صوت موتور الكيا سيراتو 2010

**moha4tec** · 28-04-2012 11:15 PM

المشاركة الأصلية كتبت بواسطة temo85

صوت التكتكة فى الجراج ده اللى هو بيكون عامل زى صوت العربيات الديزل بس على أخف طبعا بيبان اوى فى الجراج و انت قافل كل الازاز كمان قرب ودنك عند الكاسيت هتسمعه اوضح...ده حله تنظيف البوابه كويس اوى عشان فى السلانسيه البوابه بتكون قافله و الهوا بيدخل من حواليها اللى هو بيكون متوسخ و مكربن فالحساس بيدى امر ان البوابه تفتح عشان الهوا يدخل عشان غير كده العربيه هتبطل فالبوابه بتفتح شويه عشان تدخل الهوا عشان تحافظ على نسبة خليط البنزين مع الهوا فالصوت ده نتيجة لفتح و قفل البوابة..فى فديوهات كتير على اليوتيوب بتشرح الموضوع ده
بالنسبة لموضوع التكييف فطبيعى يكون صوته ملحوظ عند اول لقطه بسسسسس و بيحصل معاها رجه خفيفه فى العربيه نتيجه حمل التكييف على المحرك لكن بعد كده لكن لو بتحس بيه فى الفصل و اللقط بعد اول لقطة يبقى الكباس خشن و عاوز يتغيير سعرة فى التوكيل 4500 بدون تركيب :) و بالمناسبه انا قريت فى احد المنتديات الخليجية ان بلاش تشغل التكييف و العربيه على السلانسيه شغله بعد التعشيق و الحركة مابين سرعه 20 الى 40 عشان تحت ال20 بيكون حمل على المحرك و بعد ال40 ممكن الكلتش يبوظ عشان الrpm بيكون عالى والله أعلم

الكلام ده 10/10
و مظبوط جدا جدا و صحيح
و تسلم على المعلومات الصحيحه القيمه .

**ashouhdy** · 29-04-2012 06:32 PM

المشاركة الأصلية كتبت بواسطة moha4tec

الكلام ده 10/10
و مظبوط جدا جدا و صحيح
و تسلم على المعلومات الصحيحه القيمه .

لا مش صحيح للاسف :)

لأن وانت ماشى عادى حتى على 180 الكمبريسور بيفصل ويرجع يحمل تانى وانت على اى rpm !!!

**moha4tec** · 29-04-2012 07:51 PM

المشاركة الأصلية كتبت بواسطة ashouhdy

لا مش صحيح للاسف :)

لأن وانت ماشى عادى حتى على 180 الكمبريسور بيفصل ويرجع يحمل تانى وانت على اى rpm !!!

حضرتك الكلام ده على السيراتو لانها ممكن تعمل مشكله لو معملتش كده
و للمعلومه:المعلومات دى تعبنا جامد عشان نعرفها .
و عموما انا كنت قرات قبل كده فى موضوع ان انت فعلا متشغلش التكييف بعد ما تعدى ال 40 كم/ساعه .لازم قبله عشان ميبوظش حجات مع الوقت
و لكن انت لو شغلته على اى سرعه مش هيقول لا
جرب تقف فى الجراج و تمور و على ار بى ام عالى 5 مثلا و مره وحده تشغل التكييف .
هتتخض خضة عمرك بجد
و الكلام ده كله احتياطات عشان الكمبروسيور ميعلاش صوته او يبوظ مع الوقت