الموضوع: ما هو اكثر موقف مضحك وهو سايق او له علاقه بالسيارات

هههههههههههههههههههههههه
والله موضوع جامد جدا جدااا انا قريتة من اولة لاخرة دلوقتى وضحكت ضحك بقالى كتير فعلا مضحكتش بالطريقة دى
دة ولا النكت والله

بس للأسف الزهايمر بقى الواحد مش فاكر مواقف جامدة زى اللى فى الموضوع هنا يعنى كلها حاجات عادية






يعنى مرة مثلا كنت بعلم واحد صاحبى على العربية بتاعتة زمان وكان معاة عربية سيات الصغيرة اللى موتورها ورا دى .. الكلاكس بتاعة كان زرار كدة بسلك واقع تحت الدركسيون من جوا شوية
هوا كل ما حد يعدى قدامة كل اللى هامة انة يديلة كلاكس يعنى كل ما حد يجى يعدى الطريق الاقى صاحبنا دة راح نازل فى الدواسة يدور على الزرار بتاع الكلاكس وسايب العربية ماشية هتشيل الراجل ههههههه ومفيش فايدة كل شوية يتكرر نفس الموقع يدور على الكلاكس الاول ويا يلحق يفرمل يا ميلحقش






مرة تانية كنت فى مشوار انا واتنين قرايبى و واحد نزل يجيب حاجة و التانى قاعد معايا وكنا فى شارع جانبى يدوب يعدى عربيتين جنب بعض بالعافية وانا واقف لازق فى الحيطة والعجل مكسور شوية طبعا ناحية الشارع .. وقدام شوية عيال بيلعبو فى الشارع
المهم هوا كان هيموت ويتعلم وكان ما بيصدق يلاقى اى فرصة علشان يجرب يطلع بالعربية
المهم خليتة يطلع بس حضرتة فجأة تنح وراح سايب الدبرياج مرة واحدة مع كبسة بنزين محترمة وكسرة الدركسيون انا مشوفتش قدامى اصلا رحت ناطط على الدركسيون وقعدت اعدل فية وربنا ستر العربية اتعدلت و وقفت لانة كان شال رجلة
المهم بقى فين العيال اللى كانو بيلعبو ههههههههههههه
يا عينى لاقيتهم واقفين ورا بوابة حديد عندهم حالة زعر وعمالين يبصو علينا قوى هههههههههه
يا ولداة لاقو العربية نطت عليهم واتنين قافشين فى الدركسيون هههههه






مرة من وقت قريب على الكورنيش قبل حلوان كنت فى فرح واحد قريبى بالانوس المهم عند النادى بتاع المهندسين اللى قبل حلوان دة بنلف من الفتحة وراجعين النادى فانا كنت داخل عادى بسرعتى ولفيت و وقفت علشان العريس كان جنبى فاستنيتة يعدى
اول ما وقفت سمعت واحدة بتصرخ بتقول حااااااسسسسسسسسببببببب ودببببب عربية راحت راشقة فيا من ورا ههههههه
طلعت اللى كانت بتسوط دى خالتى واللى رشق فيا ابنى خالى اللى كانت راكبة معاة
انا اصلا مبصيتش على العربية وفضلت قاعد هلكان من الضحك على اللى سمعتة
بعد الفرح روحت الحمام فاخويا الصغير طلع بالعربية و واقف بيها على المطلع بتاع النادى وابويا واقف جنبة بيكلمة .. روحت جاى من جنبة ورازع الاكصدام برجلى ههههه الواد يا عينى اتخض خضة هههههههه ونط من الشباك طبعا يشوف اية اللى حصل وابويا قعد يضحك علية






اخويا دة وهوا بيتعلم زمان كان على عربية فولفو يبقى ماشى فى الشارع مثلا اربع حارات الساعة 3 بالليل ومفيش ولا عربية يدوب اتنين ماشيين على رجليهم على اليمين خالص جنب الرصيف
وهوا مكسل يعدل الدركسيون والعربية رايحة عليهم ودة عمال يديلهم كلاكسات وداخل فيهم بسرعتة وهما واقفين مذهولين مش بيجرو لحد ما كان هيشيلهم ههههههه






مرة تانية كنت بوصل واحد قريبى بنفس العربية الفولفو دى وكان زيت الفرامل يدوووب يعنى بتمسك اخر 3 سنتيمتر فى الدواسة فقط
وهوا كان عايز يروح مشوار الاول وبعد كدة اوصلة قلتلة ما بلاش كدة هنضطر نطلع كوبرى ومفيش فرامل وقلتلة بص
وخليتة بص فى الدواسة وقعدت ادوس فرامل والعربية ماشية زى ما هيا ... وبعدين قلتلة خلاص انا هستجدع و اوديك
وطبعا قعد يتوسل اليا بلاش هههههه
المهم واحنا نازلين من الكوبرى فى اشارة بعد الكوبرى على طول والاشارة قاقفلة والعربيات واقفة فى نزلة الكوبرى كمان
انا طبعا استهبلت وفضلت محدوف بسرعتى وعمال اتفرج على تعبيرات وشة وحالة الذعر اللى هوا فيها هههههههههه
والله مفرملتش الا خلاص لما لاقيتة بيفتح الباب وهينط روحت قافش فية ههههههههههههههههههههههههه هههه






واحد قريبى بقى زمان كان معاة 125 ومواقفة معاها ملهاش حل كلها وهوا اصلا سواقتة استهبال

مرة فى صلاح سالم الطارة بتاع الدركسيون طلعت فى ايدة وتخيلو انتو بقى الطريق كلة كان بيجرى
طبعا شتايم وكلاكسات لحد ما وقف وطلعلهم الطارة من الشباك هههه محدش نطق طبعا

مرة تانية كان عايز يلف من اليوتيرن وهوا فى اقصى اليمين راح مرة واحدة واخد اقصى الشمال ولافف من اليوتيرن واسمع بقى يا معلم صريخ كاوتش ودب صريخ ودب صريخ ودب هههه
لبس بتاع خمس عربيات فى بعض والجميل انة مبصش وراة اصلا ولا حتى بدافع الفضول يشوف حصلهم اية