الموضوع: فيها ايه يعني لو حطيت زيت تعاون

المشاركة الأصلية كتبت بواسطة dr.hazem

معلش يا سمسم انا معترض على موضوع ان الزيت بيتجمد تحت 20 دي....
مبدئيا اختيار الزيت بيععمد على كذا حاجة..
اولهم الكتالوج بيقول ايه؟
ثانيهم الجو اخباره ايه؟ الحر بيحتاج زيت يتحمل والبرد بيحتاج زيت خفيف وده طبعا متوفر في التخليقي...
ثالثا تصميم الماتور وده عامل مهم جدا...
مثلا ماتور الماروتي مفيش فيه خلوصات ضيقه ولت كتير ماتور بدائي كتالوجها بينصح بال 20w50 لانه معندوش مضاكل لا في سريان ولا هم وفنفس الوقت بيطلع حراره عالية بتحتاج زيت بلزوجه عاليه...
بينما مثلا فورد اكسبلورر ومع أنها كانت 4000 سي سي و6سلندر ومش هقولك ع الحرارة اللي بتطلع منها الا انها بيتحطلها 5w30 وده لان تصميم ماتورها محتاج زيت خفيف زي ده...
كل المعايير دي لا ينطبق عليها حكاية التجمد دي :-D
ههههههههههههههههه
تحياتي

Sent from my SE Arc S using Forum Runner

طيب حلو اوى الكلام دة , وفعلا كل عربية وليها درجة لزوجة خاصة بيها , بس بيعتمد على اية ووفقا على اية ؟ على كذا حاجة زى :

1- اداء المحرك

2- عمر المحرك

3- طبيعة الجو اللى انت فية ( تلج - درجة حرارة قليلة - درجة حرارة مرتفعة )

4- اسلوب القيادة

كل دة انت بتحدد علية نوع الزيت اللى بيوافق كل المذكور عالية

- نيجى بقى لنقطة ال 20w : ودية معناها ان درجة لزوجة الزيت بتكون 20 عند درجة حرارة 0 مئوية

وبكدة هتلاقى العربية وقت التشغيل فى الصباح فى حالة درجات الحرارة المنخفضة درجة صوت المحرك عالى لان سريان الزيت بيتم بصورة بطيئة معتمدا على سخونة المحرك فى انة يقدر يتخلخل بداخل اجزاء المحرك , لكن مش عن طريق ميزة موجودة فى الزيت ان يقدر يوصل لاجزاء المحرك بسرعة

دة المقصود هنا من الدرجة دية

- فية بقى الجزء التانى من اللزوجة وهو 50 : ودة معناة ان الزيت دة درجتة 50 عند درجة حرارة 100 مئوية

ودة طبعا مهم للاجواء اللى جوها حر بطبيعتها عشان بيبقى قليل التبخر فى الصيف لكن غير فعال فى الشتاء او الاجواء البرد اوى

لما ahmed_ezzat اتكلم على عربيتة النوبيرا , انا قولتلة دة بناء على عربيتة , لان 20W-50 دة غير مناسب لسيارتة تماما , لان افضل لزوجة لسيارتة ( 10w-40 ) ودة اللى هيمشى معاة فى جميع الظروف ( برد - صيف - قرص - مشى طبيعى ) شغال فى كلة

وبالنسبة لعربيتك ياباشا : هو ناصح فى الكتالوج عندك ل50 ودة راجع لحاجة ان محرك الماروتى 800 س سى يعنى لازم تقوم بالضغط زيادة على المحرك عشان تلاقى السحب المعقول وطبعا دة بينجم عنة درجة حرارة اعلى

notes :

وبردة عشان تبقوا عارفين حاجة : ان اى زيت هتلاقوا فية الارقام عالية دة معناة ان الزيت درجة احتكاكة اعلى من الزيت اللى بتكون درجتة اقل

يعنى مثلا 15W احتكاكة اقل من زيت درجة لزوجتة 20w

كمان الفرق مابين الاتنين ان كل مالرقم بقى اعلى اصبح الزيت سريانة اقل فى المحرك بعكس الزيت اللى رقم اللزوجة فية اقل بيكون سريع السريان