الموضوع: واحد صاحبي بعد 3 شهور جواز هههههههههههههههه

المشاركة الأصلية كتبت بواسطة me_medoo

ااااااااالله اتلم شنوري على اسكرين موفي. هتعقدو الشباب من الجواز يافندم انتا وهو الجواز مش كده خالص الموضوع مش انك تلاقي وحده تطبخلك او وحده تكويلك هدومك ماهو انا اهو ربنا يخليلنا الدلفري. ويطول عمر المكوجي ههههه الحواز يابشوات ملهوش علاقه بالكلام ده خالص ولا ليه علاقه بالخلفه او انك تلاقي وحده نايمه جمبك وخلاص
لكن الجواز ياسيدي. مسؤوليه كل انسان بيبقى مسؤول عن. انسان بمعنى ، هيا شراكة في تحمل المسؤولية والواجبات ، وانا اهو راجل وملو هدومي وبقول قدام كل العالم اني بغسل المواعين وعلى قلبي زي العسل لمن اغسل الكوباية الي شرب فيها ابني ولا الطبق الي كلت فيها بنتي وعلى قد قرفهم. ببقى سعيد وانا بغيرلهم حتى الملايه الي بينامو عليها وكل واحد عملي عليها فطيرررة قاااااااااااد كده كمان ، رسولنا الكريم قال في معناه خيركم خيره لاهله
صدقوني ياشباب في اوقات محدش بيبقى فاضي لحد. والوحده صعبة انا مرت عليا ايام كنت ببقى عيان. ومرضان ومش لاقي حد حتى يناولني حبت الدوى او يحطلي كمادات تلج على جبيني البني ادم في طبعو دايماً محتاج حد يساعدو. من اول ماينولد. لغايت مايموت محتاج حد يدفنو ومن اول ما ينولد فكركم المرأة بتقدر تولد لوحدها مستحيل. لان الطفل بيبقى محشور حشرة مايعلم بيها غير ربنا فانتا كانسان محتاج يكون ليك. انسان يساعدك في كل شيء
ومعقتدش حد ممكن يشيل قرفك او يستحمل عياك غير مراتك. الي بتالي محدش يقدر يشيل قرفها ولا يستحملها غير جوزها لذلك فالزواج مهم جداً جداً. اهم من الاكل والشرب والحياة ذات نفسها
صدقوني الوحده اصعب ما يكون للانسان واصعب شيء ان الانسان يعيش وحيد وحتى اصحابكم الي بتشوفوهم وتقابلوهم كل يوم مش دايمين ليكم تعاله يخطر على بالك تطلع في اي وقت واتصل على اي حد من اصحابك هيقولك مش فاضي تعاله اتصل على مراتك وشوف هتقولك ايه ؟ فلذلك في القران ياسيدي بما معناه لاني بخطء في الاملاء والحفظ بيقولك وصاحبته وبنيه لكل امرءٍ يومئذن شئن يغنيه فالله عز وجل قال الزوجة هي الصاحبة. الي بتصحبك فين ماكنت وحد يطول يكون عندو صاحبة في الحلال ويقول لأ. انا عوز بس اصحاب رجالة ههههه. يأخي ده برضو اللمسة الاؤنثوية في اي شيء ليها نكهة. في بالك تكون اللمسة دي على حياتك وتحياتي ليكم يا عزاااااب هههههههههه

كلامك سليم بس بالله عليك عاجبك البنات بتوع اليومين دول ؟ انا مش هتكلم عن شكلهم انا بتكلم عن طباعهم فهل عاجبك تناكتهم ؟ هل عاجبك مغالاه الاهالي في الطلبات و لا كأنك رايح تخطب ناديا جورلين ؟ عاجبك الحياه في البلد دي اساسا وسط الظروف دي ؟

المشاركة الأصلية كتبت بواسطة islam.3bada

مرة واحد زهقان من نفسه فقرر ينزل يتمشى على البحر شوية
وهو بيتمشى لقى ازازة ففتحها . طلعله عفريت
قاله: شوبيك لوبيك تطلب ايه ؟؟

فقاله : ابوس ايدك انا خاطب بقالى 5 سنين ومش عارف اتجوز , معنديش شقة ... انا عايز شقة
راح العفريت ضاربه بالقلم وقاله: يا غبى
هو انا لو كنت لاقى شقة كنت نمت فى الازازة السنين دى كلها

ههههههههههههههههههههههههه ههههههههههههه

المشاركة الأصلية كتبت بواسطة me_medoo

هههههههههه حلوة هفقد رصيدي وسط العزاب دي ههههههه
حبيب قلبي يا شنوري باشا طيب اقولك على حاجة بس متضحكش عليا ، سبب الزوجات الفاشلة دي نتيجة. شيئين يا اما مسائل مادية يا اما عدم تفاهم ، انا ممكن اقولك ان سبب عدم التفاهم نتيجة اختلاف الطباع والصفات في الابراج ، بمعنى مش انتا احياناً تشوف حد تحبو لله في لله ، وناس تانيه بمجرد ما تشوفهم تتخنق منهم ده نتيجة انو واحد بتلاقيه موجب مع موجب او سالب مع سال فبيتنافرو وبيحصل طلاق كمان نفس الشيء الهوائي اذا اتجوز وحده من برج ترابي بيبقى حياتهم عفار في عفار وكزالة لمن المائي بيتجوز ابراج نارية بتلاقي الحياه مشعلله بينهم وكلها خناق في خناق وتوصل للطلاق ، لذلك كتير الي بيتجوزو. بيهتمو بالشكل فقط وينسو حجات كتيرة اهمها هل في تفاهم بينك وبين شريكة الحياة ولا لأ وهل هما راكبين ولايقين على بعض ولا دي في وادي وهو في وادي ومن هنا بتنشء الخلافات الي بتادي للطلاق حتى لو في عيال

علي فكره فعلا موضوع الابراج ده مهم و انا مبستريحش الا اللي من نفس برجي Leo

المشاركة الأصلية كتبت بواسطة shnory

انت مش روحت اخدت منه 100 جنيه ياعم انت ؟؟
حتنكر هنا بقي بعد ما سيحلك ؟

يعني الحق عليا اني بعمل عمل خير ، انا بجمع تبرعات لاطفال الصومال وتبرعات تانيه لجمع تبرعات لتصليح مراكب القراصنة الصوماليين. يعني مبحطش حاجة في جيبي هههههههه