ياجماعة طبعا الصيف داخل وبقوة والدنيا زحمة والواحد بيقف كتير فى فترة الظهيرة
فان شاء الله هعمل الموضوع دة وهرد على كل واحد عندة مشكلة مع التكييف ومش عارف يحلها وان شاء الله تتحل ويتلج كمان وكمان
عرض للطباعة
ياجماعة طبعا الصيف داخل وبقوة والدنيا زحمة والواحد بيقف كتير فى فترة الظهيرة
فان شاء الله هعمل الموضوع دة وهرد على كل واحد عندة مشكلة مع التكييف ومش عارف يحلها وان شاء الله تتحل ويتلج كمان وكمان
متابع :plusone1:
الريحه الريحه الريحه
نضفت الفلتر وحطيت عليه زيت معطر ومفيش اي فايده الريحه الريحه
واكون شاكر لو عندك حل يا باشا
لازم يكون هوندا بس ولا ممكن فورد كمان؟
اى شركة ياباشا مش شرط هوندا دورة التكييف بتبقى واحدة
طيب جزاك الله كل خير. انا عندي التكييف مشحون تمام والدورة معمول لها فاكيوم مظبوط ومفيش فقاقيع هواء في فلتر الفريون والثلاجة الخارجية اللي تحت المساحات دي متغطية بلباد عازل ومع ذلك التكييف بيبقى مش اوي اثناء سطوع الشمس. تحديدا في الفترة اللي بتبقى فيها الشمس عمودية يعني تقريبا من الساعة 11 للساعة 4 كده. قبل كده وبعد كده بيبقى ممتاز. لكن اوقات كتير بستعمل العربية بالنهار وببقى مش مبسوط بأداء التكييف. حضرتك تنصحني بأيه؟
ياريت يا سامح تحط فى الموضوع التحويل من فريون 12 الى 134 ، لانى سمعت كلام كتير فى الموضوع ده وبعد بحث اكتشفت انه ممكن مع تغيير نوع الزيت فقط اللى فى دائرة الفريون ، الكلام ده من على مواقع اجنبية كتير ، فلو عندك معلومة مؤكده ياريت تضفها للموضوع .
طيب يا باشا انا عندى مشكلة معايا لانوس 1 مفيش هوا ساقع بيطلع خالص لما اشغل الac ومش بحس ان الكومبريسور اشتغل يعنى الموتور مش بيتاثر فعاوز اوصل للعيب هل الكهربا مش واصلة للكومبريسور ولا فى عيب فى الكالاتش
لو ممكن اوصل لسلك التوصيل بتاع الكومبريسور وبيكون راكب فين فيشة الكهربا فى الكومبريسور والف شكر وكل سنة وانتم جميعا طيببين
+111111111111111111
يا جدعان الحل هوه الفاميه :))))
سمسم باشا انا التكييف عندى من غير الفاميه فى الجو الحلو ده بيبقى مالهوش اى تلاتين لازمه (بياخد وقت كبير علشان يسقع الدنيا )
وحاجه هتجنينى عندى صوت تنفيس طالع من الكمبروسير هموت واعرف ده ايه ؟!! ده لو تنفيس من الدوره كان زمان الفريون بخ ...بس مش لاقيه تفسير :) ده طبعا غير صوت الكركره اللى بتتطلع من الكومبرسيور ;)
والله يا باشا انا كنت عاوز اسال بالنسبة للانسر موديل 2002 ينفع يركب لها فلتر وعاوز اعرف مكان التلاجة فين هو علشان عاوز انظفها ده اللى مدوخنى لانى الصيف اللى فات فكيت درج التابلوه وفكيت مروحة البلاور وملقيتش التلاجة والاسبوع اللى فات قررت انى لازم انضف التلاجة واخدت قرار انى افك التابلوه وفعلا فكيت تلات اربع المسامير اللى ماسكه التابلوه وفكيت الساعة والكاسيت والجزء الخاص باوكر التكييف وزرار المريات والزرار الخاص بتعلية وتوطية نور التابلوه وفى الاخر لقيت تحت الكاسيت حديده المفروض تتفك مساميرها وكان ملفوف عليها اسفنج بتاع الفبريكه ولاقيت انى اول مرة الحاجات دى تتفك فحصلى نوع من القلق رجعت قفلت كله تانى لكن فعلا موصلتش لمكان التلاجة هل هى فى نصف التابلوه ام خلف الدرج مقدرتش اعرف
انا متشكر لاهتمامك بالرد بس انا فعلا فكيت المروحة قبل كده وملاقيتش الثلاجة وكنت عاوز انضفها ومعرفتش الاقى ليها اى دليل فهل جنب المروحة فى اللانسر واللى فى نصف التابلوه تحت الكاسيت
بوص يا باشا . الموضوع ده حصل معايا لسه من اسبوعين
الموضوع عندك ان شاء الله موش فى الكهرباء . الفريون لما يطير من الكباس بمعنى اتسرب من الكباس
الكباس موش بيئوم نهائيا . روح لواحد بتاع تكييف يفكيم الدايره الاول و يتأكد ان مفيش تسيرب و يتأكد من البلووف اللى مكان الشحن و اشحن الفريون ان شاء الله هيكون التكيييف اشتغل
قبل ده صحيح الاول
افتح علبه الفيوز اللى فى الكبوت و اتأكده ان كل الفيوزات سليمه معلش ان موش فاكر فيوز رقم كام بتاع التكييف فا لف عليهم كلهم و شوفهم لو سلام روح على بتاع التكييف علطول
و السلام عليكم
بوص يا سيدى انا بكلمك حالا و مريح من مشوار كبيير جدا جدا جدا فى تنظيف التكييف و السربنتينه اخديت مينى يومين( العربيه - لانوس 99)
انا مشكلتى كانت فى التكييف كان فى ريحه فظيعه حاجه معطنه . نويت و النتيه لله انى ائوم بالعمل بنفسى بعد ما شوف فى منتدى الانوس استاذنا كلنا ممدوح عمل الموضوع ده
المكن زنقه فى ما تتخيل فكيت الكرسى و نمت على ظهرى و فكيت لائيت السربنتينه زباله و رحتها تفرف و ريش مروحه البلاور تراب لازق
جيبت اسبرى تنظيف كاربرتير الانجكشن و البوابه عشان بينظف و بيطير و ينشف مفيش حل غير كده عشان معملش بحيره جوه العربيه و اعد اروش على السربنتينه لحد ما نضفت . و بعد ما خلصت و شغلت بلور بتاع البيت عشان انشف السربنتينه بسرعه . و جيبت معطر و رشيته على السربنتينه و رشيت على مروحه البلور و قفلت و شغلت و النتيجه
تمام تمام . و الريحه زى الفل
فيه ريحة تراب او ريحة وحشة بتطلع من الهوايات لما اشغل المراوح بس من غير ماأشغل التكييف فعلاجها ايه ؟؟؟
مشكلة حضرتك :
1- اول حاجة حضرتك هتغسل السربنتينة كويس جدا من برة ومن جوة
2- اتاكد ان مروحة السربنتينة بقوتها يعنى مش ضعيفة
3- لازم يكون نوع الفريون كويس ( بولندى - انجليزى )
4 - الكباس عندك والراجل بيشحن التكييف لازم يتأكد من مدى قوة ضغطة لان لو الكباس ضعيف هيعمل الاعراض دية بس احنا الاول عايزين نعمل الحاجة السهلة
فيوز الخاص بال a/c بيبقى موجود فى علبة الفيوزات الموجودة داخل الحوض بتاع المحرك حضرتك هتلاقى الرسمة اللى على العلبة موجود كل فيوز وظيفتة وقوتة هتجيب كهربائى يشيك على الفيوز لو لاقة شغال يبقى كدة حاجة من الاتنين يأما سير الكباس اتقطع او الكباس نفسة باظ
مشكلتك دية ان شاء الله هشوفهالك فى المقابلة
الريحة دية عشان تروح ياباشا فية منظف اسمة منظف التكييف بيتجاب وبعد كدة اعمل التكييف على السخن وشغلة خمس دقايق
واهم حاجة تتأكد من جودة فلتر التكييف
فيوز الخاص بال a/c بيبقى موجود فى علبة الفيوزات الموجودة داخل الحوض بتاع المحرك حضرتك هتلاقى الرسمة اللى على العلبة موجود كل فيوز وظيفتة وقوتة هتجيب كهربائى يشيك على الفيوز لو لاقة شغال يبقى كدة حاجة من الاتنين يأما سير الكباس اتقطع او الكباس نفسة باظ
طيب يا باشا مش ممكن يكون احتمال تالت ان السلك اللى واصل للكلاتش يكون مقطوع مثلا مع العلم ان السير بتاع التكييف تمام والفيوز تمام ؟ واصل للسلك دة ازاى ؟
السلام عليكم ياباشا انا عندي صوت ورة ورررررر في المكيف ممكن يكون العيب فين مع العلم لما اشغل المروحة فقط بيروح الصوت لكن لما يشتغل a/c الصوت بيشتغل وبيظهر اكتر لما العربية تسخن جامد ممكن تقولي العيب فين وشكرا
ممكن حضرتك تشرحلي ازاي استخدم منظف التكيف بالخطوات ؟؟؟
وشكر لسيادتك على وقتك
السخن مش شغال
السلك مش واصل
عايز اعرف مكان واحد كويس بيشحن التكييف وانا مكانى فى شبرا
فية عندك سلك جنب السربنتينة وواصل فية cut-out وكمان فية سلك كهرباء على الكباس نفسة
الونة دية بتكون موجودة من بلية التكييف وبتتغير عادى جدا من غير ماتفضى الفريون
حضرتك هتفتح علبة المنظف هتلاقى فيها خرطوم انسيابى طويل هتدخلة بداخل فتحات التكييف الموزعة على التابلوة وترش كويس
ثم هتفك المروحة بتاعة التكييف ودخل الخرطوم دة خلف مكان المروحة وترش كويس
بعد كدة تفتح التكييف على اخر سرعة وتسيبة لمدة 15 دقيقة وتكون فاتح زجاج العربية
ان شاء الله الرائحة تروح والتكييف اداءة هيتحسن
انزل الحرفيين هتلاقى فية ناس كتير
وفية واحد اسمة سليمان خلف السندباد
طيب يا باشا مش ممكن يكون احتمال تالت ان السلك اللى واصل للكلاتش يكون مقطوع مثلا مع العلم ان السير بتاع التكييف تمام والفيوز تمام ؟ واصل للسلك دة ازاى ؟http://img219.imageshack.us/img219/9615/quote10.pnghttp://img221.imageshack.us/img221/3964/quote08.png
فية عندك سلك جنب السربنتينة وواصل فية cut-out وكمان فية سلك كهرباء على الكباس نفسة
تقصد حضرتك فى كتاوت جنب السربنتينة اللى جنب الريداتير؟
طيب الكتاوت دة نكشف علية ازاى بعد ازنك
والف شكر على الاهتمام ربنا يجازيك كل خير
انا بس شاكك فى الكالاتش مفيش كهربا واصلة لة لانى مش بحس باى حركة او تغيير او اى شىء لما ادوس على ac
اسف جدا انا معرفش اية ال cut-out لان الكتاوت ريجوليتور او منظم لكن ال cut- out h انا فعلا مش عارفها ممكن حضرتك توضحهالى بالشرح ؟
الف شكر يا باشا تعبتك معايا
يا رجالة من فضلكم لو حد يعرف اية هوة الcut-out ؟ يقولى اية هوة ونجربة ازاى انة فعلا بيشتغل بكفائتة؟
cut out = كتاوت
زي ما الجير بوكس بقى جربوكس
أو إلسيفتي فالف بقى سكس بلف
زى ماقال الاخ
ال cut-out دية اللى هية باللغة العامية الكتاوت
وعموما ياباشا انا معرفش تصميم كباس اللانوس بس المفروض ان اى كباس لازم يكون متوصل ب cut out لتقوية الكهرباء وتنظيم عملية التشغيل الكهربائية
بالظيط كدة زى cut-out النور والكلاكس لو ال cut - out باظ يبقى مافيش حاجة هتشتغل مع انهم كويسين وشغالين
فحضرتك بقى تسأل حد معاة دايو لانوس يفيدك اكتر فى موضوع الاماكن او توديها لكهربائى يكشف عليها
أنا كونت عاوز أركب كباس عرية يباني للميجان علشان كباس الميجان ضعيف فهل ينفع ؟ و مين بتاع تكيفات شغال في الموضوعدة كويس ؟ أصلي سمعت أنو لو أتبدل بكباس تيوتا بيفرق جامد
المقصود بالكتاوت(cut out) هو ال-relay أو المرحل
هو ما بينظمش الكهربة بس لتفاصيل أكتر عنو في ال لنك ده
Relay - Wikipedia, the free encyclopedia