى ادائها سىء جدا بالذات الخلفية لدرجة انى ببقى رافع الهاند بريك وبلاقيها ممكن تتزق عادى جدا ولما سألت لقيت كذا حد عنده نفس المشكلة ....علشان كده بدل ما كنت ناوى اغير طقم التيل كله امامى وخلفى فقررت إن شاء الله اعدل الفرامل الخلفى من حلل لسكاكين اللى هى بتاعة الشوما واجيب تيل كويس زى الريمسا

انا عندى ورا سكاكين وبرده نفس المشكله الهاند بتضعف بعد اسبوع من اخر مره خدت فيها هوا

**mn_m7** · 14-08-2012 05:50 PM

المشاركة الأصلية كتبت بواسطة ahmed_ramadan

ألف مبروك حل المشكلة و لو مكنتش غلطان المفروض إستهلاك البنزين يتظبط معاك..... أنت جبت الأصلى و لا النوع التانى و عملت سكان على العربية بالكمبيوتر فين ؟؟؟

انا جبت الاصلى بتاعها 400 من نافع اللى فى شارع دمشق
وكشفت على العربية عند واحد قريب من قسم عين شمس وكانت لمبة الشيك بتنور وتطفى .
ولما روحتلة اول مرة كانت اللمبة مش منورة وقال بنسبة 90% حساس شكمان وقال لازم اجيلة ولمبة التشيك منورة علشان يتأكد تانى يوم كنت عنده واللمبة كانت منورة واتاكد انه حساس شكمان وخد 30 جنيه
كانت بتسحب بنزين جامد وفعلا البنزين ظبط معايا دلوقتى

**Ahmed_Ramadan** · 14-08-2012 06:26 PM

المشاركة الأصلية كتبت بواسطة spy123

انا عندى ورا سكاكين وبرده نفس المشكله الهاند بتضعف بعد اسبوع من اخر مره خدت فيها هوا

عملت إيه فى موضوع التكييف و الكويل ؟؟

**dobe66** · 14-08-2012 07:31 PM

المشاركة الأصلية كتبت بواسطة eldmrane

عايز انزل اجيب فونيس كيا شوما كلة نصحني ابعد عن الجديد عشان صيني وبيتعب بسرعة بعتهم يتلمعو ومش عجبني بصرحة انا سمعت انهم عند ابو ادهم ب400 جنية الكلام دة صح ولا لاء ولا في سعر قليل عند حد تاني عشان نازل اجيب بكرة والموضوع دة قرفني مش بشوف بالعربية بجد

امامى ولا خلفى علشان انا عاوز اجيب امامى برضو بس مستنى الفلوس علشان انا عندى اليمين مكسور وبقالى 7 شهور ماشى بالنور العالى بس وياريت لو حضرتك نزلت اشتريت تسالى على دراع النور بكام وشكرا

**SPY123** · 15-08-2012 03:06 AM

المشاركة الأصلية كتبت بواسطة ahmed_ramadan

عملت إيه فى موضوع التكييف و الكويل ؟؟

حبيب قلبى الله صديق عمرى السيفياوى يا ابو حميد ....مافيش انا نفضت قولت اتقل لبعد العيد وطلعلى حوار الماستر العمومى والدنيا مخبطه الحمد لله على كل شيء المهم انت عامل ايه واخبار عربيتك ايه ؟

**Ahmed_Ramadan** · 15-08-2012 09:11 AM

المشاركة الأصلية كتبت بواسطة spy123

حبيب قلبى الله صديق عمرى السيفياوى يا ابو حميد ....مافيش انا نفضت قولت اتقل لبعد العيد وطلعلى حوار الماستر العمومى والدنيا مخبطه الحمد لله على كل شيء المهم انت عامل ايه واخبار عربيتك ايه ؟

أنا الحمد لله تمام ....إحتمال بعد العيد أظبط التكييف و أصلح التابلوه هبقا أقول هنا على التفاصيل بإذن الله و ربنا يكرم و ميطلعش حاجة كده و لا كده

الموضوع: رابطة الوحوش ملاك السيفيا (ج3)

LinkBack

أدوات الموضوع

عرض

-

-

-

-

-

المواضيع المتشابهه

رابطة ملاك الكارينز

رابطة الوحوش ملاك الافيو

رابطة الوحوش ملاك السيفيا (ج2)

رابطة الوحوش ملاك السيفيا....الجزء الاول

الى رابطة وحوش السيفيا الحقونى

الكلمات الدلالية لهذا الموضوع

المفضلات

المفضلات

ضوابط المشاركة