يلا يا جماعه ضحكونا شويه
يلا يا جماعه ضحكونا شويه
كان زجاج السياره عليه بعض التراب وكنت مش كاشف الطريق وكنت ماشي علي الكرنيش وكان بجواري سياره تقودها بنت جميله فقلت لنفسي شغل المساحه وشغل الميه واغسل الزجاج وانت ماشي وفعلا بس اللي حصل ان بزبوز الميه ما كنش مظبوط علي الزجاج كان واحد مظبوط والتانيه جه علي العربيه بتاعه البنت وافتكرت اني بعاكسها وبصت لي بصه وافتكرت اني بعاكسها وكل السيارت ضحكو عليها طبعا كان الطريق ماشي مشي السلحفاء
كنت سايق بسرعة أوي غصب عني عشان كان عندي معاد مهم و فجأة لقيت كرتونة طارت قدامي... روحت علقت ايدي عالكالاكس من غير ما أحس من الخضة ... كل اللي معايا في العربية ضحكوا عليا :oops:
كنت لسة هطلع و بربط الحزام لقيت عنكبوت كبير عالازاز .. شغلت المساحات عشان انطره بعيد .. متنطرش ! اكتشفت انه جوة العربية ! قمت رامي الحزام و منطور من عالكرسي بدور علي حاجة اضربه بيها
الموقف الذى حدث لى ربما بسبب داء النسيان الخطير الذى ينتابنى أحيانا
بعد صلاة إحدى الجمع ، عدت للمنزل و ركنت أمام الباب ، ثم تذكرت ضرورة زيارة كهربائى السيارات و ذهبت له بالسيارة و طلب منى تركها له لمدة ساعتين حيث أن اليوم جمعة و لدية شغل كثير و عدت بعدها للمنزل سيرا على الأقدام .
بعدها بساعتين أو أكثر طلب منى إبنى إصطحابه للكلية بعد نهاية أجازته الأسبوعية ، نزلنا للشارع نبحث عن السيارة و نسأل البواب و الجيران عنها و لكنهم ينكروا رؤيتهم لها .
ذهبنا لقسم البوليس لعمل محضر بسرقة السيارة و هناك وصلنى رنة موبايل من الكهربائى فاتصلت به ليخبرنى بأنه خلص إصلاح السيارة و بالطبع سمعت فى قسم البوليس ما لا يسر
أنه الزهايمر المبكر
انا بقا اصحابي كانو ماجرين نوبيرا وطلعو اسكندريه
والواد الي سايق كان لسه جديد فالسواقه
المهم ماشي بسرعه اوي
المهم اصحابي الي كانو معاه فجاه وبصوت اعلي مطاااااااااااااااب
وهو :toot: تيييييييييييييييييييييييي ييييييييييييت
ياعم مطااااااااااااااااااااااا ااااااب وهو تيييييييييييييييييييييييي ييييييييييييييت:toot:
المهم فالاخر الشكمان اتخرم طبعا
الظاهر كده المطب مسمعش الكلاكس
هو الموضوع ده مش هياخد خمس نجوم ولا ايه
موضوع الكلاكس ده بيحصل معايا دايما لما بلاقى مطب مفاجىء مثلا
ولو معايا حد بيكون الضحك للركب بالذات لو كان بيسوق يعنى
اما لما بكون لوحدى بضحك انا على الخيبة
لا انا بصراحة اللي يضحك هوا اني مرة نسيت المفتاح جوه العربية قولت افسخ باب الشقة بدل العربية اصلي كنت بعمل باب جديد
و روحت يا معلم البيت و معايا واحد صاحبي جته اويييييييييي
كسر باب الشقه و جاب الباب بالحلق علي الارض!!!!
دخلت ادور علي المفتاح الاستبن افتكرت ابو في تابلوه العربية !!!!
رجعت كسرت زجاج العربية
ههههههههههههه
زهايمر زهايمر
مرة نسيت المفتاح جوة العربية فى عربيتى القديمة و العربية كلها مقفولة و الزجاج كله مقفول ما عدا اللى ورا يمين كان فى حتة صغيرة جدا مفتوحة من فووق قعدت انا و واحد صاحبى ننزل فيه و نكسره مش راضى نعمل ايه ؟ قعدنا ندور على خشبة او اى حاجة ندخلها من الزجاج و نرفع بيها اللللوك و فعلا نجحت الخطة و فتحنا العربية بغصن شجرة و الظريف اننا كنا راكنين قدام كافى شوب و كل اللى طالع و داخل يبص علينا و يوشوا بعض و كمان البيت اللى قدامنا كان فى كلب و كل شوية يهوهو فى وشنا و خدنا العربية و طرنا بيها و من يومها و انا معايا دايما نسختين من المفاتيح و دايما تحصل معايا و انسى نسخة فى العربية بس خلاص بقا معايا واحدة احتياطى :arghh:
مرة كمان الياى و المساعد اتخلعو من العربية وانا على طريق سريع و وقفت اشوف فى ايه لقيتهم مش موجودين و كمان لما دورت ملقتهمش و الغريب ان العجلة مربوطة !!!!!!!!
انا عندى تلات مواقف
الأول
كنت فى شارع التحرير وده من عشرين سنه تقريبا وكانت عربيه مرسيدس راكنه عمودى على الرصيف واكن جنب محطه الأوتوبيس وكنت واقف على المحطه وموتسيكل شرطه راكن امام المرسيدس والظابط واقف بينظم المرور جه واحد لابس بدله ومعاه سلسله دهب وقال للظابط ممكن الموتسكيل شويه علشان أطلع بالمرسيدس وبعد ما طلع جه واحد تانى بعده بخمس دقايق وصرخ فى الظابط فين عربيتى المرسيدس
وطبعا ضحكنا فى سرنا من الظابط وزعلنا على صاحب العربيه واستغربنا من الحرامى المتمكن
وده كان موقف الواحد يلاقى نفسه بيضحك ويزعل ويستغرب فى وقت واحد
التانى
كان معايا بيجو وراكنها فى موقف فى الجيزه ورجعت بعد ساعتين افتح الشنطه الاقى ايه
دى مش عربيتى وللعلم الشنطه اتفتحت زى الحلاوة ولقيت عسكرى مرور بيبص عليا وانا بفتح عربيتى بعد ما فتحت عربيه تانيه وطبعا فهمته قبل ما دماغه تشتغل؟
الموقف التالت كنت فى الأمارات
صحيت من النوم لاقيت ميعاد الشغل فات من نص ساعه نزلت بسرعه وسقت على 180 حوالى نصف ساعه وبعد ما شفت الشوارع فاضيه اكتشفت ان النهاره الجمعه
انا محصليش موقف كوميدي فى السواقة نفسها بس دايما فى كلب فى الجراج مش بيحبنى خاااااااالص ...اول من ادخل او اخرج بالعربية لازم يجرى ورا العربية و يهوهو ورايا لحد اما اطلع على الكورنيش مثلا و دة بجد و لو واقفة فى الاشارة اللى جنب بيتنا دة واقف و يهوهو جنبى و منظري طيبيين كأنى سارقة العربية وسط الناس كدة!!
و النيلة بأة لما ببأة راجعة بالليل مثلا و سايس الجراج نام . و الكلب واقفلى بأة و انا مش عارفة انزل !!! اوووففففففففففففف و اول ما افتح الباب يقوم جاى عليه جرى!!! اقوم قافلة تانى و افضل قاعدة مستنية الفرج و دة واقف يهوهو !!! فين بأة لما حد يدخل و يمشيه من الناس اللى راكنة معانا :oops:
لا بجد عذبني!!!
انا بقى كنت رايح الشركة وبعدين فية جنب الشركة شارعيين جانبيين زى بعض بالظبط انا ركنت العربية فى الشارع الاولانى وأخر اليوم نازل اخد العربية رحت الشارع التانى والصدمة بقى انى ملقيتش العربية طبعا لانها كانت فى الشارع الاول انا جالى زهوول والى طلع عليا اقول لواحد صحبى العربية اتسرقت وهو يهدى فيا طلعت جرى يمكن الاقى الى سرقها لسة ماشى ولا حاجة لقيتها فى الشارع الاول مركونة زى مهى انا سعتها كنت هموت من الضحك على نفسى وصحبى مبطلشى ضحك عليا
ههههههههههههههههه ايه المواقف الجامده دي
المهم انا بقي كنت راكب مع واحد صحبي و راجعين من النعادي علي طريق الاوتستراد كده المهم احنا بليل و الساعه 12 تقريباً و الطريق ظلام و صحبي اول مره يمشي في الطريق ده و احنا ماشيين في الشمال ماشين علي حوالي 80- 90 و قدامنا تاكسي عادي يعني مره واحده التاكسي انحرف بصوره غريبه من الشمال لليمين و فرمل و احنا وراه انحرفنا بردوا بنفس الطريقه و فرملنا
اذا بواحده واقفه علي اليمين و فتحت باب التاكسي و ركبت و التاكسي مشي طبعاً من هول الفاجعه دي مقدرناش نمسك نفسنا من كثر الضحك
مره تانيه
كنت ماشي في جسر السويس و مره واحده الشارع وقف و كان امامي سواق تاكسي المهم فديته و الحمد لله وقفت جنبه بالظبط في يمينه و بينه و بينه مفيش سنتي تقريبا ايدي مكنتش حتخش في المسافه بين العربيتين و الراجال بصلي كده و قالي ماتتفضل تقعد جنبي في الصالون احسن قولتلوا شكراً و طبعاً مش قادرين نمسك نفسنا من الضحك ولا حتي سواق التاكسي هوه كان حجمه صغير فبيتحرك في العربيه عادي فالمهم قام من كرسي السائق و جه في الكرسي الراكب اللي جنبه و طلع راسه من الشباك كده بيبص العربيه اتحكت ولا حاجه و بيضحك بقي و بيقولي عملتها ازاي دي
أنا فاكر الموقف ده مش قادر انسااه
كنت في يوم خارج من الجامعه مروح عادي جدا طلعت علي العربيه عادي جدا أفتح العربيه مش عايزه تفتح قعدت اعافر مفيش فايده قعدت اشتم في بتاع المفاتيح اللي اليوم اللي قبلو عملي الكالون بتاع الباب و لاقي واحد جاي يجري عليا و بيقولي بتعمل ايه و بيزعق كده ف خدتني العزيمه و رحت قايلو وانت مالك و اتخانأنا بقه وده يقولي ده عربيتي ليحد لما ركزت واكتشفت فعلا انها مش عربيتي و قعدت اقولو اني معايا اختها ونفس اللون وبتاع والحوار خلص
الظريف بقه اني اليوم ده أصلا مكنتش رايح بعربيتي كنت رايح مع واحد صحبي بعربيته:005:
الموضوع دة جميل فعلا والله ناس ظراااااااف جدا
انا بأة ماشى على الطريق الدائراى وعند نزلة المؤسسة "شبرا الخيمة"طار عليا كيس بلاسيتك كبير جدا لدرجه انى بقيت مش شايف ادامى والدينا ليل والمكروباصات ركنة على اليمين وبعد منهم طلعة للطريق وانا كنت ماشى بسرعة وبعدين يمين شمال مش صرفة وطبعا نورت الأنتظار وقعدت احسس واعتذر لحد مجيت جنب مكرباص ووقفت ونزلت اشد الكيس والكيس حلف ميطلع والسواق بتاع الميكروباص نزل هو والتباع اللى معه يشدوا مش مجدعه علشان يطلعوا لحد مالحمد لله طلع وطبعا الناس اللى ماشية عملة تضحك ويقوللى اركن على جنب ودة والله كان اكتر حتة تنفع اللطيف ان الواد التابع كتر خيرة "بالنسبه لى"راح رامى الكيس على عربية ماشية وجة على البربيز بردةبس الحمد لله الراجل اللى جانب السواق رامة على طوال
كنت مرة راجع من المصنع بالعاشر وانا كنت بروح بعربيتي مش باتوبيس الشغل عشان كسلي وبصحي متاخر
المهم كان راكب معايا واحد صاحبي في اليوم ده واحنا في وسط الطريق وقبل الكمين بكام كيلو الطريق وقف تماما
عرفنا ان في حادثة ومستخدمين الصحراوي عارفين الحوادث البشعة
هدينا وقعدنا نستغفر كدة وفعلا قربنا شوية لقينا نص نقل بصندوق مرمية على جنبها قعدنا نقول يا رب مايكونش فيه اصابات
شوية ولقيناهم شايلين ناس غرقانين دم على كتافهم وفينهم في ورق ابيض
صاحبي جاتلة هيستريا الخوف بقي
ولا اله الا الله
لا اله الا الله
قعدت اهدية عشان اعصابي ما تبوظش وهو مغمي عينة وومش قادر يبص شوية قربنا
وهووووب فهمت الموقف وجاتلي هيستريا ضحك متواصل
وده يقوللي مالك انت معندكش دم كدة ليه
قولتلوة بص .. نلاقي ايه
في المنطقة دي في مخازن محلات اولاد رجب بتاعت السوبر ماركت
وكان في نص نقل تلاجة شايلة لحوم وهيا طالعة المطلع الرملي اتقلبت على جنبها
خافو على اللحوم وجابو عربية تانية ينقلوها فيها بسرعة قبل ما تبوظ في الشمس
واحنا فاكرين اللحوم دي قتلي
ها ها ها
أرسل أصلا بواسطة karim_monir http://www.nilemotors.net/Nile/image...s/viewpost.gif
كنت مرة راجع من المصنع بالعاشر وانا كنت بروح بعربيتي مش باتوبيس الشغل عشان كسلي وبصحي متاخر
المهم كان راكب معايا واحد صاحبي في اليوم ده واحنا في وسط الطريق وقبل الكمين بكام كيلو الطريق وقف تماما
عرفنا ان في حادثة ومستخدمين الصحراوي عارفين الحوادث البشعة
هدينا وقعدنا نستغفر كدة وفعلا قربنا شوية لقينا نص نقل بصندوق مرمية على جنبها قعدنا نقول يا رب مايكونش فيه اصابات
شوية ولقيناهم شايلين ناس غرقانين دم على كتافهم وفينهم في ورق ابيض
صاحبي جاتلة هيستريا الخوف بقي
ولا اله الا الله
لا اله الا الله
قعدت اهدية عشان اعصابي ما تبوظش وهو مغمي عينة وومش قادر يبص شوية قربنا
وهووووب فهمت الموقف وجاتلي هيستريا ضحك متواصل
وده يقوللي مالك انت معندكش دم كدة ليه
قولتلوة بص .. نلاقي ايه
في المنطقة دي في مخازن محلات اولاد رجب بتاعت السوبر ماركت
وكان في نص نقل تلاجة شايلة لحوم وهيا طالعة المطلع الرملي اتقلبت على جنبها
خافو على اللحوم وجابو عربية تانية ينقلوها فيها بسرعة قبل ما تبوظ في الشمس
واحنا فاكرين اللحوم دي قتلي
ها ها ها
حلوة الحكاية ده
الموقف دة مش في عربيتي
كنت ساند على شنطة عربية 132 و كنت بلعب في الزرار بتاع الشنطة و هوب الشنطة اتفتحت و صاحبها كان في المحل اللي قدامي لقيته جاي جري علية رحت قافلهة و التفاهمنا و مرضيش يصدق اني مش حرامي الا بعد قرنين
موقف برضه بسبب الزهايمر:)
مرة في احد الرمضانات رحت علشان اجيب طبق حلويات المهم ركنت على الطريق التاني من المحل (نوبيرا خضراء) وعديت الشارع رحت المحل طلبت الطلب وطلعت وقفت بره المحل بتكلم في الموبايل وانا رايح جاي ادام المحل لقيت واحد جاي عليا بيشاورلي وبيشاور على عربية نوبيرا خضرا امام المحل بيسألي عربيتك؟ بصيت عليها وقلتله اه معلش وانهيت المكالمة علشان احرك العربية واطلعه
الراجل راح علشان يركب عربيته وشد الحزام ودور العربية وانا قبل مااروح العربية عديت عليه برضه لزوم الاعتذار وكدا:smartass: ..ابتسم وقالي مفيش مشكلة :cool(1):
رحت بقى على العربية وبدوس على الريموت .... مش بيفتح .. مش مشكلة هافتح بالمفتاح .. ولسه هاحط المفتاح في الباب عيني وقعت على العربية جوا .. ايه داااا:eek: دي مش عربيتي !!!!
في اللحظة دي رجعت لي الذاكرة :Lighten: وافتكرت ان عربيتي الناحية التانية..
رجعت للراجل بقى وهو مترستأ جوا العربية وشادد الحزام ومدور العربية .. :sweatdrop:
قلت له اسف مش عربيتي .. انا عربيتي الناحية التانية ونفس اللون
الراجل بص لي بذهول :eek4: وانفجر في الضحك:rofl4:
وقالي كل سنة وانت طيب دا كدا كويس اوي على الساعة 4 العصر في الصيام..
ونزل وقفنا شوية وجه صاحب العربية النوبيرا فحس انه قافل على الراجل فاعتذر له والراجل برضه سخس من الضحك وقاله مش مشكلة دانت كنت هاتنزل مش هاتلاقيها
صاحب النوبيرا استغرب ومشي
مرة كنت بالماتريكس و نزلت الفجالة اجيب بانيو و كان معايا 2 اصحابي
المهم جبنا البانيو و كان الحل اننا ندخله فوق دماغات اصحابي زي ما يكونو لابسينه في دماغهم
و اقعد انا جنبهم اسوق
و بعدين بعد محاولات عنيفة عرفنا ندخل البانيو و كله تمام
هما طبعا مش شايفين حاجة من الطريق
مشيت حبة صغيرين اوي
و بعدين خرجت من العربية ثانية اطلع فلوس للسايس و مكنتش رافع الهاند بريك
المهم بتكلم انا و الراجل
العربية ابتدت ترجع لورا مع ميل الشارع
و العيال بيقولولي باسم احنا بنتحرك
و انا مديهم ضهري و باقولهم لا انا بحاسب السايس
يقولولي الحقناااااااااااااااااااا ااااااااااااا
و بيخبطو على البانيو و الازاز و صريخ هستيري
و انا و السايس بنجري ورا العربية و الشارع وقف يتفرج علينا
لما وقفنا العربية كانو نازلين يضربوني بجد
مرة فى شارع زحمة والطريق واقف تلاقى واحد يكسر بكل ثقة فى شارع جانبى صغيير فتحس انه عارف تخريمة سحرية تخرجك من الشارع الرئيسى الزحمة فدخلت وراة وهوب لقيت واحد تلنى جه ورايا وبعدين تات وشوية لقينا عربيات كتيير ماشيا ورايا وانا ماشى ورا المحترف اللى يعرف المخرج من الشارع المهم فضل يكسر يمين وانا وراه وشمال وانا وراة والناس كلها ماشيا ورايا على اساس فى الاخر هنلاقى مخرج لشارع رئيسى
المهم بقى راح داخل حارة واحنا وراة قام نازل من العربية وطالع بيته!!!!!!ومحدش قدر يقولة بم
تخيل بقى ان العربيات دى كلها هترجع عكسى للشارع الرئيسى تانى
كان موقف مسخرة ويضحك وينرفزك فى نفس الوقت ومتقدرش تفتح بقك بكلمة
المهم ان انا اول واحد كسرت وراة من ثقته بنفسة فى الدخلة حسيت انه يعرف تخريمة والشارع كله كسر ورانا كل ما يشوفونا بنزيد بيعتقدوا ان هناك مخرج للخروج من التكدس بالشارع الرئيسى
جامدة جدا ههههههههههاقتباس:
مرة فى شارع زحمة والطريق واقف تلاقى واحد يكسر بكل ثقة فى شارع جانبى صغيير فتحس انه عارف تخريمة سحرية تخرجك من الشارع الرئيسى الزحمة فدخلت وراة وهوب لقيت واحد تلنى جه ورايا وبعدين تات وشوية لقينا عربيات كتيير ماشيا ورايا وانا ماشى ورا المحترف اللى يعرف المخرج من الشارع المهم فضل يكسر يمين وانا وراه وشمال وانا وراة والناس كلها ماشيا ورايا على اساس فى الاخر هنلاقى مخرج لشارع رئيسى
المهم بقى راح داخل حارة واحنا وراة قام نازل من العربية وطالع بيته!!!!!!ومحدش قدر يقولة بم
تخيل بقى ان العربيات دى كلها هترجع عكسى للشارع الرئيسى تانى
كان موقف مسخرة ويضحك وينرفزك فى نفس الوقت ومتقدرش تفتح بقك بكلمة
المهم ان انا اول واحد كسرت وراة من ثقته بنفسة فى الدخلة حسيت انه يعرف تخريمة والشارع كله كسر ورانا كل ما يشوفونا بنزيد بيعتقدوا ان هناك مخرج للخروج من التكدس بالشارع الرئيسى
السلام عليكم
انا لسه شارى العربيه من شهرين تقريبا وعندى ولدين عمار الكبير وزياد الصغير
المهم ان الاخ زياد دا عباره عن عفريت صغنن كل لما بيروح معايا فى اى مكان الكل بيشهدله
وبيوبصم بالعشره انه اهدى طفل فى العالم هههههه طبعا انا اقصد العكس
المهم الاخ زياد من ساعت لما اشتريت العربيه بمجرد لما نخرج بيها ويفتح الشباك الاقيه راح فى سابع نومههههههه الموضوع دا حصل كتيييررر جداااا لدرجة ان العامل بتاع الجراج بقوله انت
بتركب العربيه عشان تنام فيها ولا ايه
وانا بقول كدا لك اب لو عاوز تنوم ابنك لو كان زى زياد كدااا ابقى خده لفه بالعربيه لمدة خمس دقائق
:party::party::party:
الصراحة مواقف جامدة و ضحكتني جداااا
انا بقا حصلي موقف غريب جدا كنت في يوم راج انا و صحابي من اسكندرية الساعة 3 الفجر كدة و الطريق كان كويس فوقفنا في اول الطريق عند الملاحات كدة نفضي (نعمل ذي ما الناس بتعمل) عشان هنسخن بقا و نقفل عداد المهم نزلنا احنا 4 و اترصينا كدة جنب بعض و شغالين
و فجاة هجوم نموس غير طبيعي ذي ميكون جيش و بيهجم علي العدو لدرجة ان واحد معانا بلع نموسة و دخل في هدومنا
المهم اما حصل كدة كلة قطع الي بيعملة و هاتك ياجري علي العربية و اتبهدلنا بهدلة لاني مكنتش لسة خلصت فبهدلت نفسي و انا بجري و بهدلت العربية و كان يوم ميعلم بية الا ربنا و قعدنا ربع ساعة بنجري و فاتحين الازاز عشان نطرد الناموس من العربية
بس الحمدل لله عدت علي خير مفيش غير الراجل الي معايا دة الي بلع واحدة
من حوالي 6 سنين كنت راجع من اكتوبر انا و مجموعة من زملائي و اخدت المحور لغاية نزلة شارع 26 يوليو .. و نزلتها و اتجاهي للاسعاف .. الطريق كان ماشي و زي الفل .. و بعدين وقف مرة واحدة .. رحت واقف انا كمان .. فوجئت ان فيه عربية كارو جاية من الجانبي و كانت جاية بسرعة علشان تلحق تعدي قبل ما الطريق يمشي .. و انا لما وقفت فجأة .. بقيت قاطع عليه الطريق بالعرض .. و الراجل قاعد يوقف في الحمار .. مبيقفش .. يشد فيه ..مبيتشدش .. و انا و التلات بهوات اللي في العربية بقينا متنحين ..و الجمار جاي علينا و هو في قمة الانشكاح .. لحد ما حصل المتوقع ... و هوووووب .. لقينا راس الحمار مشرفة في صالون العربية .. وجها لوجه مع الباشا اللي قاعد جنبي .. و الحمار بيبصلي بكل تناحة الدنيا .. و البهوات اللي ورا في هيسترية ضحك .. واحد يقول .. اطلع يا حسن .. و التاني يقول ..لأ اقفل الشباك .. يقوم يرد عليه و يقول .. لو قفلت الشباك علي رقبته حينهق ... و بيني و بينكم .. كنت خايف جدا احسن ينهق في العربية .. انا مش عارف ايه الخطر اللي فيها .. لكن علي اخر الزمن حمار ينهق في عربيتي ...
اهو ده اللي مش ممكن ابدا .........
موضوع هستيري..
مواقف كتير جدا جامدة قوي..
انا اكيد حصل معايا مواقف كوميديا بس للأسف الزهايمر وصل لأقصي درجاته.. :) :) :)
وهي اني مش قادر افتكر ولا موقف.. :)
الموقف ده حصلى كنت راكب مع واحد صاحبى من 5سنين او اكتر شوية.... عربيته 128 وكنا وقفين فى
نفق الملك الصالح والاشارة وقفة المهم جاله موبيل واندمج فيه والعربية عمالة تريح منه والعربية المرسيدس اللى ورانا عماله تديله كلاكس ... وبعدين.... دش خبط فيها نزل صاحبها يبص على الفانوس بتاعه اللى اتشرخ فنزل صاحبى واخذ معاه مفاتيح الكونتكت ولاقيته بيدها لصاحب المرسيدس وبيقوله بيعها وهاتلك فانوس ......الراجل نسى اللى حصل لعربيته وفطس من الضحك وانا اعدت اضحك على ضحك الراجل صاحب المرسيدس :sifone: