يانهار ازرق
انا ضحكت جامد ع الوقف ده
ردا على الموقف ده بردو وعشان حضرتك تعرف إنك مش لوحدك أنا بردو أعرف واحد كل أما يركن عربيته في بارك ويرجع عشان ياخدها ينسى هو راكنها فين ويقعد يدور عليها بالريموت ومرة من المرات لما لقاها كان معاه شنطة فيها ورق شغله حطها على شنطة العربية من ورا وفتح الباب وركب ودور وراح ماشي ونسي الشنطة بتاعته :shine[1]:
ينفع مقالب ؟؟؟
اصل مره صاحب استوديو كان رخم وماحدش مننا بيحبه فى الشغل كان بيجى على طول لصاحب الاستوديو اللى شغالين معاه
وعربيته مابتتغسلش ابدا ولا بيمسحها كنت اطلع اقعد اكتب على الكبوت وسع ياحمار وساعات انا حمار وساعات بيبقى جحش والازى منه وفى يوم من الايام سمعت انه اتظبط فى الكمين بتاعنا بكلام من ده ساعتها كنت مع صاحب الاستوديو اللى انا شغال معاه فى مشوار وراجعين وده اتصل بيه الحقنى انا مع حبايبك فى الكمين وعايزين يهرجوا معايا .....
روحنا وصاحب الاستوديو بتاعنا راجل محترم قوى واحنا كمان محبوبين من الحكومه بسبب كميه الناس اللى شغاله فيها سواء من عندى او من عند صاحب الاستوديو فأستقبلونا بأذيك ياباشا وعامل ايه واتفضل طب نجيب شاى والكلام ده وبعدين شوفنا الزبون متذنب وداخل على صاحب الاستوديو بتاعنا ينفع انا يتكتبلى على الكبوت يا جحش
طبعا حضرتى بقى فى نص هدومه ومش قادر اتكلم ولا اتحرك وطبعا صاحب الاستوديو بتاعنا عارف القصه وعارف انى مش بقدر امسك نفسى راح باصصلى وكل واحد فينا هينفجر من الضحك وقالى روح نادى ..... بيه واستنى فى العربيه روحت قعدت فى العربيه وانفجرت من الضحك جه عسكرى بيقولى مالك ياض انت مجنون وانا اضحك مش قادر امسك نفسى والعسكرى قعد يضحك معايا كل مااجى افتح بقى اضحك لغايه ماجه صاحب الاستوديو بتاعنا ومشينا واول ماوصلنا وهدينا شويه قالى شوف الواد اللى بيغسل العربيه عشان عايز اغسل عربيتى ههههههههههههههه وكملنا ضحك هستيرى
ايفو عنده ميول عدوانية
ههههههههههههههههههه
بطل مقالب فى الناس
وكل سنة وانت طيب مرة تانية
كنت رايح مع واحد قريبي امتحان السواقة بس هو مابيعرفش يسوق كويس وجة دورة و امين الشرطة ادالة الاشارة انو يطلع الواد راح طالع وكلة تمام ووقف العربية قدام الظابط و نزل ادالة الورق و جة يرجع بضهرة الباشا كان رايح بعربية لانوس و فاكر ان المارشدير بيجي من غير السوستة وادا الاول وباصص ورا وحارق بنزين جامد وهوووووووووووووب طلع لقدام ووقع مكت الظابط و كان هايدوس علي رجلة و كانت مسخرة و الواد محتاس مش عارف يعمل اية والناس اللي هناك في ضحك هيستسري وانا فطسان علي نفسي المهم نجح بعد العملة المهببة دي
موقف لسة طازة
اول امبارح قلت اخد الولاد ونروح هايبر اللى في اكتوبر نجيب تموين الشهر خليت البواب غسل العربية والولاد سبقوني وركبوا وحصلتهم وركبت وادور العربية لا يمكن راسها والف سيف لا يمكن تدور
المهم ناديت البواب يدور على كهربائي علشان النهاردة الاحد وكله قافل راح جاب واحد من الشارع اللى ورانا طلع بيشغل في توكيل فولكس فتحنا الكابوت ودور مفيش دور تانى مفيش حط سلكة ودور العربية دارت
الظريف ان العربية اول ما دارت نطرت لورا
الكهربائي قالي هو الفتيس على ايه ببص لقيته على الr
طبعا بقيت في نص هدومي العربية اتوماتيك ومش بتدور الا لو الفتيس على الp وكانت مش عايزة تدور علشان على الار ولو كنت حركت الفتيس للبي كانت دارت لوحدها
معلش الزهايمر
[QUOTE=ouba2;571071]كنت مرة رايح الكلية وفي الطريق ليها في حتة كلها غيطان و اراضي زراعية و كانت معايا في العربية بنت عمتي
المهم وانا ماشي لقيت قدامي فلاح عايز يعدي بشوية معيز فوقفتلة و من جنبي واحد ماشي بجاموسة و وقف جمبي علي ما المعيز تعدي المهم انا لقيت الجاموسة عمالة تقرب راسها مني (انا كنت فاتح الازاز) فرحت مدور وشي و اعدت اكلم بنت عمتي شوية و في نص الكلام لقيت بنت عمتي تنحت و ملامح وشها اتغيرت فجاة و ظهرت علامات الازبهلال و شاورتلي علي الشباك بتاعي و هي مخضوضة
فانا رحت مدور وشي بارحة ناحية الشباك و از الاقي الهانم الجاموسة مصدرالي الطرشة و كنت لسة رايح امد ايدي علي مقبض الازاز عشان اقفلة بس للاسف مالحقتش و لقيت صوت بفففففففففففففففففففففففف ففففففف و حاجات غريبة دخلت من الشباك و جت علي وشي و بنت عمتي ماتت علي نفسها من الضحك و الاقي الراجل صاحب الجاموسة بيقولي (معلش يا بية اصلها تعبانة)
و ريحت العربية فضلت مقلوبة اسبوعين و ماكانش في حاجة محوقة فيها[/QUOT
يانهار اسود
وروحت ازاى ؟
بجد حرام عليكم يا جماعة انا كنت هموت من الضحك ، لأ والادهى كمان اني كنت باكل و انا بقرأ الموضوع ...
بجد مش قادر امسك نفسي من الضحكاقتباس:
مرة قبل ما اعمل عمرة للعربية الكهرباء مكنتش مضبوطة فبقت العربية بتضرب مدافع من الشكمان صوت جبار ودخان اسود ولا مصنع طوب المهم اليوم ده كنت رايح للميكانيكى وفى الطريق وقفت اشترى الجرايد وطبعاً العربية اول ما جيت اطلع ضربت حتت دين مدفع الراجل صاحب المحل واثنين شباب لقيتهم مفرودين على الارض الناس افتكرت انفجار، طبعاً اتاسفتلهم ومشيت واحد بفسبا كان ورايا اخد الطقم كامل فرقعة ودخان الراجل اتخض وركن ومش عارف يتكلم وشكله عامل زى اسرى الحرب الراجل وشه بقى عليه هباب وشعره واقف طبعاً ركنت واتاسفتله واديته ازازة ميه كانت معايا احلى حاجة راجل كبير قالى بطلوا الحركات دى يا شباب اليومين دول انتو فعلا شباب مستهتر وقعدت افهم فى الراجل مفيش فايدة ومن بعدها مبسمحش للعربية تعمل اى حاجة .
موضوع اكتر من رائع
تحيااااااتي
حرام عليكم انا مت من الضحك
موضوع جميل جدا تسلم ايدك وجزاك الله كل خير
بجد انا مش قادر امسك نفسى من كتر الضحك بجد موضوع جامد
من فترة كدة حصل معايا حتة موقف
كنت مع اصحابى فى يوم وفى واحد من الشلة معاة عربية زى عربيتى بالظبط
فا فى واحد صاحبى بتاع مقالب راح مبدل المفاتيح بتاعتى وبتاعة فى الماديليات
فاجيت افتح العربية الاقى عربية صاحبى اللى بتنور
ومتزاول مزاولة غريبة وهو كمان بيقولى هية مشاكل تويتا جات فى عربياتنا مع ان العربيتين 2007
وقاعد اقول هاروح ازاى الا قى اصحابى ميتين على نفسهم من الضحك
وبيضحكو علينا احنا الاتنين
بحى كل اللى اشترك فى الموضوع الثورى دة وليا موقف
كنت فى ثانوى وعايش لوحدى فى البيت المهم كنت متعود اصحى الصبح كل يوم اروح المدرسة
المهم فى يوم من الايام صحيت اوتوماتك على الحمام وبعد الحمام لبست ونزلت رايح على المدرسة المهم لقيت عيال صحابى واحد منهم مسلك عربية 132 من ابوة ومتجمعين على اساس يخرجو بيهااا بس العربية مش راضية تدور وعمالين يزقوهاااا
انا بصراحة قلت هزق معاهم عشان طبعااا الشهامة والجدعنة ثانيااااا عشان لما تدور يوصلونى المدرسة بالمرة ويوفرو عليااا المشى لحد المدرسة
قعدناااا اكتر من نصف ساعة نزق فى العربية لحد مانفسنااا اتقطع مش راضية تدور ابداااا
وكنت عاوز اخلع منهم عشان اتأخرت على المدرسة بس قلت ياواد شكلى هيبقى وحش ولازم افضل معاهم
قووووووم فى النهاية نكتشف ان العربية مش راضية تدور عشان مفيهاش بنزين
طبعاااااا انا اتنرفزت من العيال المسطولة دى وقلت اروح الحق المدرسة
رحت جرى على المدرسة الاقى الباب مقفول ...ناديت على البواب عشان يفتحلى
بيقولى انتا اية اللى جابك ؟؟؟؟؟النهاردة شم النسيم واجازة رسمى
:shyy::shyy::shyy::shyy::shyy::shyy::shyy:
اكتشفت انى انا اللى مسطوووووووووووووووووووووو ووووول
انا حثلي موقف مشابه
كنت لسه مشتري عربيتي الشاريد القديمة
المهم العربية كنت رايح الوكالة اشتري ستائر ومعايا مراتي
وركنت وكنت لسه معتديش مفتاح استبن لان اللي باعهالي مدنيش غير مفتاح واحد
المهم قفلت وسبت المفتاح جوا
وطبعا من الزهق قولت حسكر العربية
واحد قالي شوف بتاع كوالين يفنحهالك
المهم شاورلي علي واحد قافل:khd:
مفيش 3 دقائق مشي ولاقيت نفسي قدام اشهر مستوردي قطع غيار سيارتي استيراد
حكتله علي اللي حصل
اداني كبشة مفاتيح واحد منهم فتح
ولاولا الصدفة اني العربية يحصلها ده جمبه مكنتش عرفت افتحها:biggrin2:
هههههههههههه ... مواقف جامدة جدا .
موقف حصلى .. كنت مره سارق العربيه البيجو 504 قبل الفجر بشوية وكنت طالع بيها على البحر فى المنصوره وطاير والكلام ده قبل ماطلع رخصة اصلا وكان معايا 4 اصحابى.. المهم وانا طاير لقيت عربيتين قدامى ماشيين وبيكلمو بعض وقافلين الطريق .. قعدت ازمرلهم شويه كدا ووسعو الطريق فواحد من الرجاله الحلوة اللى قاعدين ورا عمل للعربيات دى اشارات نابية .. مش عارف ليه
بس اظاهر انها طلبت معاه كدا .. المهم الرجاله سخنو جدااااا وطلعو يجرو ورايا وكانو راكبين لانسر كرستاله وفيات سبور كدا قديمه باب واحد والعربيه دى حجمها صغير يادوب تاخد 4 .. فضلو يجرو ورايا بتاع نص ساعه وانا اجرى منهم وبحاول اروح البيت .. وفى طريقى للمرواح صاحب الفيات جه جمبى وحاول يزنق عليا عشان يوقفنى .. طبعا انا راكب اسد روحت جاى عليه بطريقة غبية اووووووى الواد راح منطور الناحية التانيه وداخل يلبس فى سور اودامه لولا انه شد الهاند وخمس بطريه خيالية ... وطلعت اجرى بعدها وهما بردو ورايا .. المهم فى تقاطع جه اودامى وانا شايف نور عربيه جايه وبتزمر قولت استناه يعدى وبعدين اهرب (( ودى كانت الغلطه الوحيده ليا )) .. فضلت استنا استنا استنا استنا ..الراجل طلع ماشى على 20 وجاى من اخر الدنيا ومدى العالى..الرجاله اللى بجرى منهم طبعا لحقونى والراجل بتاع الفيات اللى كنت هموته جه ووقف اودام العربية ونزل من العربيه الصغيره دى بتاع 6 رجاله واقسم بالله كلهم اجسام بودى جاردات .. السواق اول مانزل قلع الحزام ولقيته جاى نحيتى (على فكره فى الوقت ده كنت لسه عيل ومكنتش طلعت رخص صغير يعنى) روحت مزود بنزين وجبت الاول وشلته عالكبوت راح ضارب الازاز بتوكة الجزام كسره ( وانا سارق العربية) .. المهم شلته على الكبوت وهربت والازاز مكسور روحت ركنت العربيه وطلعت البيت مرعوب من ابويا طبعااااا ...
الصبح بأه الحاج نزل يروح الشغل لقا الازاز مكسور وفى طوبة على المساحات قعد يشتم فى عيال الشارع ويدعى عليهم .. انا اكتشفت بعد كدا ان واحد فنان من اللى كانو راكبين معايا حط الطوبة دى عشان يعمل تمويه .. وفعلا التموي نفع
اسف على الاطالة .. وياريت الموقف يكون عجبكو.
موقف تانى بأه مع العربية البيجو بردو 504 ..
العربية دى كانت واكلاها البرومة ومخرومة من كل النواحى .. المهم انا فى يوم كنت رايح بيها مشوار ومستعجل .. وماشى فى امان الله ورجلى على البنزين ..لقيت فار على رجلى
وانا بكرررررررررررررررررره الفيران جداااا وبتأرف منهم جدااااااااااااااا ... انا طبعا اول ماشفت الباشمهندس ده طرت من العربيه وهى ماشية والحمد لله ان العربية كانت ماشيه براحه جدااا والحزام مكنش مربوط عشاان الحزام لو كان مربوط انا كان اغما عليا من الارف ..
المهم مركبتش العربيه ساعتها واتصلت بالناس اللى انا رايحلهم وقلتلهم فى فار فى العربيه وانا مش جااااى .. وفضلت اخبط على الكرسى بتاع السواق لحد ما الفار طار من العربيه ( اول مره اشوف فار بيطير) ..
ودى كانت احدى حكاياتى مع الفيران اللى هى كتير .
ههههههههههههههههههههههههه هههههه
هى حاجات صغيرة
الأول : كنت رايح اخد اخت مراتى من بيتها وانا فى الطريق مراتى رنت عليها علشان تنزل الشارع وانا وصلت وركنت لقيتها نزلت وراحت عند عربية اكسنت بنفس لون عربيتى ولقيتها بتقول افتح الشنطة ولقيت شنطة العربية اتفتحت وحطت اللى معاها وقفلتها وراحت ركبت فيها واحنا بنتفرج وبعد ما ركبت لقيتها نزلت ولونها مغير وجابت حاجتها من الشنطة انا ضربت كلاكس خدت بالها منى وجات عندنا
هى اتلخبطت فى العربية ولما ركبت لقت واحد غيرى هو اللى سايق والراجل ما علقش
الثانى : كنت لسه واصل اسكندرية انا وأولادى وبادور على شقة أؤجرها للمصيف لحد ما وصلت ميامى ربنا كرمنى بسمسار دخلت معاه بالعربية شارع من شارع المهم الشارع يا دوب يعدى عربية علشان العربيات راكنة على الصفين وبعد ما دخلت لقيت طابور عربيات جاى على وكان على يمينى منزل جراج
المهم البيه السمسار قالى انزل لحد ما العربيات ما تعدى انا نزلت ووقفت على المنزل بوشى وبعد كده لقيته بيقول ارجع ارجع طبعا انا على منزل وراجع أطلع المنزل بضهرى يعنى مش شايف اللى ورايا وكبست بنزين وفجأة سمعت دب بصراحة اتخضيت نزلت تانى ووقفت على منزل الجراج وشديت فرامل اليد ونزلت اشوف ايه اللى حصل وعينك ما تشوف الا النور لقيت حضرتى دخلت فى عربية اقل ما يقال عليها لسه بشوكها (باكياسها) والباب الخلفى خلف السائق فى خبر كان - بصراحة الراجل طلع محترم مسك السمسار بهدله وطلع على عينه القديم والجديد وما فتحش بقه معايا بكلمه وانا طبعا ماليش دعوة واقف اتفرج
بعد كده ركبت العربية وفكيت فرملة اليد قبل ما دور الموتور وفى ثانية لقيت عربيتى لابسة فى عمود البرج اللى تحتيه الجراج (حوالى 15 دور) الناس اتلمت وزقت العربية ونزلوها فى الجراج - سربنتينة التكييف اتعوجت وخزنة الرادياتير اتكسرت وقعدت اصلح فيهم 10 ساعات (اول يوم مصيف)
الثالث : كنت منتظر زميلى فى العمل فى شارع فيصل بالجيزة كنت انا ومراتى وكنت من غير سيارتى - الباشا حضر ونزل سلمت عليه وبالحضن ولقيته ركب يمين وقالى سوق (لسه متعلم جديد) دورت وسوقت وروحت اول مشوار نزلنا قضينا مشوارنا ورجعت انها تدور لا يمكن دورنا على كهربائى قعد يعك فدارت وقال محتاجة كتاوت للمارش غيرناه ورحنا مشوار تانى فى شارع الهرم طفيت وجيت اجرب ما رضيتش تدور ولقيت الكاوتش لقط مسمار وريح قلت بالمرة غيرت الكاوتش لقيت الاستين مهوى (علشان تكمل) المهم رحنا لكهربائى تانى جبناه اشتغل دارت العربية المهم ظبطنا الكاوتش وقلتله خلاص انا هاروح وانت روح من هنا اقرب ليك (ساكن فى امبابة) وانا رايح عند حدائق الأهرام بعد ميدان الرماية الراجل اصر انه يوصلنا بالعربية - المهم وصلنا ولفتله العربية فى اتجاه العودة وتصحبك السلامة المهم انا وصلت الفيوم ورنيت عليه لقيته العربية عطلت منه فى شارع الهرم وبيلف على كهربائى لحد ما وصل بيته بعد انا ما وصلت الفيوم بساعتين الحوارات دى ابتدت الساعة 2 بعد الظهر خلصت الساعة 1.5 صباحا تقريبا المهم مراتى كل شوية تقولى الراجل هيقول انك نحستله العربية رحت قولتله الكلمتين وهى دلوقتى بقالها اربع شهور شغالة عطلت منه مرة واحدة بس وبرضه كانت فى شارع فيصل
طولت عليكم واعذرونى اسلوبى ركيك فى الكتابة.
اول ما اتعلمت السواقة كان عندى عقدة من الدواسات و ما باعرفش البس جزمة و اسوق ما باحسش بالدواسات فكنت باسوق حافى (حاجة تكسف) و باحط الجزمة تحت الكرسى المهم ركنت قدام كشك جرايد و نزلت و اشتريت الجرنان و رجعت و الكشك كان جمب محطة اتوبيس و من اول ما نزلت لحد ما رجعت و الكل فطسان على روحه من الضحك و انا مش فاهم ليه رجعت العربية و لقيت الجزمة تحت الكرسى و انا ناسى كنت فى نص هدومى و الحمد لله العقدة راحت من زمان و ممكن اسوق العربية بقبقاب
هحكلكم على موقف حصلى انهارده كنت رايح اشترى شويه طلبات للبيت فراخ وبعدين رحت جبت الموز وحطتهم فى العربيه وبعدين خدت العربيه ورحت عند البقال علشان اشترى بيض المهم اشتريت البيض وببص لقيت كيس موز على الارض جنب البيض رحت وخده وماشى ودخلت العربيه ببص فى كيس الموز لقيت فيه حاجات حريمى قلت هو الراجل بتاع الموز اتهبل انا لازم اروح اهزقه ابص على الشباك واحده بتخبطلى وبتقلى الكيس ده بتاعى وانا قاعد اتفرج على الكيس هههههههه كان شكلى وحش اوى:pointi~2[2]:
فكرتنى بموقف شبيه موقف حضرتك ......عربية جوز اختى كانت 128 لكن انا مكنتش بعرف اسوقها خالص لان اتعلمت السواقة ع الجديد
كنت بسوق 128 وانا قالع الجزمة ومشمر البنطلون لانه كان بيشبك فالدبرياج
المهم كنت راجع من اكتوبر ونازل نزلة الرماية وكانت الدنيا زحمة والجو حر والطريق واقف وفجأء دددددددب..... انا اتخضيت جدا افتكرت ان العربية نطرت منى ولبست فالعربية اللى قدامى لكن فى مسافة كبيرة بينى وبنها ابص ورايا لقيت وحده تقريبا كانت وخده الشنطة عندى بالحضن
رحت فاتح الباب بسرعة وانا لابس حزام الامان فمنعنى من الخروج فجيت افكة ......مرداش وانا كانت رجلى برة العربية والباب مفتوح ع اخرة ......سمعت صوت ضحك جاااااااامد اوووووى جنبى فبوص لقيت عربية كلها بناااات وميتين ع نفسهم من الضحك عليا ....وانا متعصب جدا عايز اعرف هم بيضخكة لية .......ببس لقيت نفسى مشمر البنطلون لنص رجلى ولابس الشراب بس .....فبصيت ع نفسى لقيت شكلى فعلا مضحك جدا رحت قافل الباب بسرعة وقلت للست اللى خبطتنى حصل خير فدااااااااااكى ........وفضلة البنات مشين جنبى لغايط ميدان الرامية مش مبطلين ضحك وانا فنص هدومى ولا عارف ابصلهم
ههههههههههههههههههههه
شوية مواقف تحفة
لما افتكر هبقى اكتبلكم
مش عارف ابطل ضحك
:pointi~2[2]::pointi~2[2]::pointi~2[2]:
واحد صاحبي نازل القاهره يشتري لاخوه الاصغر سياره 126 يتعلم عليها من السوق وصاحبي ده راكب نوبيرا ومعاهم واحد معرفه كمان ,المهم وهما راجعين صاحبي ساق عربيته النوبيرا وجنبه اخوه وصديقهم سايق ال126 وراهم وفجاه النوبيرا قطعت سير كاتينه في وصله ظلمه قبل يورسعيد ومحدش رضي يقفلهم ,كان الحل ان ال126 سحبت النوبيرا وبيحكيلي صاحبي انهم كل ماكانوا يطلعوا كوبري كان متهيالهم ان ال126 هتقع عليهم لغايه ماوصلوا بعد عمر طويل ...