الوجان ضد السرقه

**yahiazakaria** · 08-09-2011 03:13 PM

السلام عليكم

عندي خبر كويس ممكن ناس تكون تعرفه وناس لا

طبعا اليومين دول فيه سرقه بالهبل قلت اروح التوفيقيه وركب كتاوت لاني مركب انظار للعربيه

المهم اتفجات لما الكهربائي قلي مينفعش ؟!

ليه ؟ قالي عربيتك مفتحها مشفر وعمرها ما تشتغل الا بيه قلتله قديمه انا قصدي لو فك الكونتاكت و وصل الاسلاك مع بعضها كده هتشتغل قالي لا

انت متاكد ؟ قالي اه

كنت في التوكيل امبارح وسالت نفس السؤال ؟

اكدولي لايمكن تشتغل

قلت الحمد لله اني جبت لوجي

لان عندي عربيتين اتسرقوا من تحت البيت فكنت في حاله وحشه لان عربيتي عليها اقساط وقلت شكل الدور قرب عليا

اسف علي الطاله

والسلام عليكم

**hragheb007** · 08-09-2011 03:31 PM

كلام جميل تسلم يا باشا

يعني الإيموبلايزر ده طلع جامد

**kashtoot** · 08-09-2011 04:29 PM

المشاركة الأصلية كتبت بواسطة hragheb007

كلام جميل تسلم يا باشا

يعني الإيموبلايزر ده طلع جامد

طبعا هو نظام جامد جدا و أمان أكتر و ربنا يسترها علينا و على عربيات الناس

**gebreel** · 09-09-2011 01:24 AM

يا جماعة ايه فكرة عمل الاموبيليزر؟

المفروض كل عربية ليها كود مختلف عن الثانية ,و الكود ده بيبقى موجود على كومبيوتر العربية الecu

لما تيجي تدخل المفتاح في الكونتاكت و تعمل اول تكة المفتاح بيقول للكومبيتر كوده ايه

الكومبيوتر بيراجع الكود ده لو مظبوط ولا لأ

لو مظبوط العربية هتدور لو لأ هتدور لحظة و احدة و بعدين تطفي ده ان دارت من اصلو لأنها مش هتدي كهرباء للطرمبة بتاعة البنزين علشان تدور

و ده فيديو بيبين القصة دي على الحقيقة في هوندا سيفيك

[youtube]http://www.youtube.com/watch?v=BUpsSk_7zwQ[/youtube]

**asimo** · 09-09-2011 11:05 AM

نعم فجميع السيارات الفرنسية بها مانع سرقة وانا عارف ده من اول يوم شراء للسيارة وكنت فاكرة شى من الرفاهية لكن بعد الثورة يستحيل على الحرامية التفكير بالسيارات الرينو

**yasserelsayad** · 09-09-2011 11:40 AM

خلى بالك باردوا اى عربية ممكن تتسرق ياما عربيات بى ام ومرسيدس اتسرقوا اخرهم عربية صديق والدى bmw 525 اتخدت من تحت بيته ...

المشاركة الأصلية كتبت بواسطة ayman1204

اللوجان من الامان التام لضد السرفة لنظام الايمبوليزر

عكس السيراتوا اللى نزلت بدون ايمبوليزر

السيراتو فيها ايمبوليزر طبعا بس مش فى كل الفئات

**Xlance2010** · 10-09-2011 12:50 PM

بمناسبة الايموبيلايز : حصل معايا مرة انى حليت نور الصالون وخلعت اللمبة لما كان عندى مشكلة فى نور الصالون اللى بيعلق على طول ، المهم وخرجت بره العربية شوية والمفتاح فى جيبى ورجعت ركبت اللمبة وحطيت نور الصالون مكانه وجيت اجرب ، انوار العربية كلها مش شغالة المهم ، طلعت فوق العربية ونزلت تحتها وبصيت على البطارية ولفيت حولين نفسى علشان يشتغل النور وإلا أبدا ، المهم استهديت بالله وحطيت المفتاح وقلت اشغل العربية واول ماحطيت المفتاح وكل حاجة رجعت لطبيعتها تانى ،
الموضوع ده جننى بصراحة ورحت لكهربائى صاحبى ، وكان المفاجأة ان الايموبيلايزر مش حماية بس انما بيحس بأى تدخل أو تلاعب فى الضفيرة وبيمنع الكهرباء عن العربية كلها وبكده تتحول لكوم حديد ولا مفر امام اى حرامى من رفع السيارة بالكامل على ونش لنقلها لأى مكان
ودى مزايا رهيبة طبعا للايموبلايزر افضل من اى انذار حيث ان وظيفة الانذار لتتعدى اصدار اصوات او اضواء وبالكتير يمنع الكونتاكت من العمل ولكن اى لص له خبرة بسيطة يستطيع ادارة السيارة عن طريق كوبرى خارجى
وفى النهاية الله هو الستير والحمد لله على اللوجان ومزاياها الكثيرة

ولكم ارق تحية
اسمى اسفل مشاركتى

**Moustafa.yonis** · 25-09-2011 06:14 PM

الكلام ده ساري لكل انواع الرينو

يعني لوجان 2012 هاف اوبشن فيها النظام ده

انا جبت قفل الدركسيون للامان

وبفكر في الانذار

بس بيقولوا مشاكله كتيره

لكن بكلامك ده يبقي الانذار ملهوش لازمه

-

-

الموضوع: الوجان ضد السرقه

LinkBack

أدوات الموضوع

عرض

-

-

-

-

المواضيع المتشابهه

ايه رائيكم في الوجان

إضائة الوجان

دركسيون الوجان

ترخيص الوجان

اين تقييم الوجان ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة