طبعاً انا مكفر سيئاتها اول باول
بس الأسبوع اللى فات ده كان عجيب حبتين
مروح بالليل لقيت العربية سخنت
نزلت لاقيت المية طالعه من المانفول عند نقطه تجميع الخرطومين الرفيعين
يمين شمال
لقيتها متاكله
ادور على خرطوم طويل مش لاقى
كله قصير
جبت لقمة من العده و عملتها كوبرى
اشتغلت لغاية المريوطية و ضربت
ريحت دماغى و رحت قافل الخرطوم من الناحيتين لغاية ما اروح البيت
و انا ماشى لقيت بتاع قطع غيار توكتوك
خدت منه خرطوم زباله ب 8 جنيه و اول ما روحت البيت ركبته
و لغاية ما اجيب خرطوم نضيف و خلاص

النهارده راجع من الشقه و نزلت من الدائرى و فوق كوبرى المللك الصالح
درجة الحرارة ماشية لوحدها
وصلت 95 وقفت فوق الكوبرى
و نزلت
لقيت الحرطوم اللى مدى للرياديتر من ترموستات الكوعه مقطوع من عند ترموستات الكوعه
دورت على القطع لغاية ما لقيته
و قصيت
وكان ستر ربك
انها لو قصرت سنتى واحد كمان
كنت هالبس فى الحيطه
وصلته بالعافية و على الطرف و سبت العربية تنزل الكوبرى و انا مبطل لغاية ما نزلت
لقيت بتاع كاوتش ادانى جركن ميه
زودت
دارت المراوح
رحت مشوارى و رجعت البيت و بعدين رحت المعادى و رجعت البيت
و لسه نازل المكتب و طبعاً ملقتشى حد عنده الخراطيم دى جنبى

و طبعاً من اسبوع كان الماف تعيش انت و حاولت اظبطه و ربنا ستره و اتظبط

هما اليومين دول سايق الهبل و ربنا يستر