الموضوع: حصريا لنايل موتورز .. أســعار قــطع غيــار الاصلية لنيـسان قـاشــقاى من الوكيل

المشاركة الأصلية كتبت بواسطة hfshaaban

انا كنت فى التوكيل مع واحد قريبى وسالت الفانوس عشان زينون ، البوجيهات بلاتينيوم بتتغير عند 100000 كم المرايا مش عارف بصراحة نسيت بس الاسعار كدة معقولة عشان انا سمعت والله اعلم فانوس السبورتيج وبرضة زينون بس 7500 والانسر شارك 9000 جم

فعلا اعتقد ان الناس فاكرين ان البوجيهات ببتغير كل 30 الف كيلو .. دى بلاتنيوم .. وبتتغير كل 100 الف كيلو .. وبعدين اكيد مختلفة عن التيدا والبلوبيرد لان العربية القاشقاى والجوك .. ماتورها اه زى التيدا بس فى حاجات مختلفة عنهم .. لان القاشقاى والجوك فيهم ديول انجكشن .. وادنيا مختلفة .. فممكن البوجيه فى القاشقاى مختلف عن بوجيهات التيدا

بس على كلامك كدا ان سعر الفانوس فى القاشقاى ارخص بقا من الاسبورتج والشارك

المشاركة الأصلية كتبت بواسطة ahmedhawas

تسلم إيديك يا بوحميد

- أكيد هيكون في حاجات غالية .. لكن ده حال كل توكيلات المحروسة.
- بس still الأسعار معقولة.

- البوجيهات: طالما موتور القاشقاي نفس موتور التيدا .. والتيدا بوجيهات بلاتينيوم ب 450 جنيه بالضريبة.
طيب خلوها ب 700 جنيه .. ليه؟؟ ملهامش عذر غير إنها تكون إيريديوم مثلاً عشان يحطوا السعر ده .. وبصراحة .. أشك.

- المرايات : أعتقد سعر المراية اليمين هو نفس سعر المراية الشمال
يمكن تكون غلطة مطبعية وبدل ما يكتبها "جوز مرايات" كتبها "مرايا يمين"

- الفانوس الأمامي: الواحد ب 5500 جنيه .. أنا مش بدافع عنهم .. أنا نفسي الأسعار ترخص للكل.
بس 5500 ليه؟؟
عشان اللي فيه : عدسة بروجيكتور + وزينون hid أصلي + وموتور auto leveler + والكنترول يونيت بتاعة ال leveler ودي هتلاقيها في الفانوس من تحت.
كلام في سرك .. من سنتين كان فانوس لانسر شارك زينون كامل الواحد ب 6200 جنيه .. وفلتر بنزين ب 860 جنيه .. طبعاً في الرواس.

سعر المرايات صح مش غلطة .. لان فعلا اليمين فيها ماتور والشمال مفهاش .. واعتقد الماتور ده عشان اليمين مجهزة انها ضم .. بس المعلومة مش اكيدة ولما اتاكد منها حقولكم

وبخصوص البوجيهات .. طلع السعر ده للاتوماتيك .. بسبب الديول انجكشن والسى فى تى

لكن القاشقاى المانيول سعر البوجيهات 465 بالضريبة لانهم نفس التيدا والليفينا

وفعلا الفانوس كامل بالزينون .. سعره غالى لانه الاصلى ويابانى

ده انا حبيت اجيب فانوس تيداا فى عدسات ورينجات .. من غير زينون ووصل تمنه الى 2500 جنيه من غير جمارك .. وكمان ايه .. تايوانى

فما بالك بقا سعر فانوس يابانى اصلى كامل .. بالسعر ده

وفعلا زى ما انت قولت ان سعر الشارك اغلى

المشاركة الأصلية كتبت بواسطة peaceman

الف شكر يا ابوحميد علي التقرير الرائع ده و علي تعبك في احضاره من الوكيل و خالص الشكر ايضا الي المهندس هانى فؤاد والاستاذة امنية بتوكيل اوتوايجيبت
انا شايف ان الاسعار في المعقول جدا جدا .. و لا احنا الناس اول مرة تعرف اسعار قطع غيار عربية اكتر من 170000 جنيه ؟؟ متشوفوا اسعار قطع غيار السبورتج مثلا او الجيتا .. اسعار طبيعية في فئة 175000 جنيه

تسلم على تقديرك يا بيشو

وفعلا باييدك فى كلامك

المشاركة الأصلية كتبت بواسطة mahmoud_afifi

مجهود تشكر عليه يا احمد باشا وانتم بتحببوني في العربيه اكتر واكتر.
الاسعار تعتبر معقوله جدا بالنسبه لعربيه لسه نازله وكمان شامله الضريبه.

تسلم على تقديرك يا محمود .. وياريت والله .. يكون لينا الشرف وتجيبها وتنضم للصقور

المشاركة الأصلية كتبت بواسطة mohsunny2009

الف شكر ياأستاذ أحمد على هذا المجهود و المعلومات المفيده
بالنسبه للأسعار فهى متوقعه بالنسبه لفئه السياره لو راجعنا مثيلاتها فى السوق مثل سكودا فانتازيا الفانوس الامامى 4500 بدون الضرائب وكمان السياره لسه جديده فى السوق
فاكيد الاسعار هاتكون مرتفعه فى السنه الاولى على الاقل من نزول السياره
هى المشكله فعلا ان الاجزاء دى الاكثر فى التعرض للتغير مثل الفوانيس و الاكصدامات و المرايات .
اعتقد الفتره اللى جايه ممكن نشوف سيارات قشقاى من غير فوانيس او مرايات و أكيه هانبقى عارفين السبب :c_laugh[1]:

تسلم على تقديرك الغالى .. بالعكس فى الفئة السعرية .. فى لو حضرتك تابعت مشاركات الاعضاء حتلاقى اسعار عربيات اخرى .. اسعارها اغلى بكتيررررر

المشاركة الأصلية كتبت بواسطة koshary

مجهود راائع يا احمد باشا بس فعلا فعلا الاسعار غاليه شوية بس اللى يشترى عربيه ب 175 الف لازم يبقا عامل حسابو على الصيانات دى

تسلم يا محمد على تقديرك .. وفعلا كلامك صح وعين العقل