السلام عليكم ورحمة الله وبركاته

يا جماعة انا من اسكندرية ومعايا عربية اونو موديل 97 وبطلع برج العرب كل يوم 120 كيلو رايح جاي وطلعتي بتبقي بالليل والطريق وبمشي في طرق مفيهاش نور خالص والاضاءة عندي في العربية ضعيفة . .
رحت عزبة سعد جيبت جوز لمبات فيليبس 60/55 بريميم وانا بركبهم عن الكهربائي قاللي ايه ده ياحج ده اللي راكبين عندك في العربية 90/100 ومخفيش عليكم لما جربناهم لقينا الاتنين زي بعض 60/55 = 90/100 انا استغربت بس ما علينا بس الفكرة ان المشكلة دلوقتي مازالت قائمة . . المهم الكهربائي قاللي هات جوز لمبات 500/1000 وجوز كتاوت .. وانا محتار اسمع كلامه والا اعمل ايه ؟
الناس هنا بتشكر في اوسرام نايت بريكر دي ممكن الاقيها فين في اسكندرية وبكام وبرضه الفيليبس الرالي بتتباع فين وبكام ويا تري بتفرق معايا .. وياريت يا جماعة تحطو في الاعتبار اني عايز لمبات للطرق السريعة مش وسط البلد . . شكراً ليكم وجزاكم الله عني كل خير