الف الف سلامه عليكم
واللهم استر علينا دنيا واخرة
والحمد لله ان المصيبه كانت فى العربيه
وان شاء الله تتصلح وترجع زى الاول تمام
وربنا يجعل اللى فيه الخير من نصيبكم
وان شاء الله التامين ملزم من الالف الى الياء
وان شاء الله خير
عرض للطباعة
الف الف سلامه عليكم
واللهم استر علينا دنيا واخرة
والحمد لله ان المصيبه كانت فى العربيه
وان شاء الله تتصلح وترجع زى الاول تمام
وربنا يجعل اللى فيه الخير من نصيبكم
وان شاء الله التامين ملزم من الالف الى الياء
وان شاء الله خير
والله الكل بيقولنا نفس الكلام بس جوزى بيقول الولد كفايه اللى حصله ده كان بيموت من التعب وفضل مرمى فى الارض زياده عن كام سعه عقبال ماجت الاسعاف وشالته فحمدنا ربنا وخلاص على كده
وانا نفسى بعد مااخدت كورس سواقه واتعلمت صرفت نظر عن العربيه خالص لاننا فى وسط ناس مش بترحم ولا بعنيهاا ولا بلسانها ولا بفعلها ماحدش بيحترم حد فاخدتها من قصيرها وصرفت نظر
ربنا يأجركم في مصيبتكم ويخلف لكم خيراً منها
والحمد لله على أد كدة
قضا أخف من قضا
انهردا جوزى را التامين الصبح وصور الرخص والبوليصه تاعت التامين وصورة المحضر وادهلهم بس فى حاجه بقى قالولو لو هاتصلح تبعنا مش هاتتدفع حاجه بس لو هاتتصلح فى التوكيل هاتتدفع انت كل حاجه وهانديلك شيك بالفلوس بعد شهر او شهر ونصف اول مره اسمع كده وطبعا بيتهيالى العربيه هااتكلف اكتر من 5 الاف جنيه ربنا يعناا اللهم اجرنا فى مصيبتنا يارب
وفى حاجه تانيه اتصل بالتوكيل يبعتلنا ونش يشيلها ولا نجيب ونش منين او عربيه تشيلها ياريت تفيدونى
قدر الله ومشاء فعل اهم حاجة ان جوزك بخير وإن شاء الله العربية ترجع زي الاول واحسن كمان من الاول انا لو منكم كنت حبست الواد ده وكمان سحبت منه الموتوسكل
وفى حاجه عاوزة اسال عليها هى العربيه هاتترش هو الخبط كله فى الكبوت ولا هايغيرو الصاج لانى خايفه لونها يتغير لما تترش
لاحول ولا قوه الا بالله
قدر الله وماشاء فعل
المهم ان زوج حضرتك بخير
و اللي ييجي في الحديد في داهيه المهم البني ادمين
و ان شاء الله تتصلح و ترجع زي الاول
مشكور اخى نايل ستورم على المرور ومشكورين جميعا على الردود الى بتهون على لواحد جاكم الله كل خير
لا حول ولا قوة الا بالله
بصراحة اللي يجي في الحديد في داهية
وحما لله على سلامة زوجك
والحمد لله ان المصاب ماكنش اكتر من كدة ولا توفى رغم انه غلطان
ربنا يهون عليكم مصيبتكم
ويقوم المصاب بالسلامة ويرجعة لاهلة ويعقل
الاخوة قالو كل المفيد بس احب اضيف حاجة
خللي عربيتك تحت بيتكم
هاتو عربية نص نقل واقطروها لغاية البيت وتغطيها
ماتسيبوش العربية بعيد عن عينكم عشان مايتسرقش منها حاجة وبتبقي مطمع جدا
الونش حضرتك بتجبيه من اى مكان او بنزينة
ده رقم ونش لبنزينة موبيل اللى فى جسر السويس, على طول كنت بتعامل معاهم:0103895538 او 01022111509
بالنسبة للكبوت, غالبا هيتغير, و هيبقى لونه زى لون العربية تمام
متسمعوش كلام شركة التأمين, لأن شركة بروتون لغاية دلوقت ملهاش مركز خدمة معتمد. هو مركز بس بتاع ابو رواش
يبقى هما ممكن يعملوها اى كلام فى اى ورشة
اعملوها فى التوكيل, حتى لو اخدت وقت اطول