الف شكر يا باشا هبص على مكان الفيوزات كنت شايف حاجة زى ريلية خاصة بالتكييف هبص عليها وشكرا الف شكر
عرض للطباعة
انا قعدت فترة ادور على مكان التلاجة فى عربيتى اللانسر 2002 علشان البرودة كانت بعد الظهر ومع الوقفة كان ضعيف وبالليل على واحد ببقى مش مستحمل البرودة بتاعته المهم قعدت افك لغاية ماوصلت لمكان التلاجة ولاقيتها موسخة بس مش قوى اديتها غسلة تمام ونزلت طين كتير وغرقت ارضية العربية بالمياه المهم وانا بفك لاقيت فيشتين فكيتهم ولاقيت حاجة سودا كده عمله زى متكون كتاوت لكن شكلها غريب شوية عن الكتاوت وكان مكتوب عليها do not repair وكانت متركبة فى العلبة السودا اللى قبل التلاجة على طول وغسلتها باسبراى جاف وبعد ما خلصت وركبت وقفلت جيت اشغل التكييف لاقيت العربية rbm بتاعها بينزل مع التكييف والعربية تفضل ترجرج جامد مع العلم انها قبل الفك والتنظيف كانت مظبوطة والrbm كان بيعلى مع التكييف ولكن بعد التنظيف ال rbm بينزل مع التكييف واول ما يطفى ال rbm يظبط
فانجدونى ودلونى على الحل هل البتاعة السودا اللى عملة زى الكتاوت لما اتغسلت بالاسبراى باظت وهى عملة الرجرجة
اتحلت يا جماعة والحمد لله طلعت المشكلة مش من الشغل اللى انا عملته خالص لانى زى ما فكيت زى ما ركبت مع انى مجيتش جنب حوض الماتور خالص ولكن افتكرت انى كنت عند الميكانيكى وخليته فك فلتر الهوا بتاع الماتور ينفضه بالهوا ورجع ركبه ومن بعدها مشغلتش التكييف ففكرت انه ممكن من الشغل ده يكون خرطوم رفيع من بتاع فاكيوم التكييف اتفك وده اللى حصل فعلا لاقيت خرطوم رفيع مفكوك ولما ركبته رجعت كل حاجة زى ما كانت الاول وافضل بالنسبة لاداء التكييف
انا معايا افيو 2012 عند تشغيل التكيف و العربية واقفة باشعر برعشة خفيفة بالاضافة الى ان سحب العربية بيتاثر بالتكيف فهل هذا عادي ؟ ام يوجد مشكلة ؟ وما هي ؟
هل تنظيف ثلاجه المكيف يزيد درجه التبريد؟؟ ارجو الرد للأفاده
احب اشارك بمشكلتى يمكن حد يفيدنى فيها
انا عندى الكومبرسور بتاع التكييف بيفصل و يشتغل تقريبا كل ثانيتين و بتبان اوى فى الوقفه فى الاشارات بحس ان العربيه هتنط منى بما انها اتوماتيك و طبعا ال ار بى ام بيعلى مع كل تشغيل للكومبرسور.
العربيه بتترج جامد مع تشغيل التكييف بالذات الموتور وكمان عصايه الفتيس
ياترى ايه السبب ؟؟؟
طيب ماتعملة idle learn ممكن يكون فعلا معلق اة تفكة تتديلة رشة wd-40 وتنظفة
طبعا بيفرق معاها جدا ولو هتفكها برة يبقى افضل وكمان تنظف ال expansion valve
طيب طالما الكباس كل شوية بيفصل وبيشتغل اول حاجة تتأكد من كمية الفريون الموجودة فى الدورة لو لقيتها كويسة يبقى كدة الكلتش بيفوت
اولا العربية لو انجيكشن يبقى كدة فية عندك فية مشكلة فى بلف الايدل ونصيحة منى فك الثروتل بودى كلة ونظفة عشان تحل المشكلة كلها من جذورها مش مجرد علاج لفترة وهترجع تانى
والرجة دية لما بتكون جامدة يبقى معناها ان ل rpm بينزل جامد وبردة مؤشر على ان عندك القواعد مش قوية انها تترج جامد كدة يعنى المفروض تبقى الدنيا محكومة اكتر من كدة حتى مع نزل الاربى ام ل200 لفة مثلا
شكرا يا باشا على مجهودك وربنا يجازيك خير
انا عندى فورد اسكورت 1600 زيتك
كنت عايز اعرف فيها ترموستات تكييف ولا لا ومكانه فين
ولوسمحت ممكن اعرف الفريون اللى استخدمه 134 او12
وشكرا
اولا العربية لو انجيكشن يبقى كدة فية عندك فية مشكلة فى بلف الايدل ونصيحة منى فك الثروتل بودى كلة ونظفة عشان تحل المشكلة كلها من جذورها مش مجرد علاج لفترة وهترجع تانى
والرجة دية لما بتكون جامدة يبقى معناها ان ل rpm بينزل جامد وبردة مؤشر على ان عندك القواعد مش قوية انها تترج جامد كدة يعنى المفروض تبقى الدنيا محكومة اكتر من كدة حتى مع نزل الاربى ام ل200 لفة مثلا [/QUOTE]
شكرا لرد حضرتك
الـ rpm ثابت ومش بيتأثر بتشغيل التكييف
هو انت تقصد ان قواعد الموتور ممكن تكون هى سبب رجه العربيه بعد تشغيل التكييف ؟؟
معلش سؤال اخير ايه هو الثروتل بودى اللى مفروض انضفه ؟؟
حضرتك بتقول ان العربية بتترجرج جامد ودة معناة انخفاض فى الrmp ولكن بما ان الاربى ام مابينزلش او مش بيتأثر يبقى كدة انسى اى حاجة جاية من جهة المحرك وتبدأ تبص على القواعد فية عندك قاعدة للتكييف وقاعدة الفتيس وقاعدة الجمل او القاعدة الكبيرة اللى بتبقى فى نص العربية اكشف عليهم وربط عفشتك كويس
وعموما الثروتل بودى دة بيقى راكب فى العربيات الانجيكشن ودة اللى بيبقى متركب علية الحساسات التى بتتحكم فى نسبة دخول الهواء للسيارة ويمسى بالعربية ( الخانق ) ودة لو فية اى ترسيبات كربونية بتؤدى الى ضعف الاشارة وعدم القيام بوظيفتها بصورة صحيحة
لكن طالما مافيش عندك اى تاثير او انخفاض فى الاربى ام يبقى ماتنظفش حاجة واتجة اللى القواعد
السلام عليكم
لو سمحت انا معايا بيجو 505 موديل 1983 عاده مش طياره
كان عندى شوية اسئله
1- انا معايا كباس ساندن يابانى 5 pistons ومركون من زماااااااااااااااااان وعايز اكشف عليه فهل لو طلع بايظ ينفع يتصلح مع العلم هو بالقاعده جاهز على التركيب بس
2- السربنتينه الى عندى بتاع العربية الاصلى الفرنساوى وخامتها مش حلوه خالص الخامة سيئة جدااااااااا مصنوعه من الحديد او الالومنيوم الثقيل وليس الخفيف فهل هذا يؤثر على تبريد الفريون مع العلم الخامة سيئة جداااااااااااااااااا والسربنتينه ثقيله
3- هل استطيع استبدالها بواحده تويوتا او دايو او هيونداى وما هو سعرها وهل هى انواع ياريت التوضيح انا كنت سمعت ان فيه 12 ماصورة وهكذا مش عارف دا ايه
4- المروحة الداخلية ضعيفه جدااااااا وتشتغل على سرعه واحده فقط فما هو الحل وما هى انواع الثلاجات الجديدة التى استطيع تركيبها لتكون كفاءة فى التكييف :Bravo: وسعرها
5- ما هى النصائح الى تنصحوننى بها وجزاكم الله خيرا
ياريت الرد على كل سؤال لواحده :B4_033:
ودمتم سالمين
الاجابات حسب ترتيب الاسئلة :
1- الكباس طالما مركون لازم يطبب من الفتحات اللى بتركب فيها المواسير عشان مايدخلوش تراب + انك لازم تكشف على الزيت او تغيرة عموما
2- شوف السربنتينة اللى تأثر فى اداء التكييف هو انها تكون مسدودة او فتحات المشع متطبقة فبتمنع دخول الهواء + مسدودة من جوة + المروحة اللى راكبة عليها ضعيفة غير كدة مافيش اى مشاكل
3- لو خامت السربنتينة وحشة يبقى اشترى نفس سربنتينة عربيتك بس صينى او تايوانى هتبقى اقل فى السعر لكن اية اللى يركب عليها او البديل مش عارف الصراحة ممكن تسأل على دة عند بتوع قطع الغيار
4- مروحة السربنتينة لو ضعيفة غيرها بواحدة الريش بتاعتها اكتر وبماتور مختلف بس اهم حاجة يكون نفس فولت ماتور عربيتك
ثلاجة التكييف لو انت تقصد الكويل اللى بيتركب تحت التابلوة فدة لازم يكون بتاع عربيتك فكة ونظفة كويس وغيرة لو لقيت فية مشكلة
الاسعار مش هقدر افيدك لانى ماعرفش اسعار البيجو
5- الحاجات دية لو اتعملت ان شاء الله يكون التكييف كويس بس بردة خلى بالك ان تكييف الفرنساوى مش بالقوة زى اليابانى والكورى
الصراحة هو مكنش مطبب ودخله تراب جامد جداااااااااا ودى مشكله كبيرة انا اخدت بالى منها امبارح وبالنسبة للزيت هو الكباس بيبقى فيه زيت وهل لو صنايعى قالى افكة علشان انظفه اخلية يفكة ولا غلط ولا ايه
لا المروحة الى راكبة عليها كبيرة وشديدة بس السربنتينة متطبقة كتير فيها مناطق كتير بايظة
انا هشترى سربنتينة واروق دماغى حتى لو كانت صينى
انا قصدى على الكويل دا اه الى بيبقى تحت التابلوه بس انا سمعت ان فيه انواع مش لازم بيجو يعنى بس مش عارف نوعه ايه
العربية نازلة مجهزة بالتكييف مش هعدل فيها اى شئ زى العربيات القدية ال 504 وكدا دى جاهزة بحالة المصنع اصل العربية لسه فابريكة كانت مرفوعه بقالها سنييييييين
دى بقى صورة السربنتينه بتاعتى
http://img24.imageshack.us/img24/2921/1001426bq.jpg
مساء الخير على كل الناس ارجو منك حل مشكلتى بعد التحية يا بشمهندس انا عندى التكيف بتاع العربية بيشتغل بعد ما ياخد امر بمدة ياعنى بعد ما ادور اسخن واشخلل التكيف مايحسلشى حاجة غير المراوح تشتغل عادى بس الكمبريسور ملقاتشى بعد الماشة والعربية تكون سخنت شوية يقوم لقط ويشتغل عادى جداااا ولو ركنت شوية وجيت اطلع بس تكون العربية لسة سخنة اشغلة يشتغل علاطول واول ما يشتغل خلاص مممكن افصلة اشغلة عادى جدااا ممممكن الرض لما العربييية بتكون بادة لية ميشتغلش
ممكن مساعدة فى المشكلة ديه
http://www.nilemotors.net/Nile/289987-a.html
السلام عليكم
المهندس سامح تحياتنا وتقديرنا لمجهوداتك لخدمة الاعضاء جعله الله في ميزان حسناتك وانا من اشد المعجبين بموضوعاتك المتميزة
لدي كورولا 94 الملكة من الزيرو وكان التكيييف بحالة ممتازة الا انني بسبب سوء استخدامي له اثناء السير بالسيارة اشغله ثم اغلقه ثم اعيد تشغيله والسيارة علي سرعات عالية (السيارة جير مانيوال) ادي ذلك حسب راي الفني الي حدوث رفة بطنبورة الكمبروسور (ارجو الافادة عن الطريقة السليمة للتشغيل للمحافظة علي الكمبروسور) وقررت اعمل صيانة شاملة له وتم الاتي
النتيجة التبريد جيد جدا
- تنظيف الدورة واكتشاف تسريب بالابر الخارجية العلوية بداية الدورة مكان تركيب خراطيم الشحن وتم تغييرها .
- تغيير بلية الكمبروسور + الملف
- تنظيف الكمبروسور واضافة زيت فريون جديد ac delco
- الضغط والتاكد من عدم وجود تسريب
- شحن فريون انجليزي R12
المشكلة : وجود بقعة زيت اسفل كمبروسور التكييف علي الارض بعد ركن السيارة 3 ايام مع وجود اثار زيت علي طنبورة الكمبروسور من مركزها (جربت التبريد بعد نزول الزيت وكان نفس المستوي جيد جدا) .
ملحوظة: -تم ضبط الموتور والتاكيهات وفتح غطاء وش التاكيهات بعد عملية صيانة التكييف وتم غسيل السربنتينة الخارجية امام الرادياتير بهواء وماء مندفع وغسيل شامل بالمحطة .
ارجو الافادة عن تقديرك المادي لعملية الصيانة المذكورة (دفعت 400 ج)
هل يمكن السيطرة علي الزيت المتسرب لوكان من الكمبروسور بدون خسارة الفريون
وجزاك الله خيرا
مرسى لاهتمامك ورضك علايا الكهرباء وصلة كويس والتبريد كويس برضة وبييفصل وبيشتغل كويس اوى العربية ستروين اية الحل لو سمحت الموضوع يخنق لزم اتحرك وتسخن بعدين يشتخل ax
طب انا عندى التكيف بيشتغل كويس بس مرة واحدة يجيب هواء سخن ويرجع يشتغل تانى لوحدة ؟؟؟؟
دة عيب اية ؟؟؟؟؟
وفى وقت الظهر بردة التكيف ادائة مش عاجبنى
العربية مازدا 3 2008 ؟؟؟
المشكلة دي لها كذا بعد... بس اللي فاهمه من كلام حضرتك انا اتعرضت لمشكلة مشابهه للي انت بتقوله
الاحتمال الاول والارجح حضرتك هنا عندك مشكلة سخونة في موتور العربية... قبل اي حاجة تبريد الموتور لازم يبقى كويس والردياتير سالك والترموستات مش قافش.. ليه؟؟... كل مكيفات العربيات الاصليه (بتاع بلدها) بيبقى راكب منها وصله لوحدة الكنترول بتاع العربية ( الكمبيوتر) حضرتك لو حرارة مياه الردياتير تجاوزت ال 95 بيتم فصل المكيف بشكل تلقائي حتى وان كان الصالون لسه سخن... ده ميكانيزم لحماية موتور العربية من الحرارة الزائدة وبمجرد ما الحرارة تنخفض شوية يرجع يشتغل تاني
وبخصوص العربيات الكربيراتير زي حالاتي فالسوزوكي سويفت فيه حساس حرارة مخصوص راكب جنب ترموستات الكوع وجنب حساس عداد الحرارة ده اللي بيخليه يفصل لو العربية سخنت زيادة
عشان كده من المهم جدا ان دورة تبريد الموتور تكون بحالة ممتازة وترموستات الكوع ميكونش قافش ومهم جدا ان حضرتك تتأكد ان مروحة الردياتير شغالة مع مروحة السربنتينة وكل فترة (شهر مثلا) تجيب خرطوم والعربية باردة تغسل السربنتينه والردياتير من بره بالراحة وصدقني دي هتفرق كتير جدا فوق ما تتخيل
الاحتمال التاني... ان بوابة الهوا السخن مش بتقفل كويس... وده حلها يا اما تظبط البوابات يا اما تعمل زيي وتلغي مسار الهوا السخن عن طريق فصل دورة المياة من سخان الصالون وده اللي بيعمله بتاع الردياتير مش بتاع التكييف
الاحتمال التالت وجود نقص في مستوى شحن الفريون... وده تتأكد منه عن طريق عدسة الفلتر او شخص بتاع تكييف يقيس لك الشحن (بس قبل ما تروح له اغسل السربنتينة بتاع التكييف من بره ضروري)
اي استفسار انا فالخدمة
شكرا جدا :)
بس انا عندى العربية مش بتسخن الحمد للة ؟؟؟
يبقى كدة الاحتمال الاول مش موجود صح ؟؟؟
الاحتمال التانى معرفش بصراحة
الاحتمال التالت انا اخر مرة عامل صيانة للتكيف الصيف الى فات ؟؟؟
ومغسلتش التلاجة ولا مرة من ساعت م جبت العربية 2008 ؟؟
ونفس الكلام منصفتشش دورة التبريد ؟؟
هل دة لية اثر على الكلام دة ؟؟؟؟
بص ياريس... حضرتك مؤشر الحرارة عادة بيكون رينجه من 80 الى 110 يعني الطبيعي رينج ال 95 ل 100 ده وسط المؤشر تقريبا... انت ممكن تلاحظ حكاية الصهد دي مع حالة الطريق والجو العام حواليك يعني هي الجو شديد الحرارة والطريق واقف؟؟... واراهن ان حكاية الصهد دي مش بتيجي الا فالزحمة وانك مش بتحس بيها لو العربية بتجري عالسريع... صح؟؟؟
هنا الحالات اللي بيفصل فيها الكومبريسور (في الاحوال الطبيعية... لسوزوكي سويفت وهي تتشابه في معظم السيارات)
http://i904.photobucket.com/albums/a...harma/nnnn.jpg
وهنا الترابل شوتينج بتاع التكييف (سوزوكي سويفت وهي تتشابه في معظم السيارات)
http://i904.photobucket.com/albums/a...Untitled-2.jpg
اللي باكلمك على تنضيفها هي السربنتينة بتاع التكييف اللي في حوض الموتور لازقه قدام الردياتير ودي بتضرب انت فيها خرطوم ميه والعربية باردة مش مستاهلة انك تعملها عند حد
عاوزك تتأكد من ان مروحة الردياتير بتشتغل اول مالمكيف يشتغل لأن دي نقطه مهمة جدا
بخصوص نضافة تلاجة المكيف دي هي يستحسن انها تتنضف ولو بالهوا المضغوط لو في امكانيه... انما لو مفيش ريحة وحشة يبقى خلاص
الحلول المقترحة انا جربتها ونفذتها
شلت ترموستات الكوع بتاع الميه في برطمان ازاز وباركبه فالشتا
سلكت الردياتير وطلع منه بلاااااااااااااااااوي
فصلت المكيف الساخن ولغيته تماما.... لأنه امرضني جامد قبل كده
فكيت مروحة التابلوه ونضفتها وزيتها باسبراي دابليو دي 40
والمروحة مفكوكة نفخت التلاجة بتاع المكيف بالهوا المضغوط وركبت المروحة تاني
مروحة الردياتير كان نظامها انها مش بتشتغل مع المكيف.... فركبت لها ريلاي (كتاوت) عشان تلقط مع المكيف
السربنتينه الخارجية باغسلها بانتظام
سير المكيف مشدود كويس
الأمور فرقت كتير جدا جدا جدا جدا
بافكر اركب ديلاي لمروحة المكيف الخارجية عشان تفصل شغاله 10 ثواني بعد اما المكيف يفصل (زي مكيف البيت) عشان تزود التهوية للسربنتينه الخارجية
السلام عليكم
انا عندي مشكلة ان التكييف مبيشتغلش ولما كشفت عليه قالولي ان الضغط العالي قليل قريب للضغط المنخفض وقالولي ان المشكلة في بلف الكونترول اللي في الكباس طيب السؤال هل لو الاكسبانشن فالف فاتح عل طول يعمل نفس المشكلة وهل لو الكلاتش بتاع الكباس ضعيف وبيعمل انزلاق يسبب نفس النتيجة ولا لا وازاي اتاكد انه بلف الكونترول قبل ما اغيره
أستأذنك أستاذي صاحب الموضوع في أن تتكرم بمساعدتي بخصوص هذه المشكلة
بيكانتو 2012
8000 كم
بتاعتي
طول منا ماشي بيها سواء صبح سواء بالليل بكون مشغل التكييف وساعات ببقى فاتك جزء من الزجاجين الأماميين لحين ما السيجارة تخلص
لاحظت مننذ فترة قريبة جداً بدء التكييف في الضعف
بيبرد كويس أوي لكن كمية الهواء الخارجة بسيطة للغااااااااااية بشكل مبالغ فيه بالرغم من وضع السرعة على 4 وتحديد وضع تدوير الهواء بالداخل
لحد امبارح وأنا راجع من اسكندرية الساعة 1 الظهر كنت ماشي ومعايا صاحبي ومشغلين التكييف على 4 وتدوير بالداخل وعمالين نجيب عرق من كل حتة
تحط إيدك على فتحات التكييف تلاقي الهواء بارد وحلو لكن ضعيف أوي واندفاعه صفر
مجرد ما تبعد إيدك عن الفتحة بمقدار 5 سم مش بتحس بأي برودة
علماً بأن السيارة فابريكة بالكامل ولسة محدش عمل فيها حاجة غير تغيير زيت الموتور
ومكملتش معايا شهرين
أرجو مساعدتي ولو هناك صور تبقوا مشكورين أوي
أنا أعتقد أن 50% من المشكلة سببها آشعة الشمس ..ونوع الزجاج بيفرق جامد جدا ..مثلا السيارات فى الخليج بتنزل بزجاج عاكس للحرارة ...
انا في اول الصيف رحت شحنت التكييف عند المراكبي في جسر السويس و غسل السربنتينة و كله تمام بعدها بجرب التكييف ظهرتلي مشكلة غريبة التكييف اول ما بشغلة بيبقي تلاجة بعد ساعة تبتدي كمية الهواء اللي خارجة تقل بس برضة ساقع زي ما هو , بعد ساعتين تقريبا بلاقي مفيش هوا بيخرج خالص مهما عليت المروحة مع اني ببقي سامع صوت المروحة بس مفيش هواء خارج لما سألت قالولي المشكلة في الكهرباء ممكن تكون cut out او فيوز مش عارف بقي هل الكلام ده صحيح ؟
انا عندى مشكلة فى التكيف وهى ان طول ما الجو برة حلو التكيف تلاجة وطول ما العربية مش سخنة التكيف تلاجة
اول ما العربية تسخن تعدى النص كدة الكمبروسور بيطفى والتكيف يبقى مروحة بس حتى وانا دايس على زرار ال ac
دى كدة ممكن تكون مشكلة اية ؟؟؟
مع العلم مستوى المياة فى اربة المياة عند الماكس ؟؟؟؟
أولاً: شكرا لمجهوداتك في الرد على استفسارات الأعضاء، وجعله الله في ميزان حسناتك
السؤال عندي: من 3 أيام بالضبط، صوت الموتور بقى عالي جداً لما اشغل التكييف. وكل لما ال rpm يزيد كل لما الصوت يزيد، الصوت مش عارف أوصفه، عامل زي ورررررررر كده، مع العلم إني شاحن فريون من 10 ايام تقريباً، وأدااء التكييف معايا كويس من بعد الشحن ولحد دلوقتي الأداء بالنسبالي مقبول جداً، بس الصوت اللي مزعج.
العربية كليو 2003 1200 سي سي
يا ترى المشكلة في ايه، ولو فيه قطعة غيار هحتاجها، ياريت تقول سعرها التقريبي بالمرة
وجزاك الله خيراً
مشكلة حضرتك سببها تكون التلج على تلاجة المكيف الداخلية مما يؤدي لانسدادها
طب ده من ايه
المكيف مش بيفصل... طب ليه؟؟
المكيف ليه كذا ميكانيزم فالفصل
http://i904.photobucket.com/albums/a...harma/nnnn.jpg
اولهم واللي له علاقة بالموضوع ده... حساس حرارة موجود فالتلاجة... وده بيفصل المكيف اما الحرارة بتاع التلاجة توصل لـ 1 مئوية...ويفضل فاصل شويه على ما الهوا يدوب التلج... في معظم السيارات الحساس ده يكون متوصل بفيشه مستقلة طالعه من علبة التلاجة الى كونترول المكيف... فممكن يكون اثناء الشغل الفيشه بتاعه اتفكت (عادة بيكون فيشه واحدة مستقلة وبسلكين)
تانيهم ده حساس الضغط وده راكب في حوض الموتور قرب صدر العربية على المواسير بتاع الفريون (مش متذكر اذا كان الباردة وللا السخنة)... ودي وظيفتها ان الضغط اما يوصل نقطة معينة يفصل وده مهم للحفاظ على عمر الكومبريسور... وممكن يكون عبقرينو لقاه بايظ فاستسهل ولغاه او مخدش باله انه يفحصه
http://images.gasgoo.com/MiMwMDRfMDA...sor-ps-001.jpg
التالت... ميكانزم الحماية وده عبارة عن حاجة من اتنين
لو عربية كربيراتير هيبقى فيه حساس حرارة راكب في دورة مياة التبريد واول ما حرارة الميه تعلى عن 100 (تقريبا) بيفصل المكيف عشان السخونة الزايدة متحملش عالموتور
وكذلك الحال لو كانت العربية انجيكشن بس الفصل بييجي من كونترول الموتور بتاع العربية
الميكانيزم الاخير... وده في حالة لو حضرتك كنت مشغل المكيف وماشي عالطريق وكبست بنزين للآخر (كيك داون) لمدة 10 ثواني... ده بيفصل الكومبريسور
دي ميكانيزم حماية للموتور عشان ميسخنش زيادة
حضرتك دور على اسباب سخونة العربية نفسها ايه؟؟
ممكن ترموستات الكوع يكون قافش... الردياتير مسدود... غطا الردياتير كاوتشته بايظة... مروحة الردياتير ضعيفة... الردياتير نفسه الزعانف بتاعه مسدودة من كتر التراب اللي عليها او تكون متنيه
لازم تخلي مروحة الردياتير تلقط من مروحة التكييف ويشتغلوا الاتنين مع بعض وللا لأ