طبعا كتير من الاعضاء كانوا سمعوا شكوتي من كتر زبط الزوايا و عومان العربيه الي كنت بشتكي منه و طبعا انا كنت خلاص جبت اخري
و في يوم من الايام كنت قاعد مع وليد عادل و اشتكيتله من اني حاسس بحاجه في العربيه ايه مش عارف احددها من كتر ما لفيت و زهقت
و طلبت منه انه يجرب العربيه المهم وليد خد العربيه يجربها و جالي وشه مقلوب و قالي انا كنت هالبس في ملف و العربيه دي فيها مشكله في علبة الدركسيون و مش بتحود و في بوش جامد
و أتاكدت ان مشكلة عربيتي من الاول ان العلبه كانت بايظه خالص من يوم ما استلمتها حتى قبل صيانه ال 1000 كنت بسمع تخبيط جامد جدا في علبة الدركسيون و انا كنت فاكر ان الصني كده و كنت ماشي على كده و كنت فاكر انها مشكلة زوايا
المهم اتصلت تاني يوم بعمده القسم احمد مصطفى و كلمته و انا متردد لاني عارف انه الفتره الي فاتت طلع عينه في اخر مقابله و كان اليوم الي قبل عيد ميلاد المنتدى و كان مشغول جدا بس انا مكنتش عارف اتصرف
حكيتله على الي حصل و الصراحه و كالعاده عمل اتصالاته الموسعه و قالي احجز يوم السبت في اوتوايجبت و هما هايتصرفوا
روحت الصبح الساعه 10 لقيت الدنيا متزبطه و قابلت مهندس احمد الرزاز مدير الصيانه و هو مهندس خلوق و محترم و متفهم جدا و سمع كل شكوتي و وجهني لمهندس احمد اسماعيل الي طلع يتاكد من شكوتي و ما شاء الله من اول ملف مهندس احمد قالي العلبه دي هاتتغير مش نافعه و كان مستغرب انا كنت ماشي بالعربيه دي ازاي
اما رجعت لقيت المفاجأه عمده القسم احمد مصطفى جه يطمن عليا بنفسه مع انه اعتذر فى التليفون وقالى انه تعبان ومع ذلك فجأنى وجالى مخصوص
و على الساعه 2:30 كلموني قالولي العربيه خلصت و لقوا كمان ان صوت الكلاكس وحش وغيرولي فردتين الكلاكس و كان عندي باكته قايم مفكوكه ركبوهالي
انا طبعا مش عارف اقول ايه على المعامله الجميله لاوتو ايجبت الي بجد ابتدت ترجعلي الثقه في نيسان تاني و احب اشكر المهندس مدير الصيانه احمد الرزاز لانه لم يتردد في تغيير قطعه تالفه على حساب الضمان
و كمان بشكر المهندس اسماعيل الي طلع جرب معايا و حس بكل حاجه في العربيه يمكن في حاجات انا نفسي محستهاش وفعلا انسان محترم وفاهم شغله جدا والاهم انه فاهم فى المكيانيكا كويس جدا وترتاح فى التعامل معاه جداو وكمان بيخاف على عربيتك اكنها عربيته
و طبعا احب اشكر كمان وليد عادل لانه اكتر من صديق و اخ لتعبه معايا وحاول يساعدني في تحديد مشكله انا طلع عيني على اما اعرفها
و كمان احب اشكر كمان العمده الكبير اوي منسق القسم احمد مصطفى الي بعتبره اكتر من صديق واخ ليا قبل اي شيئ و طبعا مش عارف بجد اوفي جمايله عليا ازاي و تعبه معايا واهتمامه اللى من القلب ولله
المفضلات