الموضوع: عايز نصيحة يا جماعة انا بسافر في الضلمة ومش بشوف حاجة حد يساعدني

المشاركة الأصلية كتبت بواسطة it_elias

تامر بيه شكراً علي النصيحة ونزلت جبتها النهاردة . . وهحكي التفاصيل في اخر المشاركة



الباشا الكبير اتش ام . . الف شكر علي الافادة وتجربتك مفيدة جداً وهو فعلاً انا عندي فانوس واحد العاكس بتاعه مش تمام . . والكهربائي قاللي غير الفانوس كله بـ 65 جنيه :D :D يا بلاش والله هههههههههههه



الف شكر يا ايمن باشا وتعالي بقة لما احكيلك . .
انا نزلت النهاردة العصرية كده علي الزراني ورحت اجيب اللمض ولقيتهم بـ 100 جنيه الجوز زي ما بتقولوه بالمناسبة رحت لقباري اللي جمب مؤمن قبل ما اروح للزراني لاني سمعت انه عنده اوسرام نايت بريكر دخلت عليه قلتله عندك اوسرام قام بص قاللي اللي موجوده ديه اسمها سيلفر اديشن ببص عليها لقيتها 55/60 تقريباً المهم صرفت نظر عنها نهائي وحتي مسألتوش السعر كام . . راح قاللي طب خد فيلبس رالي قلتله بكام قاللي الواحدة بـ 100 جنيه قلتله ليييييييييييييييييييييييي ه غالية كده قاللي الطلب عليها زاد والتوكيل والحكاية والرواية قلتله شكراً ورحت ماشي طلعت ع الزراني المهم حاولت افاصل معاه في ال 100 جنيه بتوع الفيليبس الرالي مرضاش . المهم خدتها وطلعت ع الكهربائي بص عليهم قاللي دي الواحدة بـ 50 قلتله ايوة قاللي ليه يعني وكده قلتله طيب دي محتاجة كتاوت قاللي لا . . المهم بعد ما ركب بجرب الاضاءة طلعت يعني هي كويسة واعلي من القديمة بس مش مرضية بصراحة . . قاللي علي فكرة ان عندك فانوس العاكس بتاعه تعبان اشتري فانوس تاني بـ 65 جنيه قلتله ماشي ومشيت . .
المهم جت الساعة 8 ووجب عليا طلعة برج العرب المعتادة ع الطريق الدولي واجرب النور لقيته الحمد لله كويس بس برضه مش هو اللي في بالي . .

عايزكو تساعدوني واسف لاني طولت . .

بصرف النظر عن موضوع العواكس . .
هل لو انا ركبت كتاوت تقوية الاضاءة هتعلي اكتر من كده .؟؟
طيب في حال تركيب كتاوت . . ازاي اعمل دفيرة تانية غير بتاعة العربية وبتبقي بعيدة عن سلك العربية . . عايز افهم يعني هل الدفيرة دي هتبقي واصلة من عند علبة الفيوزات والا من عند فيشة الفانوس والا ازاي عشان انا علي قدي في الكهربا . . وبشكركم كتير يا جماعة علي مساعدتكم ليا . وجزاكم الله عني خيراً . .. :)

iهو ألف مبروك ده اول واهم حاجه
ثانيا مينفعش الفيلبس رالي تركب من غير كتاوت عندك واتاكد من كتالوج عربيتك لان لو الفبريكا بتاعتها 60\55 يبقى الرالي عاليه عليها وممكن تسيح اي حاجه في سكة الكهربا..

بالنسسبه للمشكله كلها من الاساس عندك هتلاقي فانوسك مصفر والعواكس ورا الشمس
ولو زي مبتقول فوانيسك ب 65 توكل على الله وغيره عالاقل غير الشمال اللي ناحيتك هيفرق معاك جامد جدا

بالنسبه للضفيره... مش عارف الحقيقه
بالنسبالي ركبت الكتاوت على السلوك الاصليه والحممد لله تمام
اصل بالنسبالي ايه الفايده على ضفيره ولا على نفس الضفيره
ولا هو كتر سلوك عالفاضي؟؟

ماعلينا
يعني عربيتك 97 فمتقلقش من حوار الضفيره ده ياعم خليها عالسلوك الاصليه واتوكل على الله الا لو كانت رفيعه قوي وتعبانه يبقى اعمل ضفيره جديده

ده رأيي

تحياتي