السلام عليكم ورحمه الله وبركاته
حبيت احكيلكم اخر الاخبار
انهردا صباحا ذهبنا انا وزوجى لاحضار ونش من موبيل مدينه نصر واخدناه وروحنا على العربيه طبعاا مش قادره اقولكم شعورى وانا بشوفهاا ولكن الحمدلله طبعا اتصدمت شوى وحسيت نفسى دوخت والمفاجاءه ان واحد ابن حلال خبطها وكحتها من الجمب لدرجه انه قطع غطى العربيه مع الكحته واضح انه كان محمل حاجه جامده العربيه طبعا من الخلف مطبقه ومتكحته ولغايه الباب الخلفى تكحيت
طبعا وقفت فتره امامها حزينه ولكنى حمدت الله على كل شىء دخلت قعدت بداخلها واخدنا الونش وروحنا على التوكيل حسيت نفسى سفرت اسكندريه لانه بعيد جداااااااا على اد من انه ممتع انك تكون راكب عربيتك من غير ماتسوقها وشايف كل حاجه تحتيك وماشى فى طريق سريع والبحر والهواء فعلا روملنسيه لكنها مؤلمه جدااااااا ربنا مايورى حد
المهم اخيرا وصلنا لعز العرب ونزلنا العربيه المفاجاءه انى شفت كميه حوادث للجين تو اعوذ بلله طبعا مش الجين تو شفت بى ام وجيب وغيره ولكنى ارتكزت فى قسم حوادث الجين تو اكيد حمدت ربنا اكتر لان فى ناس عربيتهم مشنافعه بنكله يعنى الله يكون فى عون صاحبها فعلا اتصلت باستاذ محسن صالح الراجل ده فعلا ذوق جداا برغم انى مشفتوش قبل كده ولا شتريت منه بس مجرد استعلام عن الجين تو قبل نزولها فعرفنا عن طريق التليفون الراجل جالنا بنفسه ووصى علينا المهندس مجدى وخلصنا المعينه فى ثوانى لاننا قبل مانتصل باستاذ محسن صعبنا على المهندس اوى ان العربيه لسه عامله 1000 وميه كيلو بس فخلصنا على طول وقالنا قدمكم 75 عربيه تصليح الاول وبعدين عربيتكم تتصلح طبعا لما جه الاستاذ محسن خلاهم 3 اسابيع فقط والعربيه تتدخل تصليح وقال يمكن قبل انا اخدت موبيله عشان الح كل كام يوم عشان نخلص اه نسيت اقولكم بعد الفحص ايه اللى هايتغير فى العربيه
طبعاا صاج الكبوت هايتغير تماما والردتير اتخرم فاهايغيره وكمان غاز الفريون اتسرب لان مسورته اتخرمت فاههتتغير كمان الجزء اللى تحت كله هايتشال ويغير الخبطه اللى فى الجمب هاتترد بس التجريح اللى وراا هايضبط لما العربيه تتدخل الفرن بس فى حاجه قلقتنى اوى ان اللون بعد ماتتدخل الفرن يكون اسود غامق اوى مش ميتاليك يعنى مافيش اللمعه المميزه للجين تو خايفه اللون مايبقاش زى ماجت من ماليزيا لان اكيد اللون الاصلى غير اللى فى مصر ولا ايه ؟؟؟
مهندس التامين بقى كلمته هايروح يفحص الاثنين إن شاء الله .