طلب نصيحة و مشورة بخصوص موبايل اندرويد

**drmomoking** · 23-04-2012 01:59 PM

اية الاخبار يا وحوش نايل موتورز

انا عاوز اشترى موبايل فى حدود 2000 جنيه ازيد او اقل 200 بالكتير

بقالى فترة بدور و اختياراتى اتحسرت فى كام عدة كدة و عشان كدة عاوز مشورتكم و خصوصا لو كان حد جرب اى واحدة منهم يقولى تجربتة

1- lg optimus p 970

2- sony ericsson xperia neo v

3- sony ericson xperia pro

4- samsung galaxy wonder

5- samsung galaxy ace plus

انا الاول كنت ميال لل lg و بعد فحص و بحث عميق اتلخبط و عشان كدة عاوزكو تساعدونى مع العلم ان انا من النوع اللى مش بيحب يغير كتير بكون عشرى مع حاجتى شوية

فياريت تفيدونى بخصوص قوة تحملهم و كفاءة التوكيل لان دة بالاساس اللى قلقنى من lg واى معلومات تقدروا تساعدونى بيها

و شاكر ليكم مقدما .

**drmomoking** · 23-04-2012 02:03 PM

اة صحيح و فى تليفون اسمه zte skate تقريبا و ب 1500 جنيه فى فودافون بس مش عارف اية نظامة و لا اشيلة من دماغى؟

**drmomoking** · 23-04-2012 04:40 PM

مفيش حد يساعدنى و لا اية يا جماعة؟ هوا الموضوع صعب اوى للدرجة دى

**AhMeD EzZ** · 23-04-2012 04:43 PM

ال Skate معايا

بس انا ارشحلك ال Neo v

**drmomoking** · 23-04-2012 04:59 PM

المشاركة الأصلية كتبت بواسطة AhMeD EzZ

ال Skate معايا

بس انا ارشحلك ال Neo v

طب راى حضرتك اية فى ال skate لان سعرة تحفة مقارنة بالمكانيات و اليطارية اخبارها اية و بشكل عام يا ريت لو حضرتك تدينى فكرة عن تجربتك معاه

وومكن حضرتك تقولى سبب ترشيحك ال neo v ؟

و شكرا

**AhMeD EzZ** · 23-04-2012 06:20 PM

المشاركة الأصلية كتبت بواسطة drmomoking

طب راى حضرتك اية فى ال skate لان سعرة تحفة مقارنة بالمكانيات و اليطارية اخبارها اية و بشكل عام يا ريت لو حضرتك تدينى فكرة عن تجربتك معاه

وومكن حضرتك تقولى سبب ترشيحك ال neo v ؟

و شكرا

ال skate معايا ممتاز بالنسبة لاستخدماتي الي هي لعب خفيفة وبراوزنج و هكذا

و الدعم بتاعة ممتاز و ليه كذا custom rom منهم 3 ics

البطارية بتاعتة كويسة جدا بتقفل معايا يوم بالظبط او اكتر شوية

و الجهاز نفسة طلع بيستحمل جدا عكس منا كنت متوقع

اقربها امبارح خد منا وقة علي وشة من ارتفاع متر كدة علي سيراميك

كنت متوقع هقلب الجهاز هلاقي الشاشة متدشدشة بس ولا الهوا

انا رشحتلك النيو بسبب فرق البروسيسور بس لو مش همك يبقي عليك و علي السكيت علي طول

**drmomoking** · 23-04-2012 06:41 PM

المشاركة الأصلية كتبت بواسطة ahmed ezz

ال skate معايا ممتاز بالنسبة لاستخدماتي الي هي لعب خفيفة وبراوزنج و هكذا

و الدعم بتاعة ممتاز و ليه كذا custom rom منهم 3 ics

البطارية بتاعتة كويسة جدا بتقفل معايا يوم بالظبط او اكتر شوية

و الجهاز نفسة طلع بيستحمل جدا عكس منا كنت متوقع

اقربها امبارح خد منا وقة علي وشة من ارتفاع متر كدة علي سيراميك

كنت متوقع هقلب الجهاز هلاقي الشاشة متدشدشة بس ولا الهوا

انا رشحتلك النيو بسبب فرق البروسيسور بس لو مش همك يبقي عليك و علي السكيت علي طول

شاكر لحضرتك و بانتظار اراء الاعضاء بخضوص باقى التليفونات

**korkor** · 23-04-2012 08:55 PM

بص علشان موضوع الموبيلات ده اذواق وعامل زى الاهلى والزمالك انا انصحك تدخل على الموقع ده gsmareana.com تقريبا اكبر موقع موبيلات فى العالم وتعمل مقارنه بين التليفونات وتشوف ريفيوهات الموقع والناس وفى الاخر تختار طبقا للميزانيه بتاعتك بس انا شخصيا ارشحلك الجلاكسى W

**tamerosman** · 23-04-2012 08:58 PM

انا معيا xperia neo و برشحلك zte skate للاسباب الاتية

اهم حاجة فى الموبايل andriod حجم الشاشة الكبير و ZTE شاشته 4.3 بوصة و neo شاشته 3.7 خنقتنى ، الشاشة الصغيرة فعلا مقرفة جدا فى Browsing و عذاب فى الكتابة علشان الحروف بتبقى لازقة فى بعض و اضطريت انزل برنامج اسمه big bottoms بيكبر الحروف بس بياكل 3/4 الشاشة

ZTE بيتصنع فى نفس المصنع الى بيصنع HTC فى الصين و شكله من بره تقريبا هو هو HTC sensation xe

مش هتلاقى اى موبايل فى السوق بشاشة 4.3 و سعره 1500 جنيه غير ZTE

**drmomoking** · 23-04-2012 09:06 PM

المشاركة الأصلية كتبت بواسطة korkor

بص علشان موضوع الموبيلات ده اذواق وعامل زى الاهلى والزمالك انا انصحك تدخل على الموقع ده gsmareana.com تقريبا اكبر موقع موبيلات فى العالم وتعمل مقارنه بين التليفونات وتشوف ريفيوهات الموقع والناس وفى الاخر تختار طبقا للميزانيه بتاعتك بس انا شخصيا ارشحلك الجلاكسى w

انا حفظت الموقع و الريفيوهات بس انا عاوز اراء الناس و عن تجاربهم مع التليفونات وخصوصا وجود الصيانة و الاكسسوارات و خلافة مش فكرة ال الريفيوهات بس لانو ممكن يكون زى العربيات كدة جامد جدا برة بس لانو مظلوم فى مصر يطلع من الحسابات