عضو جديد معاكم فى القسم و محتاج استشارة

**Egy_fan** · 22-04-2012 01:12 PM

السلام عليكم. الحمد لله ربنا كرمنى و اشتريت لانسر 2007 بومه ماشيه 60 الف كم. و عايز اراء الخبراء فى اكتر من حاجه:
1- عايز مكان اكشف فيه على الزيوت و السيور او العربيه كلها و لو ينفع بعد الساعه 5 مساءا
2- لما فولت العربيه بسمع صوت سائل بيتحرك وراى و كأنى بسمع صوت البنزين فى التنك. لما التنك بقى نصه فاضى الصوت اختفى
3- انا ركبت انذار spy و شغلت خاصيه فصل الكهربا عن العربيه. هل حد جرب الموضوع ده قبل كده و كويس و لا بيعمل مشاكل و الغيه احسن
4- للاسف صفاره 120 مش شغاله. اشغلها ازاى
5- فى كم لمبه فى فاصله فى التابلوه. هل تغيرهم سهل

انا طولت عليكم اوى. ربنا يجازيكم كل خير

**mohammedabdallh** · 22-04-2012 01:18 PM

الف مبروك يا كبير
وربنا يبعد عنك شرها وشر الطريق
ملاك البومه ان شاء الله يخشوا يفدوك اكتر منى

**civilpharaoh** · 22-04-2012 06:24 PM

الف مبروك ربنا يباركلك فيها.بص يا باشا بما انك ساكن في الهرم في مركز صيانة في شارع فيصل اسمه توب جير و هو عامل اعلان هنا في المنتدي و صاحبه المهندس محمد راجل محترم و اهم حاجة انه فاهم هو بيعمل ايه وعن تجربة ممكن يكشفلك علي العربية و الزيت و السيور و ممكن لو انت عايز يكشفلك بالكمبيوتر علي العربية دا بالنسبة للميكانيكا بس بالنسبة للكهرباء معرفش بيشتغل فيها ولا ممكن يدلك علي كهربائي و في كهربائي كويس بس دا في شارع معروف اسمه سرندينوس ممكن يظبتلك انوار التابلوه.لو عربيتك وكيل فهي مفيهاش صفارة ال120 انما لو عربيتك خليجي هتلاقي فيشة الصفارة تحت كرسي السواق اتاكد منها او. شوف الفيوز بتعها.يا رب اكون قدرت افيدك

**Egy_fan** · 22-04-2012 11:34 PM

يا باشا اجابتك وافيه و كافيه وجزاك الله كل خير بس بصراحه انت صدمتنى بموضوع الصفاره ده. انا فعلا عربيتى وكيل
انا فى انتظار باقى الاعضاء يفيدونى فى باقى النقاط
و شكرا للجميع

**nonnos5** · 22-04-2012 11:59 PM

فعلا لو عربيتك وكيل مفهاش الصفارة ودى ميزة مش عيب الصفارة دى مزعجة وبتعصب
بالنسبة للانوار التابلوة ممكن تغيرهم بنفسك سهلين جدا لو انت ليك فى الحاجات دى وبتحب تعمل الحاجة بنفسك لو مالكش خبرة بلاش

**Egy_fan** · 23-04-2012 12:54 AM

لأ مليش خبرة فى الانوار. انا خبرتى فى حاجات تانيه. طيب فى حد بيسمع صوت البنزين فى التنك لما يفول العربيه؟؟؟؟

**civilpharaoh** · 23-04-2012 09:18 AM

صوت الصفارة مزعج اوي فعلا و ينرفز و اصحابي الي عندهم بيفصلو الفيشة بتاعت الصفارة.صوت البنزين في التنك طبيعي بيروح لما تمشي شوية متشغلش بالك بيه.لو انت ملكش خبرة في الكهرباء بلاش تلعب فينور التابلوة روح لكهربائي احسن

**Egy_fan** · 23-04-2012 02:37 PM

خلاص انا اقتنعت ان من غير صفارة احسن بس غريبه اوى موضوع صوت البنزين ده لأن اخويا معاه نفس العربيه بس خليجى و مش موجود عنده خالص بس مدام الصوت طبيعى انا مش هحطه فى دماغى
موضوع اللمبات ده انا هأجله لغايه ملاقى كهربائى كويس و مش هفتى فيه
شكرا للتعاون يا شباب و ربنا يبارك لكم