الموضوع: مشكله سخيفه كتير

الانساااااان دعييييييييف "ايموشن صورة محمود عبد العزيز "

حل جابت الفيس بتاعك منين انت اكيد كاتب رقم موبيلك على الفيس او على النت

بخصوص ازاي تفك من الحوار ده ملوش غير حل واحد من تلات حلول لان واضح ان البت متعلقه بيك بزيادة

اول حل : سياسة التنفيض مش هتجيب نتيجه وممكن تقلب بمشكلها ابسطها انك ممكن تلاقيها عندك فى البيت وقاعده مع والدتك وتحكيلها حوار صدقا او كذبا - خصوصا انها عارفه بيتك - ودي مشكله كبيره فى حد ذاتها

ثاني حل : لو حاولت انك تفتعل مشكله ممكن هيا تحتويها وحتى لو قفشت شوية ممكن ترجع وتكلمك تانى

يبقى كده مقدمناش الا الطريق الطويل ثالت حل وده ان شاء الله ديما بيجيب نتيجة فعاله وهوا بختصار انك تخليها هيا الى تبعد عنك
شوف كل الصفات الى هيا بتحبها فيك وحاول تحسسها ان طبيعتك غير كده
مثلا زي مانت حكيت ان اول حاجه شدتها ليك انها شافت فيك الشهامة - اعتقد ده راجع ان عندها مشكله فى البيت ومش حاسه بالامان فيه وده الى مخليها تتمسك بيك بالصورة المبالغ فيها دي - المهم حاول تبين لها انك غير كده خالص
ممكن تقولها انك كنت اساسا تعرف الواد ده من زمان وانك اتلككت بيها عشان تتخانق معاه وانك كنت معتمد على صحابك الى كانو جايين وراك انهم يجو يتخانقو معاك لكن لما شافوك من بعيد خلعو وسابوك تنضرب لوحدك عشان يردولك جزء من حركات النداله الى انت عملتها معاهم قبل كده " اخترع اى حوار"
عايزك تحسسها انك ندل وبتبيع اى حد

لو كنت قولتلها انكم مرتاحين ماديا قلها انكم اساسا مش كده وانك عايش على النصب على الناس وبخصوص الساعة الى انت بعتهالي معلش ياريت تسمحيني فى تمنها لانى بعتها
معلش انا عارف ان الموضوع صعب وممكن يكون فيه اهانه ليك لكن انت متعرفش رد فعل البنت ممكن يكون ايه لو حست انك ممكن تضيع منها وفى نفس الوقت انت مش عايز تقلها انك مش بتحبها ولا هتقدر تحبها عشان متجرحاش

وبعيد تاني حاول انك تتشوف الصفات الى هيا بتحبها فيك وحاول انك تصورلها انك مش كده - بس طبعا شوية بشوية مش مره واحده عشان متنكشفش :) - ويبان انك بتطفشها

وطبعا بعد شهرين أو تلاته من الاسلوب الجديد بعد ما تحس انها بدأت تستوي هتدخلها الدخله اللذيذه
بصراحه يا ...... انا عايز اعترفلك بالحاجه وهيا انى مش قادر استمر فى الكذب أكتر من كده انا سبب معرفتى بيكي كان "وتروح مقفلها حوار" وبصراحه انا غير ماكنت بحاول ابان ادامك خالص وكل طريقتى معاكى كانت تمثيل - منكرش انى فى فتره حاولت انى اكون فى حقيقتى الانسان الجدع والشهم الى بحاول ابان بيه قدامك لكن للأسف معرفتش - وبصراح انا مش قادر استمر فى التمثليه دي اكتر من كده

ملاحظه : الحل ده مش اقتراح دي طريقة متجربه فى أكتر من حالة مستعصيه زي موضوعك كده والحمد لله كانت الطريقه الوحيده الي جابت نتيجه

وربنا معاك

بص هو مسئلت انك تطفش بنت دي بصيطة ومش صعبة والطرق كتيرة بس انا بقول خليها محدش ضامن الظروف ، وفي حالة انك خلاص اصتقريت على خاطيبتك. والبت دي لازقالك وهتبوظ الجوازة ، يبقى انتا محتاج طريقة فيزاغورس يامعلم الي بتتلخص في كلمتين اول مره هتقابلها هتكون واكل بصل وتوم ،وقبليها تكون طالع الجيم يا معلم ، والماقبلة التانية هتكون مديها مسقعة على شوية كورومب وعدس على كام معلقة ملوخية وانتا قاعد في العربية وهيا راكبة جمبك هتلاقي بطنك مكركربة لوحدها ، طلع باه انتا كام قونيلة مسيلة للدموع بس المهم انك تكون قافل الشباك كويس وباحكام ، على كام قنبلة غاز مدمر للاعصاب ، وهيا بمجرد ماهتشم الغازات السامة دي هتبطل تتصل بيك خالص وتعمل لنمرة تيلفونك شيفت ودليت ، بس المهم انها متكنش مزكمة او عندها برد .... جرب كده وانتا هتدعيلي يا معلم .... وتحياتي