الحمد لله الذي بنعمته تتم الصالحات
حقيقي بشكر كل واحد حضر المقابلة وكل واحد تعب فيها (تعب تنسيق مش اكل يا شنوري :-)
بشكر اخواتنا احمد مشعل ويوسف مشعل لانهم جزء من نايل موتورز ومعا باذن الله من نجاح لاخر دايما
شخص افتقدناه جميعا في مقابلاتنا والدة شنوري ربنا يقومها بالسلامة وترجع تنور مقابلتنا
افتقدنا كل اللي منعه سفر او ظروف من الحضور
وعتاب على كل اللي كان يقدر يجي وحرم نفسه وحرمنا من ذكريات عطرة بتدوم كتير في قلوب الواحد
مقابلات نايل موتورز مش مجرد مقابلات
دي ذكريات بتتحفر في القلب والعقل وبيدوم منها ذكرى طيبة عطرة تخلي الواحد يبتسم ويفرح في اوقات الضغوط العنيفة
حقيقي انا لما بكون متضايق جدا بفتح الصور دي واشوف لحظات عدت على الواحد تعب فيها جدا لكن كان مقابلها ذكريات طيبة بتدوم
طبعا كل الشكر لنادر ومدام سما وزوجها على حضورة من اسكندرية واحمد مصطفي الجندي المجهول معايا اللي مطلع عينه في كل حاجة وتاعبة جدا طلبات ومشاوير
وشكرا لكل شخص حضر المقابلة ونورني
ويا رب يكون الاكل والتنظيم المتواضع بتاعي عجبكم
وان شاء الله نشوفكم على خير في مقابلة التانية الرسمية للمنتدي في افطار رمضان 2012 كمان كام شهر
كل عام وانتم دايما بخير
اخوكم في الله
كريم منير
رئيس مجلس الادارة