طبعا عمليات السرقه شغال من ساعة مالثوره قامت والانتظار ياما بيعلق ياما مش شغال ياما غالي وتكلفته مش مع كل الناس...فكرت كتير في فكره عشان احافظ علي العربيه من السرقه لحد مافتكرت اني زمان في عربيتي القديم مره وقفت مني ومارتدش تدور ولما جبت الكهربائي قالي دي فيشت الكونتكت..فانا قولت ليه ماعملش مفتاح للكونتاكنت مع المفتاح بتاع العربيه
بمعني
انك تجيب مفتاح تكه واحده ومتر سلك واحد ميلي وتحط المفتاح ده في حته مخفيه تحت التابلوه او اين كان مكان يكون سهل علي ايدك انها تطوله بسهوله وفي نفس الوقت مش باين خالص ومحدش هيعرف يوصلو غيرك(خلي بالك ماتروحش تقول لحد من اصحابك علي مكانه) محدش عارف ممكن يحصل ايه؟؟المهم انا ماعرفش التوصيله بالظبط بس انت قول للكهربائي عاوز اعمل مفتاح للكونتكت(ويكون الكهربائي امين) وتفهمو الفكره وهو هيقوم بالباقي..انا عملت التجربه دي بالفعل مش هتكلفك هي 5 جنيه مفتاح وسلك ونقول 5 جنيه للصنيعي وتحافظ علي عربيتك ..انا قولت زي مابستفاد من المنتدي لازم افيد الناس وربنا يقدرنا علي فعل الخير واسف علي االايطاله